Ekki lykkjufall í gjaldborginni

Það má með sanni segja að okkar ástkæru leiðtogum sem á helgidögum kenna sig við jöfnuð og velferð verður ekki lykkjufall í þeirri stefnu sinni að hjálpa þeim sem eru þeim hjartfólgnari en aðrir og eiga smá peninga en láta þá sem betur liggja við höggi finna fyrir því. 

Þeir fylgja svikalaust stefnu Napoleons leiðtoga dýragarðsbæjar sem lagði línurnar fyrir jöfnuð og velferð á þeim bænum. Ég tek þetta svo að verið sé að fjalla hér um það sem ég meina að sé leiðrétting ekki afskrift heldur að skila til baka því sem ranglega var tekið af fólki þetta eru engar andskotans afskriftir, ekki afláts bréf eða syndakvittun það var gerð efnahagsleg fimtu herdeildar árás á fólkið í landinu og það krefst leiðréttingar.
það má líkja þessu við að einhver hafi stolið af þér sunnudagslærinu og hafi nú ákveðið að skila hæklinum en vill taka afgjald af helmingnum af honum þannig að lokum siturðu uppi með ekkert nema verðmiðan sem bundin var í augað. Sem er í takt við stefnu stjórnvalda um að fólkið í landinu eigi að borga partýið sem fólkið tók ekki þátt í. Vermiðan og þá skyldu að borga hann skal aldrei fella niður þó aðrir hafi étið lærið.

Síðan langar mig að vita hvort að þetta sama gildir um aðrar og þá raunverulegar niðurfellingar það er þegar að með kennitöluflakki milljörðum er velt af sumum fyrirtækjum meðan önnur eru svelt til bana svo að máttarvöldum þóknanleg fyrirtæki geti haft markaðinn í friði. Það eru raunveruleg dæmi til um svoleiðis. Hver borgar til dæmis skatt ef skuldir verða felldar niður hjá veldinu sem er með Napoleon í merki sínu láta dýragarðsbæjar flokkarnir einhvern borga skatt af þeim eða er það bara þjóðin sem gerir það í hærra matarverði. Enda er hærra mataverð góð aðferð til að telja þjóðinni trú um að betra sé að afsala sér sjálfstæðinu á hendur erlends valds.

Velferðar stjórnin þarf að fara að svara fyrir það hvers vegna hún stendur þvílíkan vörð um fjármagnið það er farið að hvarfla að mínum mengaða heila að það sé vegna þess að það sé verið að gæta eigin hagsmuna. Hvers vegna er ekki búið að gefa út skýrsluna er það vegna þess að niðurstaða hennar er ekki velferðarstjórninni að skapi. Það þarf ekki 1000 blaðsíður til að segja "Þetta var allt Davíð að kenna" Það skildi þó ekki vera að í skýrslunni kæmi fram að það væri bara ekkert honum að kenna og aðrir sem jafnvel nú sitja við völd hafi einnig átt hlut að máli.

En nú þurfa sumir að vinna og hætta að eyðileggja daginn fyrir sér með því að hugsa um hvernig komið er fyrir vorri þjóð. En hið sorglega er að engin þjóð fær betri stjórn en hún á skilið við kusum nefnilega stjornvöld.

Afskriftir verða skattlagðar

Lífeyrissjóðirnir okkar.

Lífeyrissjóðrnir okkar eru ein mesta blessun sem að okkur hefur hlotnast. Þar er peningunum okkar mokað inn við höfum ekkert um að segja hvernig þeir eru notaðir og það er fylgst vel með því hvenær mánaðar við geyspum golunni svo að við förum nú ekki í himnaferðina með ofgreiddar krónur í farteskinu.
Mér þykir því vænt um að stjórnarformaður Gildis herra Vilhjálmur Egilsson telur það Orkuveitunni til vansa að hafa ekki hækkað orkuverð eða eins og hann segir " og að fyrirtækið hafi ekki hækkað orkuverðið þrátt fyrir að öll tilefni séu til þess"  Mér líkar að heyra þessa vasklegu framgöngu hjá stjórnaformanni lífeyrissjóðs því að í orðunum kristallast samkend hans og vonandi sjóðsins líka með fókinu í landinu. Það hefur sjaldan verið meira tilefni til að hækka álögur allir eru að farast af því að sofa á seðlabúntunum og krónunum sem hækka hvern kodda svo að til vandræða horfir. Það er líka virðingarvert hvernig sjóðirnir okkar berjast fyrir því að halda verðtryggingunni á af öllum mætti. Það er því gæfa okkar að eiga svona öfluga málsvara okkur til varnar í lýðveldinu. Það hefur varla áfhrif á afstóðu hans að hann er framkvæmdarstjóri samtaka atvinnulífsins en bíðum við hvað er framkvæmdastjóri atvinnulífsins að gera með puttanna í peningum launafólksins og stjórna því hvernig þeir eru notaðir. Er fölsk nóta hér í sinfóníunni.

En ef að allt er svona gott og fínt hvernig stendur á því að mér verður æ oftar hugsað til gömlu heykvíslarinnar sem stendur við hlöðuvegginn í sveitinni og hvort að ekki mætti brýna hana svo að bíti. Ég bara skil það ekki það er jú allt svo fínt hér í hinu nýskapaða sóíalíska réttarríki.

Það er jú búið að banna nektardans. Það eitt og sér ætti sennilega að  bæta mér hækkunn lánanna minna og verðfall húsnæðisins ekki satt.  Ég bara skil ekki þessa fýlu í mér þessa daganna sennilega er ég bara vannþakklátur í garð stjórnvalda já og lífeyrissjóðanna minna sem einu sinni sendu mér fallega pappíra sem sögðu mér hvað ég myndi eiga það gott í ellinni. Þeir mintust ekkert á það að þeir vildu að ég legði grunnin af því með hækkuðu rafmagnsverði sem síðan myndi hækka vísitöluna og þar með eignir þeirra.

Þetta er í raun hringekja helvítis ég held ég fari bráðum að ná í kvíslina.

Verðugur er verkamaðurinn launanna

Hvernig ætli standi á því að maður trúir ekki nokkru orði sem að kemur frá þessum stofnunum. Gæti það verið vegna þess að fólk frá þeim hringdi skipulega í fólk korteri fyrir hrun til að ráðleggja því fjárfestingar sem að jafnóðum var mokað út úr þeim og flutt til aflandseyja. Skyldi það vera vegna þess að þær tóku stöðu á móti krónunni þegar viðskiptavinum var ráðlagt að taka stöðu með henni. Skildi það vera vegna þess að þær áttu stóran þátt í að setja hér allt til andskotans eða skildi það vera að vegna þess að núna hygla þau sumum fyrirtækjum umfram önnur skammlaust í skjóli arfa gagnslausra stjórnvalda sem gera ekkert annað en eins og Spaugstofan sagði svo réttilega ekkert annað en að slá skjaldborg um þá sem að voru gerendurnir, fólkið í landinu má éta það sem úti frýs.

Því trúi ég ekki orði sem að kemur úr þessari átt og trú því vel að sama fólkið og kom Gunnu og Jóni á kaldan klaka og fékk bónus fyrir. Fái í framtíðinni bónus fyrir að slíta af þeim nærfötin enda eiga þau ekkert annað eftir. Þetta er svona eins og að kokkálaður maður þyrfti að borga meðlag með barni þess sem að kokkálaði hann.

Ég spyr mig að því orðið dag eftir dag hvar sjálfvirðing og siðferði séu það er allavega ekki meðal námsefnis í hinum háu menastofnunum þessa dagana að mínu mati. En kannski er það skiljanlegt þegar að áróður dagsins gengur út á það að við munum öðlast virðingu með því að borga kúgunarreikninga Breta og Hollendinga það skildi þó ekki vera að nútíminn sé búin að meta virðingu siðferði og sjálfvirðingu til fjár og hafi veðsett þau þannig að þessir eiginleikar séu nú komnir í eigu útlendinga. Stundum finnst mér það.

En ég verð bara að viðurkenna að döpur reynsla af Íslandi nútímans meinar mér að taka mark á yfirlýsingum úr þessum áttum því miður og ég vona að ég hafi á röngu að standa.

Ekkert kaupaukakerfi tekið upp

En? hvað um smámálin.

En hvað með skjaldborgina um heimilin , að skila aftur til fólksins því sem tekið hefur verið af því vegna ólögmætra aðgerða fjámálastofnanna, lækkun álaga sem lagðar hafa verið á fólk vegna þessa verka fjármálastofnanna, refsingu til handa þeim seku, og sv framvegis og svo framvegis.

Styður allsherjarnefnd þau þurfa mál,það er nefnilega ekkert langt í það með sama áframhaldi að þjóðin gangi um nakinn og verður þá ekki óhætt að  hlaupa við fót því það gæti verið flokkað sem dans og þá komin ástæða til að hneppa stóran hluta þjóðarinnar í fjötra svo að hann flækist ekki fyrir Evrópuhraðlestinni.

Það er síðan ótrúlegt hvað létt okkar kjörnu leiðtogum reynist að dæla út alskyns léttmeti en það sem snýr að einhverju áþreifanlegu stendur þversum í kokinu á þeim eins og fiskbein. Þetta ágæta fólk ætti kannski að fara að hugsa til þess að í augum ansi margra landsmanna er starf þess orðið ímynd nektardans, þau eru nefnilega öll orðin nakin eins og keisarinn. Málefnin hrunin af þeim og ekkert eftir nema málefnaleg nekt og ég verð að viðurkenna að heldur vildi ég líta fagurskapaða nekt konu heldur en þá málefnalegu nekt sem þröngvað er upp á mig dag hvern nú um stundir.

Það er þó sennilega þetta sem að þau  Árni Þór, Þór Sari og Þorgerður Katrín áttu við þegar þau tilkynntu hjá Sölva að stjórn og stjórnaandstaða hefðu náð saman um að klára þau mál sem að lægi á þjóðinni til hagsbóta. Það er lífsnauðsyn þessa dagana að eiða tíma alþingis í fundarhöld um nektardans og mun betra til vinsælda í Brussel að bjarga erlendum stúlkum heldur en einhverjum ómerkingum í Grafarvogi eða Árbæ.

Styður bann við nektardansi

Nú skil ég.

Nú skil ég áhuga þeirra sem vilja ganga Brussel valdinu á hönd það virðist vera drjúgt um feitmetið á þeim bænum og ekki vaneldi fyrir að fara. Starf þar yrði  fátækum meðlimum Íslenskrar valdastéttar drýgra til framfærslu heldur en lúsarafkoma Íslenskra embætta sem varla dugir orðið fyrir mannsæmandi áleggi á hið daglega brauð, þannig að til viðbótar hinu daglega amstri þarf að leggja á sig alskyns nefndastörf og ferðir til framandi landa til að drýgja aurinn. Þá væri nú bara betra að geta verið í Brussel.

Nú skil ég ákafann menn hafa séð glampa af gullinu. En sem fyrr verðu þetta glópagull, fólk lærir aldrei að ekki er allt gull sem glóir.

Ég vann lengi með manni sem mér fannst vera full svartsýnn og hafði allt á hornum sér í að minnsta kosti 380 daga á ári. Eftir því sem að árin líða þá sé ég að kallinn var í raun hinn mesti spekingur og eiginlega allt rökrétt sem að hann sagði. Hann sagði oft með miklum þunga og dæsti við og svipurinn sýndi að honum var rammasta alvara er hann mælti þessi vitru orð.

"Fólk er fífl"

Ég lá ekki á þeirri skoðun minni við hann að mér fyndist hann hálfgert fífl að segja þetta, en í dag held ég að þetta sé með djúpvitrari mönnum sem a ég hef hitt á lífsleiðinni.

Nú skil ég hann líka.

Brown skammaði utanríkismálastjóra ESB

Að standa með fjármagninu

Margt gott sem að Ögmundur segir en ég er nú þeirrar skóðunar að ein af þeim ríkisstjórnum sem að fastast stendur með fjármagnseigendum sé Íslenska velferðarstjórninn hjá henni verður ekki lykkjufall í skjaldborginni um fjármagnseigendur meðan hin almenni borgari má éta  það sem að útí frýs

Umræða um Icesave skilað árangri

Fyrir hverja vinnur Gylfi

Ég lít alla vegana ekki á hann sem málsvara minn og annarra venjulegra Jóna sem að gengu eðilega hér um hagkerfið á hinum svokölluð góðærisárum. Það virðist vera Gylfa og öðrum forsvarsmönnum eitur í beinum að hér nái eitthvað réttlæti fram að ganga. Málið snýst ekki um það hvort að þeir verst stöddu lifa af eða ekki málið snýst um það að hér var framið fjöldarán þar sem öll afkoma stærsta hluta landsmanna var lögð undir í einkapókerspili íslenskra fjármálasnillinga. AÐ mínu mati er þetta svipað og að framið hefði verið fjöldahryðjuverk og fullir af eftirsjá eru gerendurnir að reyna að blása í þá sem eru að yfirgefa heiminn en tíma ekki að sjá af plástri fyrir þá minna særðu. Það þarf síðan að hlynna að þeim sem verst fóru því ekki getur þjóðfélag lifað lengi með 1/3 hluta íbúanna utan hagkerfisins eftir gjaldþrot.

Það verður hér enginn friður fyrr en að almenn leiðrétting verður gerð á þeim verkum sem hér voru framin. Verkum sem að ég vil vil kalla svo ljótu nafni glæpaverk. Eða hvað er það annað en glæpur að taka stöðu á móti eigin fólki og landi kannski það sé hreinlega bara landráð en mig brestur þekkingu til þess að fullyrða það. Ef það er löglegt þá er alla vega mikið að hér og áhugaleysi stjórnvalda við að taka á málunum er orðið meira en lítið athyglisvert og þær fullyrðingar að það gæti verið vegna þess að hagsmunir séu þar á ferðinni þær fullyrðingar verða trúanlegri með hverjum deginum.

Farið því að andskotast til að gera eitthvað í málunum og sýna að þið hugsið eitthvað um þegna ykkar en ekki bara þjóhnappana á sjálfum ykkur. Gylfi á það síðan sameiginlegt með Jóhönnu og Steingrími að hans tími er liðin og umskipti í forustu okkar verkalýðsins eru orðin lífsspursmál. ASI er nefnilega samtök launamanna en ekki Evrópusambandsinna og Samfylkingarfólks og eiga því ekki að taka afstöðu með neinu nema hagsmunamálum allra launþega ekki bara sumra. ASI er heldur ekki samtök fjármagnseigenda og eiga því ekki að vera útvörður verðtryggingar og lánaokurs. Stefna þeirra í lánamálum til að verja lífeyrissjóðina sem að hafa ekki ávaxtað sitt pund þannig að yfir allan vafa sé hafið sú stefna að pína sína eigin félagsmenn með verðtryggingu fram í rauðan dauðan á þeirri forsendu að það sé verið að bjarga elliárunum mér finnst sú stefna ekki standast skoðun

Já ég er orðljótur í dag enda orðið svipað inanbrjósts og Kiðhús í þríðju heimsókn kellingar og kalls.

Gagnast ekki þeim verst settu

Skildu olíufélögin vita af þessu

Við verðum endilega að koma þessum fréttum til ólíufélaganna í fyramálið svo að þau missi ekki af hækkunartækifæri. Þau hækka jú finnst mér í hvert sinn sem krónan hreyfist sama í hvaða átt það er. Mega ekki missa af þessu tækifæri heldur .

Gengi krónunnar styrktist um 0,5%

Færist líf í viðskipti.

Það er gott að það er einhverstaðar líf í íslenku viðskiptalífi og
fjárfesting í gangi en ekki stöðug barátta við kreppuna óskandi að það verði hér fjöldi ferðafólks á næsta sumri sem að nýtur góðs af þessum bílum

 

ALP kaupir 160 bíla af Heklu

Eiga ekki allir að vera jafnir.

Nú er komið í ljós að það var stöðutaka gegn krónunni sem að hækkaði lánin það er kannski ekki ólöglegt en siðlaust að mínu mati.

Stöðutakan hækkaði í mörgum tilfellum eignir fjármagnseigenda gleymum heldur ekki því að mörgum innistæðu eigendum var bætt sitt tjón. 

Er ekki alveg eins sanngjarnt að fólk sem fékk sitt bætt í hruninu endurgreiði þessa að mínu mati ólöglegu verðmæta aukningu.

Ef einhver græddi miljón á bullinu skilar hann henni ef einhver lenti í því að lánið hans hækkaði vegna svikamyllunnar um milljón verður það lækkað um hana.

Báðir standa jafnvígir og fyrir. En svo mikil er ást valdhafana á fé og fólki sem á það að það verður seint og það er morgunljóst að það á að láta alþýðuna blæða en það hefur alltaf verið hinn rauði þráður í þeirri stefnu sem kennt er við alræði öreigana. Hún virðist ekki snúast um að ná upp lífskjörum fyrir alla heldur að reyna að ýta ölum niður í svaðið í það jafnræði sem að ríkir þegar allir eru dottnir út í pyttinn.

Njóta heimilin afskriftanna?