Handþvottur.

Ég er þeirrar skoðunar að virðing okkar hafi nú náð þeirri lægð að varla verði neðar komist. Við erum nú á svipuðum slóðum og Pontíus Pílatus sem af tómu hugleysi vaskaði hendur sínar vegna þess að hann vissi að hann var að gera rangt og síðan eru birtingar myndir Péturs Postula og afneitunar hans hér líka á ferðinni þessa dagana.

Stjórnvöld hafa komist að því að hrunið er einum manni að kenna Geir H Haarde. Þvílíkar manndóms myndir sagan er full af svipuðum dæmum þegar einum er fórnað til að friðþægja múginn en vandamálið er það að við múgurinn sjáum í gegnum þetta sjónarspil Auðvitað var Geir skipstjóri á skútunni auðvitað bar hann ábyrgð en að ætla að draga hann einan fyrir dóm einan á undan þeim sem að voru hrunvaldarnir sú aðgerð verður að mínu mati nuverandi stjórnöldum bautasteinn ævarandi háðungar og minnkunar þegar kemur að ritun nútíma sögu.

Hvað voru Ingibjörg, Jóhanna, Össur, Björgvin, Þorgerður, Árni og fleiri að gera sem að þáðu laun sem yfirmenn á skútunni og áttu einnig að standa vaktina hvað með hásetana í stjórninni hvað með alla stjórnsýsluna eftirlitsstofnanir hvað með kerfið. Allt saklaust bara Geir allt honum að kenna.

Hvað með bankastjóranna, fjárfestana, og aðra forkólfa sem að ráku fyrirtæki sem hér settu allt í þrot og eru nú notaðir til að halda ræður á fundum um hvernig á að haga fjármálastjórn á Íslandi framtíðarinnar og eru flestir saklaus fórnarlömb að eigin mati.

Ég á ekki til orð yfir þessu ég hef horft í forundran á þau mein sem komið hafa í ljós hér undanfarið, mein sem að ég hefði þrætt fyrir að væru hér til staðar fyrir innan við þremur árum síðan. Þegar nú ég horfi upp á það sem ég tel jafnast á við marga atburði úr sögunni þegar einstaklingum hefur verið fórnað til friðþægingar þá eiginlega finnst mér komið nóg. Verði þessi atburðarrás til enda leidd mun virðing mín fyrir Alþingi Íslendinga ekki verða endurreist fyrr en allir þeir er tóku þátt í þessu leikriti verða horfnir þaðan ásamt þeim sem telja sig umkomna til að dæma í málinu.

Hér á við það gamla orðtæki sá yðar sem syndlaus er kasti fyrsta steininum. Það þarf ekki að skoða fréttir mjög djúpt til að láta sér hvarfla í hug að meðal þeirra sem grjót upp tóku séu einstaklingar sem hefðu átt að hafa það máltæki í huga þó ekki væri nema vegna þess að þeir voru hluti af þeirri stjórnsyslu sem að brást.

Ákæra gefin út á hendur Geir

Tvöföldum hringveginn.

Það er þeim sem mig þekkja ljóst að ég er andstæðingur þess að taka upp vegatolla á umferð um landið.

Það er mitt mat að best sé að hafa gjaldheimtuna í eldsneytinu þá borgar maður fyrir það sem maður keyrir hvar sem að maður keyrir. Ef farið er að taka gjaldheimtuna með tollum á vegum þá geta menn keyrt innan ákveðins svæðis og borga ekki neitt þó þarf að halda því vegakerfi við líka.
GPS staðsetningartæki þau sem Kristjáni Möller er tíðrætt um eru síðan afkvæmi 1984 væðingar stjórnarherra tuttugustu og fyrstu aldarinnar sem er ekki nóg að vera með lúkurnar í veskjum okkar til að moka þaðan því sem eftir er heldur vilja líka vera með nefið í aftursæti bifreiða okkar til að vita hvert við förum.

Það væri nú fínt fyrir atvinnuleysisstofnun að samkeyra GPS tölur og atvinnuleysisskrár og komast að því að Jónsi Jóns sem ekki mætti í skráningu á miðvikudaginn vegna bakverks var á landsbyggðar hóteli þann dag að njóta veðursins eða nágrannakonunnar.

En við lestur þessarar frétta sló niður hjá mér hugmynd að lausn. Þar sem Villi, Gylfi, Kristján og margir fleiri vilja nota lífeyrissjóðina okkar til að byggja smá vegarspotta svo að þeir geti rukkað okkur fyrir að keyra á öllum hinum vegunum af hverju þá ekki að leyfa þeim að leggja nýjan hringveg. Þá getum við sem ekki viljum borga endurreisn gjaldþrota verktakafyrirtækja og tap lífeyrissjóða í formi vegtolla keyrt þann gamla en hinir sem vilja borga með vegtollum farið þann nýja.

Ekki hægt segja sumir þetta er ekkert mál við litum bara eldsneyti vegatolla manna og séu þeir teknir á gamlaveginum bíða himin háar sektir.

Nýja hringvegin má síðan nefna Lífsbrautina til heiðurs lífeyrissjóðum sem margir heita Lífs eitthvað og gjaldhliðin gætu heitið Gullnu hliðin.

Einföld lausn á stóru vandamáli. Samgönguöryggi myndi líka aukast á sama hátt og raföryggi landsmanna gerði við byggingu byggðalínu tvö lokist annar vegurinn er hægt að opna á hinn og taka sanngjarnt gjald fyrir þegar menn skipta á milli.

Umferð um hringveg lokaðist eftir árekstur

Launþegar verða að gæta hófs.

Við launþegar megum ekki vegna græðgi okkar verða þess valdandi að að hin veikburða engjarós hins Íslenska efnahagskerfis drjúpi enn höfði dægrin löng eins og skáldið sagði.
Við verðum að trúa fræðingunum sem að nú geysast fram á völlinn og segja okkur að þær kjarabætur sem í samningum eru komi til með að stefna öllu í voða.
Ég tel að okkur beri skilda til þess að hlusta á þessa aðila og fella samningana því ekki megum við valda þessum aðilum svefnleysi.

Það er kannski aftur á móti umhugsunarvert að engjarósirnar skulu ekki bera launagreiðslur sem ná varla atvinnuleysisbótum og leiðir til þess að margar þeirra nýta sér vinnuafl af láglaunasvæðum Evrópu sem að kannski er ein ástæða þess að félagshyggjustjórnin vill ólm ganga þar inn svo að tryggt sé ódýrt vinnuafl vel undir 200 000 kr á mánuði enn um stundir meðan fjárfestar vinna upp það sem tapaðist í Glæsivallaveislu síðustu ára.

Það má vera að það sé virðingarvert að reyna að skapa fólki vinnu en það er ekki mikill metnaður í því að sætta sig við 29% lægri laun ef satt er.
En er það ekki brot á jafnréttiskafla Íslenskra laga að greiða mimsunandi laun fyrir sömu vinnu  þar segir ef ég man rétt að greiða skuli sömu laun fyrir sömu vinnu og er ekki sjómannafélaginu í sjálfsvald sett hvort að það stöðvar þá ekki skipið eða neitar því aðkomu að höfn ef svo er ekki. Þeir hafa mætt á bryggjur áður.

Einu er ég að velta fyrir mér og væri gaman að fá það á hreint en það er hvort að það gildir ekki sama um allar áhafnir Íslenskra farskipa eru þær ekki allar ráðnar í gegnum Færeyska ráðningarstofu og eru þá allir Íslenskir farmenn á 29% lægri launum en kollegar þeirra það væri gaman að vita það.

Það er síðan stór spurning hvers vegna stjórnvöld eru ekki fyrir löngu búin að koma á samskonar kerfi og gildir í öðrum löndum þannig að skipum sé ekki flaggað úr landi og áhafnir þeirra greiði skatta og skyldur hingað og njóti sömu réttinda og við.
 

Varðandi það að gæta hófs vil ég vitna í viðtalið við stúlkuna frá greiningardeild Arion banka í fréttum og hvernig hún spáði okkur helför mikilli vegna launahækkana þeirra sem Íslenskar láglaunastéttir fá og fréttaþulan meðtók allan sannleikan án þess að spyrja eða grafa sem er siður Íslenskra fréttamanna velflestra það er að koma þeim sannleika sem hentar í hvert sinn á framfæri.

Mér hefði þótt vænt um að hún hefði spurt greiningardeildarstúkuna út í eftirfarandi.

Úr DV 6 des 2010
"Nýlegt árshlutauppgjör bankanna bendir til þess að launaskrið sé hafið innan þeirra eftir launalækkun og skerta tekjumöguleika almennra starfsmanna bankanna í kjölfar bankahrunsins í október 2008. Heildarkostnaður þeirra vegna launa og launatengdra gjalda fer nú aftur vaxandi eftir bankahrun. Útreikningar, sem byggjast á árshlutauppgjöri bankanna, benda til þess að heildarstarfsmannakostnaður bankanna stefni í að vera að minnsta kosti tíu prósentum hærri en í fyrra."

DV 11 mars 2011
"Höskuldur H. Ólafsson byrjaði feril sinn sem bankastjóri Arion banka á því að skaða hagsmuni bankans og íslensks samfélags í heild. Höskuldur er leiðtogi í sínu fyrirtæki, sem varð gjaldþrota og stendur frammi fyrir því að þurfa að hagræða verulega. Hann byrjaði vinnu sína við hagræðinguna á því að taka sér 10 milljóna króna eingreiðslu frá bankanum. Á síðasta ári var hann með 4,3 milljónir að meðaltali í mánaðarlaun, sem er 146% hærra en bankastjóralaun í Arion banka árið 2008. Launahækkunin veldur því sjálfkrafa að aðrir bankastarfsmenn, sem sæta leiðsögn Höskuldar, vilja líka fá launahækkun. Smitáhrifin af Höskuldi ná síðan út í íslenskt samfélag. Ef bankastjóri Arion banka hækkar um 146% í launum, hvers vegna eiga aðrir í samfélaginu að sætta sig við aðeins 2,5% launahækkun? Laun Höskuldar kosta miklu meira en launin ein og sér."

Mér hefði fundist ástæða til að spyrja hvort að ofangreint stefndi endurreisninni ekki í voða og hvort að greiningardeildin hefði gert stjórn  bankans grein fyrir því. Ef svo hefði verið spurt og svarað hefði kannski verið stigið fyrsta skrefið til að endurreisa orðspor fréttaspyrla og greiningardeilda.

Mótmæla lægra kaupi Íslendinga

Góðsemin tekur við

Það er gott að vita til þess að fjármálastofnanir hafa hafist handa við góðverkin aftur og eru farnar að bjóða húsnæðislán vonandi lögleg í þetta skiptið og vonandi ætla þær ekki að taka stöðu gegn kaupendunum aftur eftir ca fjögur ár.

EN skildi kannski aðalástæðan vera að þessar stofnanir eiga svo margar fasteignir sem þeir þurfa að losna við að nú á að beita fyrir lánþega aftur

Einhvern vegin held ég frekar að það sé ástæðan og bágt á ég með að trúa að fólk hafi á ny öðlast á þeim traust

Fagnar nýjum fasteignalánum

Grátið á gresjunni.

Ég er orðin ungur í anda eftir Kastljós kvöldsins í huga mínum færðist ég aftur til árdaga sjónvarps á æskuheimili mínu þegar aldrei mátti missa af hinum æsispennandi þáttum um grátin á gresjunni.
Í kvöld var hann komin aftur og nú með þá félagana Villa og Gylfa í aðalhlutverkum ég verð þó að viðurkenna að ég saknaði hinnar góðlyndu Láru sem öllum vildi gott.

Það er svo gott að vita til þess að góðir samningar hafa náðst og að atvinnulífið teygir sig fram á bjargbrúnina til að koma á móts við okkur launþega. Þó verð ég að segja að frá mínum bæjardyrum séð er sú brún nú frekar toppurinn á Himmelbjerget frekar en brún Látrabjargs.

Það dynur á okkur að það verði að koma fjárfestingum af stað hver fjárfestir í fyrirtækjum sem mörg hver eru skuldsett upp í rjáfur ég verð að segja að ég efast um það. Það verður að koma hjólunum af stað ég samþykki það.

En svona miklar kauphækkanir valda verðbólgu er sagt það er eins og að við lýðurinn séum í startholunum svelt af kaupæði bíðandi eftir að æða út með 50.000 kallinn sem verður nú aldrei nema 25 000 Jóhanna og Grímsi taka rest að við æðum út með hann til að kaupa okkur óþarfa. Hvaða óþarfa kannski setur einhver loksins meira en 1000 kall af bensíni á bílinn kannski kaupir einhver eitthvað annað en linar appelsínur eða soyablandað hakk í matinn kannski en sennilega fer þetta hjá flestum einfaldlega í að borga það sem dregist hefur og við skulum ekki gleyma því að stjórnvöld taka 25,5% af flestu því sem að við komum til með að nota þetta í í formi vsk.

En það var átakanlegt að horfa upp á sálarstríð þeirra félagana og góðsemi þeirra í garð okkar launþega megi þeir hafa blessun vora fyrir það er enda ekkert smá átak að ætla sér að ná lágmarklaunum nálægt 200 000 í einhverri fjarlægri framtíð. Guð blessi síðan loforðapakka Jóhönnu og Steingríms en ég vona að hann virði það þeim ekki til hnjóðs ef efndirnar verða eins og á öðrum loforðapökkum þeirra því þá gæti verið að þau yrðu að fara til himna eins og bóndinn sálugi í Gullnahliðinu til að forðast það að vera hafnað inngöngu.

Ég verð að segja það að mér finnst fjallið hafa tekið mikla jóðsótt enn á ny en að mínu mati fæddist ekki einu sinni þúfa i þetta skipti svona aðeins smá mishæð á því flatlendi afturfara stöðnunar og aðfarar undanfarinna ára að Íslenskum almúga..

Erfitt að láta þetta ganga upp

Útreikningar velferðarstjórnarinna.

Ætli þetta sé reiknað á sama máta og kostnaður ríkisins af vaxtaniðurgreiðslunni þar sem er að koma í ljós að endurgreiðslur rýrna hjá fólki og það fær minna en það hefði fengið ef kerfið hefði verið óbreytt.

Ég alla vega slæ orðið mikla varnagla við ölu sem af velferðarheimilinu kemur hvort sem um er að ræða skjól gegn ágangi lánastofnanna sem var að hluta til fólgið í því að fólk sem greidd hafði upp lán sín og var með fullnaðarkvittun fékk auka rukkun eða annað sem af þessu ógæfuheimili hefur dunið á þjóðinni.

Stjórnarliðar verða þvi að virða það við mig að ég trúi ekki stafkrók af því sem frá þeim kemur

60 milljarðar á samningstíma

Aukin skattheimta.

Það eru varla deilur milli þessara háu herra um að hækka lífeyrisjóðsgjöld okkar jú þá fást meiri peningar í kassann peningar sem teknir eru af okkur og við höfum ekkert um að segja hvernig varið er. Eigi að hækka álögur sem teknar eru af launum okkar á að gera það í formi séreignarsparnaðar en ekki lífeyrissjóðsgreiðslna því meðan lífeyrissjóðir hafa verið í farabroddi við að auka skuldir fólkd nú í kreppunni hafa þó þeir sem átt hafa séreignarsjóð geta bjargað sér á honum meðan ormarnir liggja á því sem ekki tapaðist og vilja ekkert gefa eftir. Hækkun lífeyrisjóðs greiðslna í ofvaxið skrímsli kemur því ekki til greina að mínu mati.

Auk þess er þetta hrein og bein skattahækkun ekkert annað.

 

Iðgjöld til lífeyrissjóða hækki

Ótrúleg vítisvél

Verðtrygging er skrítin skrúfa hér varð algjört hrun lífskjör hrundu og allt ryrnaði nema skuldirnar núna á að stíga aðeins til baka svo sem minna en ekki neitt og hvað skeður jú verðbokga og verðtrygging sér til þess að skuldirnar hækka meira og stðan verður verri. Svo er verið að tala um að vit mannkyns hafi aukist Ja hérna

Laun hækka um 4,25% í júní

Góða ferð

Ég tók í höndina á vinnufélaga í dag og óskaði honum góðrar ferðar.

Hann er nú fyrrverandi vinnufélagi því óskin um góða ferð var tilkomin vegna ferðar hans og síðar fjölskyldu hans til Noregs á vit betri möguleika til lífsafkomu. Þetta beinir huga mans að brottflutningi fólks haf landi héðan vegna þess að vinna ef hún fæst dugar ekki orðið fyrir framfærslu. Þessi vinnufélagi heldur á vit tæplega þrefalt hærri launa svipaðs matarverðs og tryggara efnahagslegs þjóðfélags.

Meðan fólk flytur úr landi halda síðan verkalýðsfélög, atvinnurekendur og stjórnvöld uppi syndarleikriti um að verið sé að gera eitthvað. Það verður sennilega með okkur eins og Færeyinga að okkar mesta blóðtaka verður fólkið sem fór og mun sennilega ekki koma aftur þegar ástandið lagast ef það gerir það.

Þetta er sorglegt dæmi vonlausrar stjórnvisku jafningjastjórnarinnar sem dettur ekki í hug að það sé líka hægt að jafna uppávið. Jafningjastjórnar sem er eins og bóndi sem slítur toppana af grösunum um leið og þau stinga höfðinu upp úr moldinni.

Eftir hverju er beðið.

Ég er löngu hættur að skilja þennan sofandahátt í verkalýðshreyfingunni.

Síðasta aðgerð sem að ég tók þátt í var verkfall járniðnaðarmanna sem var þegar ég varð að læra til sveinsprófs.
Það má geta þess að það eru komin 30 á síðan það var.
Svo er líka um mörg félög ASI það er óratími síðan fólk hefur sýnt mátt sinn því ætti nóg að vera í verkfallssjóðum félagana til að styðja menn og konur til aðgerða. Það er komin tími til að gera sér grein fyrir að hin svokallaða þjóðarsátt er löngu úrelt og hefur kannski aldrei verið til nema í hugum verkalýðsins og örfárra hugsjóna manna.

Það er komin tími til að ASI og önnur félög sinni skyldu sinni sem er við launamenn en ekki ríkisstjórnir.

Það er ekki komin tími til að huga að aðgerðum það er komin tími til aðgerða NÚNA.

Farið að huga að aðgerðum