Eintal einfeldnings.

Ég er sennilega hálfgerður einfeldningur því það er svo margt sem að ég skil ekki í þessu jarðlífi og það versnar heldur eftir því sem tímar líða ekki hef ég það mér til afsökunar að vera ljóska því áður en að skinnið spratt upp úr hárinu var toppstykkið prýtt dökkum lokkum þar sem nú húka einmanna grá strá á stangli þegar ekki er slegið. En nóg um það.

Ég skil ekki að það skuli vera hægt að ganga móti þrískiptingu valds eins og ekkert sé en það er greinilega ekkert mál nú virðist sem að löggjafarvaldið sé komið til FME og Seðlabankans það vildi ég að mamma hefði haft löggjafavaldið þegar ég slysaðist til að skreppa bæjarleið um miðja síðustu öld hafandi gleymt því að ég var aðeins með í annarri tánni. Á þeim árum var því miður líka pláss fyrir farþega í lögreglubílum sem að ekki virðist vera í dag miðað við fréttir af umferðarslysi við Galtalæk. Því var mér nauðugur einn kostur að þiggja far lögæslunar á þeim tíma. En hefði löggjafarvaldið verið á lausu þá eins og í dag hefði ég sennilega sloppið við það slit á gönguskóm mínum sem varð árið á eftir, hefði klagað í mömmu og hún sent sýsló tilmæli.

Ég skil ekki heldur hvers vegna þeir sem fólk treystir eru alltaf þeir sem að bregðast. Stór hluti Íslensk þjóðfélags treysti núverandi stjórnvöldum en sennilega verða eftirmæli Norrænu velferðarstjórnarinnar þau orð sem að Guðrún Ósvífursdóttir sagði "Þeim var ég verst sem ég unni mest"

Ég skil ekki að þó að árin líði og mannfólkið ætti að vitkast eftir því sem reynslan safnast fyrir hjá kynslóðunum þá virðist okkur ómögulegt að læra neitt. Fyrir rúmlega þúsund árum skreið maður undan skinni og steig upp á stein og sagði  "Það mun vera satt, er vér slítum í sundur lögin að vér munum slíta og friðinn" Þessi maður og þessi speki fleytti Íslendingum inn í kristnitrú með friði. Það væri betur í dag að þingmenn vorir væru settir undir skinn umræðan og gjörðirnar gætu orðið vitlegri.

Ég skil ekki að forstöðumaður velferðarsviðs Reykjavíkurborgar stígi fram og segi að sér komi velferð umbjóðenda sinna ekkert við en það sé búið að stofna nefnd sem að skili einhverju á veturnóttum. Mér var kennt að velferð merkti líðan og aðbúnaður er þá ekki velferðarsvið einmitt um það og er ekki matur hluti af velferð. Á þá fólk að svelta fram á veturnætu. Á sama tíma stigur læknirinn fram og segir að borgarsjóður standi vel vill ekki læknirinn segja samflokks manneskju sinni í velferðarsviði að matur flokkist undir velferð og það sé peningur í kassanum fyrir mat. Það er reykjavíkurborg til skammar að huga ekki að sínum minnstu bræðrum og systrum.

Ég skil ekki ráðningu sérfræðings í söluferlum sem stjórnarformanns OR. OR selur rafmagn kannski þarf að endurskoða söluferlið en miðað við söluferli þess fyrirtækis sem hann starfaði hjá áður tel ég að borgarstjóri hafi kannski áhyggjur af því að vanskil notenda aukist og þá sé gott að hafa sérfræðing í söluferlum til taks þegar kemur að því að vörslusvipta upp í skuldir.

Ég skil ekki að lögreglan ef rétt er sagt frá leiti ekki bílþjófa af fullri hörku en kannski er það vegna þess að yfirmenn hennar í stjórnkerfinu vita hvar bílarnir eru. Svo gæti maður freistast til að halda ef að margir bílar hafa verið hirtir fyrir misgáning og það kemur varla annað til mála en að þær vörslusviptingar sem hér hafa átt sér stað bæði löglegar og ólöglegar hafi verið með vitund ráðamanna. Vörslusviptingar í svo miklum mæli og eins og umfjöllunin hefur verið hafa ekki getað farið fram hjá stjórnvöldum.

Ég skil ekki svo margt og með hverjum deginum skil ég minna. Ef ráðuneytisstjóri selur hlutabréf þá er það glæpur ef þingmenn selja hlutabréf þá eru þeir að tryggja sig til elliáranna, ef skuldarar borga ekki ólögleg lán þá verða aðrir landmenn að borga þau á ekki glæpamaðurinn sem framdi glæpinn að borga skaðann hvað kemur hann aæþýðunni við ekki framdi hún glæpinn?
Þeir sem vanda sig og taka þau lán sem fræðingar segja að séu best á þeim tíma eru nú úthrópaðir áhættufíklar en þeir sem að áttu miljón skríljónir í banka og fengu allt bætt þó að þeim væri kunnugt um að einungis 3 000 000 væru bættar eru ósnertanlegir englar guðs og manna sem að ekki má hrófla við þó var áhættu fíkn þeirra meiri að geyma alla þessa peninga á reikningum sem að voru ekki tryggðir til fulls. Vissu þeir kannski að það væri allt tryggt.

Ég skil ekki þá umræðu um að verði skuldir leiðréttar þá komi það til skatts Hvers vegna er þá ekki greiddur skattur af þeim peningum sem að bættir voru umfram lögbundinar innistæðutryggingar það fé var glatað þannig að það má alveg færa rök fyrir því að það hafi myndast skattstofn af því þegar það var bætt. Manneskja sem fær slysabætur greiðir af þeim skatta af hverju eru þá ekki greiddir skattar af fébótum.

Þetta er aðeins lítið brot af því sem ég ekki skil enda er ég örugglega all nokkur einfeldningur.

Umhverfisslys og horfnir bílar..

Mín skoðun er sú að tveir síðustu umhverfisráðherrar séu hálfgert umhverfisslys því þeir gera upp á milli náttúrunnar. Mér sýnist að hér sé fundið að því að ekið sé á hrauni sem siðar hefur sennilega oltið fram og förin ef einhver urðu horfið. Þetta ber að rannsaka og kæra. Á sama tíma er veitt miljónum tugum ef ekki hundruðum til Landgræðslunnar til að útrýma öskunni sem féll í sama gosi. Er askan þá réttlægri en hraunið þarf ekki að vernda hana líka eða er hraunið fjármagnseigandi og askan almúginn í þessu dæmi.

Ég vil síðan hrósa lögreglunni á Hvolsvelli fyrir það að svara því sem beint er til hennar með viðbrögðum, sennilega er ráð fyrir Reykvíkinga sem að ekki fá svör eða viðbrögð þegar bílar þeirra hverfa að hringja á Hvolsvöll og biðjast ásjár þegar svo stendur á.

Svona í framhjáhlaupi ætli einhverjum hafi dottið í hug að keyra saman lista yfir bíla sem talið er að hafi verið stolið og lista yfir bíla í vörslu fjármögnunarfyrirtækja. Fréttin af manninum sem varð að fara og ná í bílinn sinn sem hafði verið fjarlægður veldur því að mér dettur í hug að með því að keyra saman þessa lista mætti leysa nokkur mál.

Löggan skoðar Top-gear

Vanhæfni?

Ef að verið er að gefa í skyn að lántakendur séu vanhæfir til að fjalla um lögbrot hvernig er þá með sparifjáreigendur. Eru þeir vanhæfir til að fjalla um sömu hluti.

En og aftur þá leikur mér hugur á að vita nöfn þeirra 50 til 100 einstaklinga sem að fengu hæðstu innistæðutryggingarnar og hvort þar eru nöfn sem að komu að lagasetningunni sem bjargaði þeim.

Ennfremur má þá líka spyrja hvort að Seðlabankastjórar og forstjóri Fjármálaeftirlitsins séu eigendur vertryggðra innistæða og ef svo er hvort þeir eru þá ekki vanhæfir til að fjalla um þessi mál..

Hvernig stendur á því að upplýsingar um það að að talmaður neytenda sé lántakandi virðast opinberar en þegar kemur að innistæðueigendum þá gildir um það bankaleynd     ??????????????????????

Litast ekki af eigin lánum

Bestir ?

Eru Bestir þeir Bestu eða er völ á einhverju betra það held ég ekki.

Besti flokkurinn er greinilega það besta sem gat komið fyrir fjórflokkinn ásamt Búsáhaldabyltingunni bæði þessi B eru búin að tryggja fjórflokkinn í sessi um langan aldur því að þessi 2bé (var ekki til starfsmannaleiga með því nafni) hafa sýnt það svo ekki er um að villast að byltingin étur börnin sín og vald spillir þannig að kjósendur munu hlaupa í arm gömlu flokkana hver sem betur getur í næstu kosningum. Ég get eiginlega ekki gert að því stundum að hugsa sem svo að Búsáhaldabyltingin og Besti hafi í raun verið í boði flokkakerfisins og sniðug leikflétta til að tryggja framtíðar völd.

"Eigendur Orkuveitu Reykjavíkur samþykktu einróma að stjórnarformaður fyrirtækisins skyldi vera tímabundið í fullu starfi. Þetta kemur fram í tilkynningu frá Heiðu Kristínu Helgadóttur, "

Það þarf ekki annað en að renna yfir fés bækur og blogg til að sjá að eigendurnir samþykkja þetta ekki samhljóma nema þá að OR sé í eigu Besta flokksins og Samfylkingar kannski þeir hafi keypt kompaníið án þess að láta okkur vita af því.

"Þóknun stjórnarformanns í fullu starfi tekur mið af launum sviðsstjóra hjá Reykjavíkurborg án fríðinda. Það þótti eigendum hæfilegt miðað við umfang starfsins og ábyrgð"

Eru sviðstjórar hjá borginni með  1000 000 á mánuði án fríðinda og eru svo einhver fríðindi til viðbótar. Það má metta marga svanga munna með því að lækka þau laun niður í ca 600 000 ekki satt. ÆÆÆ ég gleymdi því Reykjavíkurborg varðar ekkert um það þó að börn gamalmenni og fátækir séu svangir í borginni og eigi ekki fyrir mat. Sorry mín gleymska.

" Í öðru lagi skuli allar ákvarðanir um nýtingu auðlinda og öll framkvæmd nýtingar einkennast af ást og virðingu fyrir umhverfinu"

Hvar er virðingin fyrir fólkinu alla vega ekki í viðtalinu við forsvarsmann velferðarsviðs í dag. Mér er spurn eru launakjör fyrir forstöðu Velferðarsviðs miðuð við laun sviðstjóra án fríðinda. Það væri gaman að fá því svarað.

Nóg að sinni

Kv
Einn af eigendum OR sem er ekki samróma og því síður einróma í þessu tilfelli.

 

Samstaða meðal eigenda OR

Áfram skal samt böðlast.

Þó 60% séu á móti er samt böðlast áfram til að reyna að komast í samkundu sem enginn vill fara í alveg ótrúleg stjórnvöld þau virðast leggja sig fram í því að gera þjóð sinni allt til miska. Alveg ótrúlegt

Aðeins fjórðungur vill í ESB