Sammála en samt ósammála.

Ég er sammála rektor að menntun er leið út úr kreppunni en ég hef trú á því að við séum ósammála um hvaða menntun það er.
Vitað er að Finnar lögðu óhemju áherslu á tæknimenntun til að koma sér út úr kreppunni og sagt er að þeir hafi meðal annars gert sérstakt átak í að kynna mæðrum kosti iðnmenntunar til að þær hefðu áhrif á börn sín svo þau færu í iðnnám. Iðnnám á ekki upp á pallborðið hjá okkur Íslendingum það virðist álitið ógöfugt starf sem að henti einna helst innfluttu ódýru vinnuafli þó má það ekki vera frá Kína ef taka skal mark á forseta ASI það þarf helst að hafa CE stimpil frá ESB á óæðri endanum en þá er það líka í fínu lagi.

Undanfarin ár höfum við skipulega að mínu mati dregið úr iðnmenntun það er vitað að iðnmenntun er dýrari en bóknám sem er sennilega ein af ástæðunum fyrir því að ráðamenn eru ekki hlynntir því kannski er önnur ástæða hvað fáir iðnmenntaðir einstaklingar eru á þingi.
Við höfum breytt þrautreyndum námsbrautum eins og Vélstjóranámi og endurskýrt þær með orðinu tækni einhverstaðar í nafninu en orðið tækni virðist nú vera í tísku eins og orðið fræðingur tröllreið öllu þegar ég var ungur og hætti að vera Vélstjóri en varð Vélfræðingur en það skeði nokkurn vegin sjálfvirkt þegar ég labbaði í gegnum hurð í sama starfi og með sömu menntun og sama sjálf og ég hafði hinu megin við hurðina. Svona eru tískubólurnar.

Þarf virkilega alla þessa lögfræðinga, viðskiptafræðinga, guðfræðinga, kynjafræðinga, bókmenntafræðinga og svo framvegis. Þurfum við ekki ískalt að skoða hvaða störf skapa verðmæti þá efnisleg verðmæti þó að ég viðurkenni að andleg verðmæti eru líka verðmæti en þau veita ekki magafylli fyrir almúgann né skapa gjaldeyrir í sama magni og hin efnislegu því miður. Verðum við ekki ískalt að stefna fólki skipulega í menntun sem að nýtist til framleiðslu það er mín skoðun.

Okkur er orðið hátækni gífurlega tamt um þessar mundir allir eiga að vinna hátæknistörf og þá helst í gagnaveri. Hvaða hátæknistarf er í gagnaveri ef við smíðum búnaðinn þá er það hátækni, en verður búnaðurinn smíðaður hér? 
Sjáum við eingöngu um forritun þá er það ekki hátækni og það er á einu augnabliki hægt að færa fóritunarstörfin til Indlands eða Kína, hvað segir Gylfi þá.
Sennilega er iðnstýring kælikerfisins mesta hátæknin sem er í gagnaveri og frágangur ljósleiðaranna síðan má telja það til hátækni að skúra svona stað án þess að skvetta raka á hinn viðkvæma búnað.

En það vill svo til að það er fullt af hátækni störfum hér og þau eru unnin af fólki út um allt land þeir sem að komið hafa nýlega í sumar af fiskimjölsverksmiðjum og frystihúsum okkar hafa séð hátækni ég var á ferð um landið og var svo heppin að vera boðið að skoða eitt af þessum fyrirtækjum. Ég get sagt það að þó að ég hafi reynslu á þessu sviði þá féllust mér hendur þegar ég skoðaði fyrirtækið.
Hráefnið kemur inn fer eftir línum stjórnað með iðntölvum og skynjurum og kemur út sem full unnin vara í pakkningum og þetta er fyrirtæki sem aldrei er nefnt í sömu ræðu og hátæknin sem öllu á að bjarga hér. En svona hátæknifyrirtæki eru út um allt land og skapa gjaldeyri hvern einasta dag og þarna vinna Siggi frá Grund og Gunna á Eyri með sína iðnmenntun sem þau luku fyrir 24 ára aldurinn og hafa síðan stundað framhaldsnám í lífsins skóla en hann býður upp á ólánshæft nám án nokkurs möguleika til útskriftar fyrr en maður verður aftur að moldu. Ég þori síðan ekki að minnast á þá hátækni sem er í hinum umdeildu álverum og þeim afleiddu þjónustustörfum sem í kring um þau eru.

Eflaust rísa margir upp á afturlappirnar sem nenna að lesa þetta og halda að því sem beint gegn æðri menntun það er alls ekki málið er bara það að þegar peningar eru ekki til þarf að athuga hvernig best er að nýta þá til að skapa sem mest vermæti sem skila sér til baka sem fyrst. Þá hlýtur að vera rétt að skoða hvort að hnitmiðuð iðnmenntun sem skilar fólki á vinnumarkaðin rétt rúmlega tvítugu er ekki þjóðhagslegra hagkvæmari en menntun sem að tekur fólk 25% af vinnuævinni að ljúka.

Ég tel að ef við horfum á stærð þjóðfélagsins og fjölda ákveðinna stétta þá sé þetta augljóst. Eða er ekki skrítið svona gróft áætlað að ef bíllinn þinn bilar í Ártúnsbrekkunni þá keyri ef ég man rétt milli 50 og 60 einstaklingar af lögfræði og viðskiptafræði stétt framhjá þér áður en að fyrsti bifvélavirkinn kemur sé miðað við prósentutölu. Það fara semsagt 100-110 mans framhjá áður en að sá sem eitthvað getur liðsinnt þér kemur nema að hinir hafi kaðal í bílnum og tími að draga þig á Porce jeppanum.

Það er síðan athyglisvert að þó bifvélavirkjar séu svona fáir gengur bílafloti landmanna áfallalaust að mestu en lög og regla eru í algjörri upplausn og viðskiptafræðileg staða landsins er þekkt um allt hið byggða sólkerfi.

En ég er sammála rektor að menntun er lausnin en eins og ég sagði að ofan er ég ekki viss um að við séum sammála um hvaða menntun við skulum ekki gleyma því að skólar eru fyrirtæki sem fá borgað fyrir fjölda nemenda en ekki fyrir gagn það sem menntun þeirra veitir þjóðinni þannig að skilda þeirra sem reka þá eins og annarra sem reka fyrirtæki er að standa vörð um sinn skóla en ekki endilega að predika hvaða menntun sé hagstæðari en önur fyrir þjóðfélag sem er á hausnum

Menntun leiðin út úr kreppunni

Óþarfamál

Þetta er að mínu mati algjört óþarfa mál. Frá mínum bæjardyrum séð á að setja upp einhverja elítu nefnd sem hefur sennilega það helsta markmið að veita einhverju smá launauppbót síðan verður malað og malað og ekkert skeður sem er kannski bara gott því að ég sé enga þörf fyrir nýja stjórnarskrá. Það er ekkert að þeirri gömlu það þarf bara að fara eftir henni og þar stendur hnífurinn í kúnni eða halda menn að eitthvað verði frekar farið eftir einhverju ný modern plaggi nei það verður ekki raunin.

Reynum að hundskast til að fara eftir þeirri stjórnarskrá sem að við höfum og starfsmenn mínir á planinu niður við Austurvöll farið að vinna vinnuna ykkar þá gæti kannski farið að rofa til hjá okkur annars verð ég og fleiri landsmenn að fara að líta á uppsagnarákvæði ráðningarsamninga ykkar.

Annars gæti verið smá breyting sem væri til góðs. Það er að fækka þingmönnum niður í ca 31 skipta landinu í 15 kjördæmi síðan yrði kosið á tveggja ára fresti um 15 þingmenn þannig að það yrði mun meira aðhald á starfsmönnum mínum við völlinn því að styttri tími milli kosninga væri vinnuhvetjandi. Hvers vegna ekki síðan að kjósa í helstu embætti eins og ríkislögreglustjóra seðlabankastjóra og forsætisráðherra en stjórnarskráin sem slík er gott plagg og eina sem vantar er virðing fyrir henni.

Stjórnlagaþing að verða að lögum

Bóla

Þetta var engin hagvöxtur þetta var bóla hér á suðvesturhorninu það verður fróðlegt að sjá tölur frá 2008-2010 skrítið að 2009 sé ekki með nú á tölvuöld. Að mínu mati má kannski ræða um hagvöxt á Suðvesturhorninu en þá hefur verið raunvöxtur á landsbyggðinni

Meiri hagvöxtur í Reykjavík en á landsbyggðinni

Djúpvitur orð

"Vandi minn felst í því að ég get ekki komið til móts við óskir þeirra um hvalveiðar. Það er ekki meirihluti fyrir sjónarmiðum þeirra innan Alþjóða hvalveiðiráðsins.“
Þetta eru óskiljanleg orð er ekki hægt að hafa skoðun nema að maður fylgi meirihlutanum.

Svo mælir ráðherrann en ég hélt að Færeyingar væru reiðir því að hún styddi ekki þeirra kröfur en ekki reiðir yfir því að hún gæti ekki bjargað heiminum Espersen getur alveg stutt Færeyinga þó að allir séu á móti henni við það eða vill hún vera memm og segja bara það sem er mönnum þóknanlegt þá og þá stundina sem sagt tala í allar áttir.
Þá gæti maður freistast til að álykta að hún hefði lært stjórnmál hjá ríkisstjórn Íslands Kannski er Lene meðlimur í Samfylkingunni eða VG flokkum sem að vilja heldur vera memm með öðrum en þegnum lands síns.

Þetta er ekki alveg rétt hjá mér þeir flokkslimir sem að ég minntist á að ofan vilja alveg vera memm með sumum löndum sínum það er ef að þeir eru í skilanefndum eiga fé og ýmissa aðra kosti þurfa þeir að hafa sem of langt væri að telja upp en landsmenn flestir vita nú orðið.

Áberandi best til að vera þóknanlegur er að þó hafa sett eitt land á hausinn þá vilja allir vera memm.

Færeyingar æfir út í Espersen

Er ekkert við að vera annað en skítkast. (Hvar er skjaldborgin)

Það virðist ekkert vera að gera núna mínútu fyrir sumarfrí hjá starfsmönnum mínum við Austurvöll annað en að henda skítasprengjum í einhverja aðra svo að ekki finnist lyktin af eigin úrgani og úrræðaleysi.
Hér toppar háttvirtur þingmaður félaga sína og er það  mikið afrek því að topparnir hafa verið margir síðustu daga og allir niður á við. Ég hef trú á að þjóðin sjá í gegnum þetta eins og það að það trúir ekki nokkur maður nema sanntrúaðir Samfylkingarmenn og konur því að Jóhanna hafi ekki vitað af launamálum Más.

Ég mælist til þess að alþingismönnum verði fækkað í 21 þing verði lagt niður og samkundan kölluð ríkisráð.

Síðan þó að ég sé einlægur hægrimaður þá sá Pétur Blöndal til þess í morgunþætti Bylgjunnar í morgun að ég greiði flokki hans ekki atkvæði meðan að hann er þar á lista.
Ummæli hans og afstaða til þess þjófnaðar sem framin var á okkur sem byggjum heimili þessa lands er eitthvað sem að ég felli mig ekki við. Sú órjúfanlega ást sem að hann hefur á eigendum fjármagns hefur greinilega ekkert kulnað enda muna sennilega allir þá sannfæringu hans að allt fé þyrfti hirðir. Vandamálið er það að fjárhirðarnir sem hann er svo hlyntur hirtu féð en það er að sjá að honum finnist eðlilegt að fólkið í landinu leggi þeim sömu fjárhirðum til aðra digra sjóði.

Það er að koma betur og betur í ljós að einungis einn þingmaður hefur bein í nefinu og virðist tala án þess að eigin hagsmunir ráði för eingungis einn þingmaður virðist skilja hvað er í gangi og talar ekki eins og múlbundið dráttadýr flokksmaskínu. Þessi þingmaður er kona og ég skora á hana að segja sig úr flokki sínum og starfa óflokksbundið og ég hvet okkur þjóðina til að fela henni að leiða okkur út úr þessum vandræðum.

Þetta er Lilja Mósesdóttir og þetta rita ég forpokaður hægri maðurinn.

 

Kostar hvern íbúa 551.000 kr.

Stjórnvöld ættu að skammast sín.

Stjórnvöld ættu að skammast sín þau hafa ekkert gert nema að lengja í hengingaról heimilanna og það er ömurlegt að horfa á hvernig þeim virðist vera slétt sama um þegna sína.
Össur sést ekki hann er svo upptekin í Brussel eða það vona ég hann er allavega horfin af yfirborði jarðar kannski er hann að reyna að gleymast. 
Steingrímur orðin jafnstór í rekstri og Jón Ásgeir og Jóhanna gerir sér ekki grein fyrir því að það fer kuldahrollur um þegna hennar þegar þeir hugsa til hinnar skelfilegu setningar "Minn tími er komin"  Það er ömurlegt að vera Íslendingur í dag.

Það er síðan enn athyglisverðara að hlusta á umræðuna og fréttir og reyna að finna út hver andskotinn gengur á. Félagsmálaráðherra vill frysta öll laun en það virðist vera hans eigin skoðun Steingrímur hefur ekkert heyrt minnst á það né launþegahreyfinginn. Þessi sami félagsmálaráðherra er meðlimur í ríkisstjórn sem er uppvís að því að reyna að finna leiðir framhjá kjararáði til þess að geta yfirborgað Seðlabankastjóra kannski eiga þau laun að koma úr frystingu launa annarra ríkisstarfsmanna. Ekki reyna að segja mér að stjórnvöld viti ekki hvað undirsátar þeirra gera þó að þau þykist ekkert hafa vitað af málinu.

Steingrímur segir síðan að miljóna laun i bönkunum það er Landsbanka komi honum ekki við þau séu ekki á hans forsjá.

Kastljós kvöldsins var síðan athyglisvert ég hélt að Árni væri orðin fréttamaður en spyrilinn væri félagsmálaráðherra því að hún fór hamförum í að reyna að réttlæta launafrystingu ríkisstarfsmanna að mínu mati, skildi hún ekki vita að hún er ríkisstarfsmaður, hvernig væri að spara með því að hætta að sjónvarpa á fimmtudögum og loka sjónvarpinu einn mánuð á sumri það var svoleiðis.

Síðan er það Kínagrýlan það er gefið í skyn að við verðum í frosti hjá öllum siðmenntuðum þjóðum ef við eigum viðskipti við Kína það voru endurteknar spurningar í þá veru í fréttum í dag. Hvernig er það átta menn sig ekki á að stór hluti heimsins á í viðskiptum við Kína ég spyr mig hvað liggur að baki þessara spurninga fréttamanna oft á tíðum ég get ekki skilið það en Kastljósið var skrítið og er enn skrítnara þegar ég horfði á það í annað skipti er spyrillinn að fara í framboð fyrir Samfylkinguna eða hvað.

Formaður ASI náði líka nýjum hæðum í dag þegar hann fór að gefa í skyn að það yrði nú að passa að hingað kæmu ekki vondir verkamenn frá Kína sem að eyðilegðu Íslenskt atvinnulíf ég veit ekki betur en að okkar ágæti formaður sé fylgjandi ESB og þar með fylgjandi því að hingað flykkist láglaunavinnuafl frá hinum fátækari ríkjum ESB ég veit alveg hvernig ástandið var hér í uppsveiflunni og ég hef líka mína skoðun á þeim aðgerðum eða aðgerðarleysi sem að verkalýðshreyfinginn sýndi þá. En þessi orð fá mig til að halda að ódýrt ESB vinnuafl sé ASI þóknanlegra en Kínverskt. Við skulum síðan ekki gleyma því hvernig ASI berst fyrir verðtryggingunni til að vernda lífeyrissjóðina sem að arðræna okkur alla æfi og vona síðan að við köfnum á afmælistertunni á 67 ára afmælinu svo að þeir geti stungið ævigreiðslunum okkar í hýtina. Hef oft furðað mig á hvað verður um greiðslur þeirra sem falla frá fyrir aldur fram en mín skoðun er sú að þeir séu lífeyrissjóðunum þóknanlegri en aðrir lái mér hver sem vill fyrir þá skoðun.
Ég er meira hallur undir Kínverskt fjármagn heldur en fjármagn fyrrverandi útrásarvíkinga sem að ekkert geta byggt hér upp nema að fá margfaldan afslátt af öllu og það þó að ég aðhyllist skoðanir sem eru eins langt frá Kínversku kerfi eins og mögulegt er.

Nei ég held að stjórnvöld ættu að skammast sín og hundskast í burtu því bara sú staðreynd að 22000 einstaklingar séu í vandræðum og stjórnvöld halda því fram að hér sé allt í góðum gír og aðgerðir þeirra svínvirki þau stjórnvöld eru að mínu mati ekki starfi sínu vaxin og ættu að sjá sóma sinn í að slíta þingi og boða til kosninga strax.

Getur síðan einhver sagt mér að skynsemina í því að 63 einstaklingar ásamt hjálparkokkum haldi í sumarfrí í byrjun júní og mæti aftur um veturnætur meðan landið brennur er ekki einfaldast að þessir einstaklingar fái greiddan sinn  frímánuð og síðan ekki neitt fyrr en mætt er til vinnu aftur ég sem vinnuveitandi þeirra sé allavega ekki ástæðu til að greiða þeim laun yfir þennan tíma. Það að þau þurfi að fá þetta frí til að vera í kjördæmunum er vitleysa það er orðið hægt að fara um landið og sinna sínum erindum á innan við viku og ég man ekki betur en að þessir einstaklingar hafi fengið starfsviku í vetur eins og skólabörn til að sinna vinnunni sinni. Svo frá mínum bæjardyrum séð virðist þurfa að gefa þeim frí til að þeir geti unnið ég næ því ekki frekar en margri annarri vitleysu sem hér er í gangi þessa dagana.

Eins og stendur í einhverstaðar þá virðist oss verða flest til ógæfu um þessar mundir.

Um 22 þúsund á vanskilaskrá

Skildi okur valda því.

Samtök kaupmanna hafa svarið við þessum samdrætti en það er að draga úr álagningu. Andrés Magnússon mótmælti skattlagningu á vín í fréttum og benti á að samdráttur í sölu þess væri vegna þess að verð væri of hátt sama á við um aðra verslun það er samdráttur því að kaupmenn hafa notað tækifærið til að hækka vörur fram úr hófi þannig að ekki er orðið önnur orð um að hafa en bölvað helvítis okur. Dagvöruvöruverslun dregst auðvitað minna saman því að við pakkið þurfum jú að éta það er ekki búið að kynbæta það úr stofninum enn.  Sé vilji hjá kaupmönnum til að vera samkvæmir sjálfum sér og auka verslun þá lækka þeir álagninguna hjá sér. En grun hef ég um að fyrr frjósi í víti en að það skeði.

Hér er helvítis okur á flestu og það í boði ríkisstjórnarinnar vegna þess jú að Steingrímur og Jón Ásgeir eru orðnir nokkuð jafnfætis sem stærstu busnies menn landsins svo að þeim tveimur getum við þakkað vöruverðið.

Velta í smásöluverslun dróst saman í maí

En hlaupum við apríl þó komin sé júní

Ég viðurkenni að ég hrökk við þegar ég sá þessa frétt í morgun en sett í samhengi við hvað er í gangi og hvar hún birtist leifi ég mér að halda eftirfarandi fram og byggi það á því að meirihlutinn hafði ákveðið að hækka ekki gjaldskrá OR árið 2010 og síðan ef menn lesa annað sem komið hefur fram er þessi hækkun miðuð við að hún ein og sér dugi OR til reksturs þá er ekki reiknað með endurskipulagningu í rekstri eða hækkun álverðs heldur bara að Reykvíkingar beri þungan af rekstri OR þessi ár. Þannig að ég tel að þessi frétt sé skrifuð í þeim tilgangi að undirbúa okkur undir það að það þurfi að hækka gjöldin ekkert endilega vegna þess að það þurfi að hækka heldur vegna þess að það er möguleiki á að kenna öðrum um þá h ækkun.

Nú eru samningaviðræður í gangi milli Samfó og BF þá þarf að finna pening og hann má finna hjá almúganum og hvað er þá betra en hækkun orkuverðs og enn betra að geta kennt Hönnu Birnu og félögum um það. Þessi frétt sýnir mér það að Jón Gnarr er fljótur að læra Samfylkingarandinn hefur ekkert breyst og að Fréttablaðið gengur enn erinda þeirra sem þeim eru þóknanlegir.

Það er gott að búa í Gnarrarvík þar breytist ekkert.

Það er einungis eitt sem að getur hrakið þessa kenningu mína og það er það að nú lýsi Besti flokkurinn og Samfylkingin því yfir að þau ætli ekki að hækka orkuverð árið 2010 og ætli sér að taka á rekstravanda OR með hagræðingu og þá ekki minnkun þjónustu verði svo skal ég glaður viðurkenna að ég hafi haft rangt fyrir mér.

Heita vatnið þarf að hækka um 37%

Ráðamenn eru ekki með meðvitund.

Það er ótrúlegt að nú í byrjun júnímánaðar árum á eftir hruninu skuli enn verið að gefa út skýrslur og kannanir um það að heimili á Íslandi séu í vandræðum þetta vita allir.

Þessi mál sýna þó sorglega hlið á okkur mannfólkinu.
Sorglega hliðin á stjórnvöldum sem kenna sig við félagshyggju réttlæti og velferð er að þau hafa ekki gert neitt ég hef áður líkt þeim við hina stöðluðu sakleysislegu ímynd af ljóshrærðu bláeygu stúlkunni með tíkarspenanna sem segir ég gerði það ekki heldur þeir og horfir tárvotum augum til himins í sakleysi sínu þó að hún hafi tekið fullan þátt í að brjóta rúðuna. Þennan málflutning nota stjórnvöld og komast upp með það.

Stjórnvöld hafa hins vegar ekki dregið af sér í að hjálpa þeim sem fóru fram úr sjálfum sér í hruninu og eru þar tilvonandi lög á  bílalán sorgleg táknmynd um forgangsröðun hjá þeim það að detta í hug að bjarga húsnæði fólks er ekki á borðinu manni dettur einna helst í hug að það eigi  hægt og skipulega að færa það í hendur banka og lánastofnanna sem síðan leigja það til landsmanna sem fæðast og deyja eftir það í boði sósíalísks réttafars og bankanna sem eru óðum að komast aftur í eigu einhverja huldu manna sem sennilega eru sömu einstaklingar og áður.

Sorgleg hlið á þessu snýr líka að okkur almúganum í hvert sinn sem tillögur koma um að gera eitthvað rísum við upp á afturlappirnar og mótmælum því að hann Siggi í næsta húsi gæti fengið meira en við þannig tekst stjórnvöldum að ala á sundrungu og létta sér störfin við að gera ekki neitt.

Það er mitt mat að hér var framin glæpur hvað annað er það en glæpur þegar að 7000 000 króna húsnæðislán er komið á tíundu miljón laun hafa staðið í stað meðan afborganir hafa hækkað hátt í 30000 á mánuði . Þetta er þjófnaður í mínum bókum fiktað var í meingallaðri vísitölu til að auka eigið fé og það fé og verðmæti sem aðrir höfðu greitt var sogað í burtu. Þetta er ekkert annað en hreinn og klár þjófnaður á ævistarfi einstaklinga og kemur verst niður á þeim sem að engan þátt tóku í hrunadansinum heldur lifðu sínu lífi á skynsaman hátt.
Það er skýlaus krafa að þetta verði leiðrétt og þýfinu skilað fyrr verður aldrei friður hér á landi og þarf engan Þorgeir Ljósvetningagoða til að sjá það þó að blindir ráðamenn sjái ekki þetta einfalda réttlætis mál.
Það er stórkostlegt að sjá verðbólgu æða áfram í landi þar sem að ætti að ríkja verðhjöðnun vegna þess að allt er frosið laun lækka atvinnuleysi eykst húsnæði lækkar samt tekst vítishjóli verðtryggðarinnar að knýja sig áfram og vel flest það sem stjórnvöld gera bætir á það bál.

Svo nú alt næstum tveimur árum seinna segja þau þetta er allt þeim að kenna sem voru áður við völd. Sögðust þessi stjórnvöld ekki ætla að breyta einhverju. Það versta er að þau komast upp með það að hafa ekkert annað til málana að leggja það segir margt um okkur almúgann að við skulum enn gleypa við þeim rökum og að stór hluti landsmanna sé svo blindur á getuleysi núverandi stjórnvalda að hann vilji fylgja þeim fyrir þau björg sem að stjórnvöld staðfastlega stefna á meðvitundarlaus.

Staða heimilanna afar slæm

Víst hefur vöruverð hækkað.

Nú ætla ég að vera ósammála mínum gamla sveitunga víst hefur vöruverð hækkað og í sumum tilfellum alveg ótrúlega mikið. Af hverju veður annars verðbólgan áfram hún er byggð á hækkunum vöruverðs.

Minn gamli sveitungi segir innflutt matvæli hafi ekki hækkað sem nemur gengisbreytingum eflaust er það rétt hjá honum, en vöruverð er meira en bara verð  á matvælum. Föt,skór,bleyjur og margt fleira sem að hefur hækkað þannig að það verðið á því er ekkert annað en okur.

Andrés segir „Þetta er til þess fallið að rugla fólk í ríminu,“ segir hann og bætir við að samtökin miði við 12. nóvember því það sé þeim hagfellt"  
Gæti verið að hann minnist á innflutt matvæli vegna þess að það sé hans samtökum í hag. 
Gæti líka verið að verð á innfluttum matvælum hafi ekki hækkað vegna þess að gæði þessara vara hefur hrunið og gæði ávaxta eru þannig í dag í mörgum tilfellum að það má gott heita að komast með þá heim áður en þeir eru ónýtir. Verð á nýlendu vöru hefur rokið upp.

Ég tel að Samtök verslunar og þjónustu ættu að skammast sín í mörgum tilfellum því að þegar það er orðið ódýrara að kaupa ákveðna vöru beint út úr búð á netinu í Þýskalandi flytja hana heim með DHL borga af henni öll gjöld og skatta og eiga afgang sem að nemur helgarinnkaupum stórfjölskyldu þá er eitthvað að hér. Ég hvet fólk sem að þarf að fata upp börn kaupa skó eða barnavörur eins og barnavagna að skoða þetta vel því að þetta getur munað miklu.

Ég hver neitendur til að leita sé upplýsinga á netinu og jafnvel kaupa frekar þá vöru sem að þeim vantar erlendis heldur en að styrkja hér verslanir sem hefur það eina markmið að stunda okur á landmönnum.

Ég tek það fram að það eru verslanir hér sem að eiga heiður skilið og við þær á að versla geri menn verðkönnun áður en þeir kaupa hluti þá sjá þeir fljótt um hvaða verslanir er að ræða í báðar áttir.

Máli mínu til stuðnings þá eru hér smá dæmi  Venjuleg lopapeysa  42 000 lopapeysu sérfræðingur fjölskyldunar sem að taldi rétt verð vera ca 16000 er enn í öndunarvél vegna áfalls og hefur þó prjónað hundruð þeirra. Skór 6900 keyptir vegna góðs verðs dugðu 6 vikur ónýtir annað par keypt af þvermóðsku dugðu 3 vikur ég kaupi ekki skó á 40.000 og þar yfir þannig að nú verðu leitað á netinu. og fleiri dæmi eru til.

Kannski liggur munurinn á því hvað okkur gömlu sveitungunum í því að ég sé um öll innkaup á mínu heimili enda einræðisherra þar  og er því í góðu sambandi við tenginguna milli vöruverðs og pyngju minnar.

Segir innflutt matvæli ekki hafa hækkað