Raungóð þjóð Íslendingar

Það er að koma betur og betur í ljós að það er gott að eiga vinaþjóð. Bretar munu loksins skilja hve mikil vinaþjóð Íslendingar eru við ætlum meira að segja að gefa þeim afganginn sem sýnir að við lítum á Breta sem börnin okkar við höfum jú flest sagt þú mátt svo eiga afganginn þegar við höfum verið að biðja börn og barnabörn um að skottast fyrir okkur.

Enda veitir Bretum ekki af núna þegar þeir fara í gegnum harða tíma og eiga ekki einu sinni rúm fyrir þá sem þurfa sérstaka aðhlynningu og verða að senda þá í önnur lönd eins og kom fram í fréttum.

Ég mæli með því að við hefjum landssöfnun fyrir vini okkar hinum megin hafsins og sýnum það í verki að okkur nægir ekki að senda þeim fiskinn okkar óunninn og skapa þar vinnu heldur nær vinarþel okkar svo miklu miklu lengra.

Niðurlægjandi ákvæði

Litla stúlkan með stóru augun.

Ég hef verið að velta því fyrir mér hvernig það er mögulegt að heill flokkur geti gjörsamlega skotið sér undan ábyrgð, hefur hvergi komið nálægt neinu og tekst að koma öllu sem aflaga fer á samstarfsflokkana. Hvaða aðferð er það sem er beitt.

Ég hef eins og aðrir landsmenn hlustað á útvarp og horft á sjónvarp undanfarið og það er alveg magnað að hver Samfylkingarmeðlimurinn kemur fram og talar um skipbrot frjálshyggju ábyrgð Sjálfstæðisflokksins og kúvendingu Borgarahreyfingarinnar á sama tíma sitja þau klofvega ofan á leifunum af VG sem sennilega jafnar sig aldrei eftir sambúðina.
Þetta er alveg ótrúlegt.

Nú síðast í morgun fékk Ólina Þorvarðardóttir góðan tíma að mínu mati til að sannfæra okkur um sakleysi fylkingarinnar og glæpaverk Sjálfstæðismanna í morgunþætti Bylgjunnar. Ég var ekki einn um að álíta að það hefði verið all mikill lýðræðishalli í þessum þætti því það vill svo til að við vinnufélagarnir berum okkur saman er við mætum um hvað okkur þykir mikið eða lítið koma til morgunspjalls vikomandi dags.

Í sannleika sagt minnir Samfylkingin mig á litla lokkaprúða stúlku sem hangir með pörupiltunum í hverfinu hún tekur jafn mikinn þátt í prakkarastrikunum en þegar hún horfir framan í fullorðna fólkið saklausum bláum augunum og skellir út einu tári og bendir á rauða freknótta strákinn og segir snöktandi hann gerði það þá er henni trúað um leið og strákurinn hýddur.

Ég held þó að lausnin sé einfaldari ég held að hún byggist á meðvirkni fjölmiðla annað hvort í gegnum eignatengsl eða samliggjandi skoðanir. Ef að maður að nafni Davíð opnar munninn fara allir fjölmiðlar í herför til að finna hvern einasta  mögulega veikan punkt í því sem hann segir og feta sig oft ansi nærri bjargbrúninni.
Ef aftur á móti fer að gefa á Samfylkingarskútuna þá taka hinir sömu fjölmiðlar við að ausa skútuna með hreyfingunni alveg blygðunarlaust.
Sem dæmi má taka gagnrýnislausan upplestur á nauðsyn þess að samþykkja Icesave greiðslurnar gagnrýnislausan fréttaflutning á því að við sætum kúgunum frá nágranna þjóðum og skefjalausan áróður fyrir gæðum þess að afsala sér fullveldi.

Ég held að þetta geti verið ástæðan að upplýsingum er raðað ofan í þjóðina svo að hún sjái ekki að litla stelpan með tár í saklausum bláu augunum er í raun fullvaxið skass sem ber ábyrgð eins og aðrir sem að málinu komu.

Ef að verið er að keyra langferðabíl og hann fer út af þá ber sá sem að á að sjá um að það sé nóg á rúðupissinu og að framrúðan sé hrein jafnmikla ábyrgð og sá sem að stýrir allir axla sína ábyrgð.

En það mætti halda samkvæmt fréttum og málflutningi að Samfylkingin hefði verið stofnuð 1 febrúar 2009.

Öfug forgangsröðun

Væri þá ekki nær að leggja 1000 000 000 i atvinnu sköpun og 10 000 000 i aðildarviðræður við ESB eða kannski eru þessar 10 000 000 inni i þeirri tölu aðalatvinnusköpun nú um stundir virðist vera fólgin í löngun i að skapa störf fyrir 70-80 mans i Brussel

Ísland skipi sér á ný í fremstu röð

Nú er mér nóg boðið.

Ég er þeirrar skoðunar að við ættum við að handtaka alla Hollenska ferðamenn hér á landi og vísa þeim úr landi Segja síðan upp Hollandshluta Icesave samninganna. Það er opinbert að Hollendingar eru með ráðagerðir um að ráðast inn í Ísland sjá bloggsíðu Viðar Guðjónssen og dv.is. Það getur vel verið að einhverjir líti á þetta sem grín en ekki litu Bretar á hrun Íslensku bankanna sem grín. Myndi einhver Íslendingur setja svona fram þá væri lögreglan komin að dyrum hans um leið ungur maður fíflaðist í forseta Bandaríkjanna tóku þau því létt nei þau tóku því eins og alvöru stjórnvöld eiga að gera.

Nú skulum við sína heiminum að við látum ekki valta yfir okkur nú þegar verði fellt úr gildi að Hollendingar þurfi ekki vegabréfsáritun til Íslands vegna þess að þeir séu með hryðjuverka áætlanir gagnvart okkur  eða ætlum við að bíða eftir því að einhver láti verða alvöru úr hótunum sínum. Við skulum muna það að hinar svokölluðu vinaþjóðir komu í veg fyrir fjármagnsflutninga frá okkur þannig að allt varð að borga í gegnum Bandarískan banka ef að það hefði ekki verið gert hefðum við ekki getað borgað vörur okkar. 

Annar sproti af sama meiði er í fréttum núna það er frétt frá IMF að ef Ísland fái ekki lánin frá vinaþjóðum (ég eiginlega æli yfir orðinu.) þá fáum við ekki lánið frá IMF. Það er ekki nóg að lánsloforðin liggi fyrir.  Hvað er þetta annað en kúgun og það vel skipulögð kúgun því nú seigr IMF ég geri ekki neitt því að þið fáið ekki lánin og vinirnir segja við gerum ekki neitt fyrr en þið skrifið undir stora raðgreiðslusamninginn svo að við náum af ykkkur öllu sem þið hafið.

Ég neita að samþykkja svona handrukkun og ég er sammála því sem að Jenny segir á blogginu sínu að hún sé komin þversum ég er ekki oft sammála henni en nú er ég orðin þversum eins og hún.

Skora á fólk að líta á vefsíðuna www.hersenscheet.com  áður en að það ákveður að ausa yfir mig skömmum. Við skulum athuga að það að svara svona ekki gerir ekki annað en að bæta í þá tilfinningu alheimsins að það sé gott að sparka í okkur og kenna okkur um það að þeir létu glepjast af eigin græðgi.

Nú er fréttum lokið í RÚV sjónvarpi og ekki minnst orði á það að landinu hafi verið hótað  heldur er prédikunin um nauðsyn Icesave endurtekin í 1000000 sinn og sálmurinn það er svo gott að mega borga Icesave kyrjaður bæði fyrir og eftir prédikun.

Þessi sami fjölmiðill og þessi sömu stjórnvöld eru lika búin að segja okkur að 

1. Allt yrði gott þegar Sjálfstæðisflokknum yrði komið frá,   Er allt orðið gott
2. Að allir myndu trúa okkur þegar Dabbi væri farin úr Seðlabankanum  Þau hin sömu eru enn að segja að við þurfum að gera hitt og þetta svo einhver trúi okkur svo að það fór engin að trúa okkur þó þau flæmdu Davíð burt.
3. Gengi krónunnar myndi fljúga upp þegar að Davið yrði borin út. Krónan steinsökk
4. Gengi krónunnar myndi rjúka upp ef sérfræðingur yrði ráðin þeir réðu einn og krónan sökk meira
5  Gengi krónunnar myndi rjúka upp um leið og við samþykktum að ganga í aðildarviðræður við ESB en liggur krónan sem skotin væri
Og það er hægt að nefna fleiri dæmi En hafa einhver af þeim reynst sannleikur NEI og þvi ætti að vera meiri sannleikur í því sem þau segja í dag.

Það er síðan einföld spurning ef stjórnvöld verja ekki þjóð sína hvort að þjóðin hefur ekki rétt á að verja sig sjálf ?. Ég hef ekki skap til þess að umbera það að einhver komist upp með að hóta og kannski gera alvöru úr þessari hótun sinni gagnvart börnum mínum og barnabörnum. Þar set ég eiginlega mörkin.

 

 

Rýnir í gögn vegna Icesave

Óttast stjórnin mótmælin

Það skildi þó ekki vera að þessi skyndilega ákvörðun um að senda þingmenn heim í kvöld tengist fyrirhuguðum mótmælum gegn Icesave á morgun.

Hlé gert á störfum þingsins

Er Hekla að fara að gjósa

Ekki vekur það mikla athygli hjá fréttamönnum að fólki virðist ráðlagt að ganga ekki á Heklu ef fréttin er rétt. Mér finnst þetta frétt ef kvikuhreyfing undir Heklu er orðin það mikil að fólki er ráðlagt að ganga ekki á fjallið og að þetta æti þá að vera almenningi kunnugt. En sennilega eru fjölmiðlar of önnumkafnir við að koma þjóðinni í ESB og fá okur til að borga Icesave skuldir sumra eiganda sinna til að mega vera að því að sinna svona smámálum

Skátar lögðu hönd á plóg á Þingvöllum

Sjá fyrra blogg

Ég sem að hélt að ég hefði kannski heyrt vitlaust í fréttum Vísa á blogg mitt hér á undan

Hættir að lána Íslendingum

Var ekki sagt satt?

Það var alltaf talað um aðildarviðræður nú er bara talað um aðildarumsókn og i næstum hverri frétt er séð til þess að fáni hins nýja heimalands birtist. En mér finnst athyglisvert að þa myndinni er ekki Litháenski fáninn sem blaktir sem borðfáni heldur fáni heimsveldisins. Vel útfærð innræting eða slysni mér er spurn.

En eftir stendur að talað var um að fara í aðildarviðræður en ekki aðildar umsókn svo að það má segja að þjóðinni hafi ekki verið sagt alveg satt enda virðist einhver vera að ljúga sé horft til Icesave. Hvort hefur sá ljóti samningur áhrif eða ekki í hvora áttina sem er þá verður niðurstaðan að ca 50% ljúga því að þeim ber ekki saman. Kannski er það bara Hollenski ráðherrann sem segir satt hvur veit

Litháíska þingið styður aðild

Orsök fjármálakreppunar fundin.

Ég fann hana í frétt í Rúv á leið heim úr vinnu.

Norræni Fjárfestingabankinn lánar Íslandi ekki meiri pening vegna þess að þeir eru hræddir um að við stöndum ekki í skilum jafnvel fyrirtæki sem hafa alltaf staðið í skilum við þá fá ekki lán í dag.

Ennn það var haft eftir sérfræðing að ef við skrifuðum undir Iceslave myndu þeir jafnvel lána okkur meira. Hvernig banki er það sem að hefur ekki trú á að viðskiptavinur geti borgað lán sín og neitar honum um lán vegna þess en segir honum jafnframt að ef hann skrifi undir raðgreiðslusamning upp á einhverstaðar milli 700 000 000 000 til 1200 000 000 þá muni hann jafnvel endurskoða afstöðu sína því að þá sé hann orðin betri skuldari. 

Er ekki allt í lagi hér á jörð lengur hvað á að ganga langt í áróðri til að fá þjóðina til að kaupa Iceslave samninginn. Halda hinir hámenntuðu að við sem vinnum með höndum og fótum séum algjör fífl. Undirskrift Iceslave myndi ef bankakerfi virkar rétt gera okkur geislavirka í augum þess. Ef þetta er sú hagfræði sem iðkuð var og er í þessum stofnunum er ég ekki hissa á að allt hafi farið norður og niður. 

Og það versta er að svona fréttum er hellt yfir okkur án nokkra gagnrýnna spurninga af fölmiðlafólki mér er orðið það til efs að RÚV gangi erinda á fjórðahundrað þúsund eiganda sína ég held að það sé nær að þeir gangi erinda milli 30 og 40 þeirra  og það þeirra eiganda sem að sitja á Alþingi.

Það minnir mig á það fá ekki alþingismenn aðgang að fjölmiðlum frítt væri gott ef einhver segði mér hvort að það er rétt eða rangt. Ef rétt er þá væri það skoplegt í ljósi þess að blindir þurfa að greiða af sjónvarpi og heyrnalausir af útvarpi hér á tímum velferðarstjórnarinnar.

Ég vil líka mótmæla því sem að ég heyrði haft eftir Össuri að innganga í ESB efli sjálfsvitund eða sjálfsmat þjóðarinnar alla vega ekki þess hluta sem að ég tilheyri.

Reglulega skrítin frétt.

Mér finnst þetta skrítin frétt hvað þýðir eftirfarandi.

"Steingrímur J. Sigfússon, fjármálaráðherra, sagði á Alþingi í dag að yfirlýsingar stjórnvalda frá því í haust, þess efnis að innstæður í íslensku bönkunum séu tryggðar til fulls, séu í fullu gildi þar til annað verður boðað"

Ætlar ríkið að afturkalla neyðarlögin eru bankarnir að hrynja aftur er þetta hluti af aðgerðaráætlun VG um að skipta upp verðmætum landsmanna. Ég veit það ekki en mér finnst þetta athyglisvert.
Sérstaklega orðin  "þar til annað verður boðað"  Sem að mér finnst fela í sér hálf ónotalegan blæ. En kannski er þetta bara frétt til að fylla pláss því ekki er plássið í fjölmiðlum landsins notað til að styrkja þjóð og land það verður Financial Times að taka að sér.

Tryggðar þar til annað verður boðað