Vinstri menn klúðra tækifærinu.

Ég er fylgjandi frjálshyggju og hægrisinnaður enda tel ég mig hafa þroskast eðlilega var ekki sagt að ef maður væri ekki kommúnisti þegar maður væri ungur væri maður hjartalaus en ef maður væri enn komunisti þegar maður væri komin til vits og ára þá væri maður heilalaus.
Sem áskrifandi að málgagni Maóista á Íslandi í æsku og harður hægri maður á eldri árum þá hef ég þroskast með árunum samkvæmt þeim spekingi sem mælti þessi orð.

Því ætti ég að gleðjast yfir enn einu klúðri vinstri manna hér á landi en einu tækifærinu sem þeir glata og en einum viðbrögunum sem að eyðileggja fyrir þeim er fram líða stundir en ég gleðst ekki vegna þess að ég er Íslendingur og óháð þeim skoðunum sem ég aðhyllist vil ég að hvert tækifæri sé notað er gagnast getur þjóð, landi og afkomendum mínum.

Hvað á ég við með að vinstri menn séu að klúðra tækifærinu jú þeir halda hér á einu stærsta tækifæri sem að vinstri menn hvar sem er í veröldinni hafa fengið til að sannfæra veröldina um ágæti stefnu sinnar. Heimurinn er í rúst frjálshyggju hefur verið kennt um þó að mínu mati sé hann í rúst vegna þess að hana vantaði. 
Í frjálshyggju hefðu bankar rúllað og lífið byrjað upp á nýtt fólki verið refsað fyrir að trúa bankamönnum kerfið hefði endurræsts af sjálfu sér og verðlausir hlutir þurkast út.

En neitun Ólafs á samþykki laga sem leggja ofurklyfjar á þjóðina er þegar farin að vekja athygli á að einhver stendur upp fyrir litla manninum Ríkisstjórn Íslands er að glata tækifæri til að ganga fram fyrir skjöldu sem stjórn sem setur þegna sína í forgang gegn heimskapítalismanum sem vinstri menn tala svo mikið um.
Í staðin tekur hún sér verkfæri andaræktenda í hönd og ætlar að troða lögunum ofan í þjóðina og reka á eftir með priki.

Það tækifæri að verða fyrsta alvöru jafnaðarmanna stjórn veraldarinnar sem hefði jafnvel með réttum áróðri afrekað það að koma af stað alvöru hreyfingu í heiminum sem hefði jafnvel á endanum fellt það kerfi sem nú er í gildi og telur sjálfsagt að ábyrgðarleysi fjarmagnseigenda sé velt yfir á skattgreiðendur. Því tækifæri var klúðarð í einhverju óskilgreindu geðvonskukasti í beinni.

Í stað þess að grípa tækifærið og ganga fram með yfirlýsingu um að nóg sé komið af kúgun og óréttlæti setja skuli fólk framar fé í forgangsröðinni. Nei í stað þess skutust stjórnaliðar í skotgrafir töluðu land sitt og þegna niður í svaðið og hófu hræðsluáróður og hamfaraspár ef ekki yrði gengið að hótunum erlendra ríkja og kapitalismanum bætt allt sitt tjón. 
Ef horft er til þess hvernig þessu tækifæri er forklúðrað og öll áhersla lögð á þá helvist sem býður okkar ef þetta er ekki samþykkt en ekki minnst orði á það að við eigum fjölmarga skoðanabræður út í hinum stóra heimi það marga að sennilega óttast mörg stjórnvöld þann fjölda ef hann risi upp.

Þess vegna velti ég því fyrir mér í dag hvort að vinstri mönnum sé svona mislögð höndin að þeir glutri niður upplögðu tækifæri til að vinna stefnu sinni stór sigur, ekki dettur mér í hug að fría þeim vits og skynsemi til að sjá ekki möguleikann.
En kannski eru þeir bara engir vinstri menn í raun bara en ein útgáfan af miðju moði fast tengdu við eigendur fjármagns hjúfrandi sig í faðmi alþjóðlegs saumaklúbbs stjórnmála og peninga elítu sem löngu er búin að útdeila þægilegum stöðum til þeirra fótgönguliða sem þeim eru þóknanlegir og hafa skilað góðu dagsverki í þágu klúbbsins.

Hvernig er annars hægt að útskýra það hatur og löngun til að troða ólögunum ofan í þjóðina sem að mínu mati ríkir hér hjá mörgum ráðamönnum í garð þeirrar þjóðar sem þó fól þeim það vald sem þeir hafa.
Frá mínum bæjardyrum séð þá hlýtur að vera ástæða fyrir þeirri heift það skildi þó ekki vera að samþykki þjóðarinnar hafi verið lofað á leynifundum út í löndum og við það loforð skuli staðið með góðu eða illu hvað sem vilja þjóðarinnar lýður því annars glatist gagnloforðin.

Ekki veit ég það og kannski er ég bara sona illa þenkjandi. En ég sem hægri maður þakka alla vega fyrir þá gæfu að menn skuli glata niður þessu einstaka tækifæri til að greiða kapítalismanum heljar högg i nafni vinstri stefnu það styttir tíman þangað til að hér ríkir aftur hægri stjórn og lífvænlegt verður á landinu á ný.

Orð dagsins eru orð sem ég heyrði í Kastljósi frá fræðingnum sem útskýrir mismuninn á könnun dagsins og eldri könnun en nýrri könnunin sýnir að meiri hluti muni samþykkja Icesave. Hann sagði eitthvað á þá leið að munurinn væri að þeir sem að gerðu fyrri könnunina leituðu ekki til fólks sem væri eldra en 67 ára.
Ef að það er staðreyndin að eldra fólk ætli að samþykkja Icesave vitandi það að greiðslubyrðin lendir að öllum líkindum ekki á því vegna lögmáls lífsins þá hvet ég þá hina sömu til að líta á myndir af barnabörnum sínum og spyrja sjálfan sig höfum við leyfi til að skuldsetja þau  þannig að þau hafi ekki sömu tækifæri og við höfðum í lífinu.

Ég tel mig ekki hafa leyfi til þess og ég segi Nei við Icesave.

Hagsmunir fólks settir ofar hagsmunum banka

Gárur á vatninu

Er nokkur furða að neitun forsetans valdi stjórnmálaelítunni nokkrum ótta ef að svo væri að þetta yrði sá dropi sem að fyllti mælirinn og samtvinnuð stjórnmála og peninga elíta kæmist ekki lengur upp með að velta vitleysum sínum yfir á bök skattgreiðenda landa sinna.

Mig myndi ekki furða þó að ótti um slíka þróun ylli þessum hópi svefnleysi og þar gæti verið komið skýringin á illsku samskonar elítu íslenskrar sem gæti verið ásökuð af klíkubræðrum sínum erlendum um að hafa misst tökin á lýð þeim sem henni var treyst fyrir að stjórna af félögum sínum í ESB.

Því eins og ég segi í byrjun þá er það ekkert sem má gára hið kyrra yfirborð kúgunar fjármagns og stjórnmála því ef það gáraðist gæti gosið upp svo römm ýldufýla að jafnvel sjálfri jörðinni stafaði hætta af.

Ísland forsmekkurinn að því sem koma skal?

Ekki furða

Það er ekki furða að svona niðurstaða fáist eftir að áróðursmaskínan hefur djöflast frá því í gær á því að hér sé allt að fara til fjandans BBC Iceland með höfuðstöðvar í Efstaleitinu eiddi 95% af kvöldfrétta tíma sínum í að tala hér allt til andskotans en notaði jú ca 5% til að fjalla um að kannski myndi þetta ekki breyta miklu. Ég trúi orðið Evu Joly betur heldur en RUV og vandlætingarfullum fréttamanni á Bessastöðum sem sagði með kvörtunartón í kvöld að Ólafur vildi ekki tala við hana en ætlaði að tala við BBC London í kvöld. Kannski metur forsetin það svo að það sé líklegra þjóð og landi til framdráttar að tala við erlenda fjölmiðla sem að virðast í heildina vera þjóðinni vinsamlegri heldur en þjóðarinnar eigin fjölmiðlar og stjórnmálamenn. Kannski væri betra fyrir þjóðina að greiða afnotagjöldin til BBC London

Þó skal virða það við Sigmar núna að hann er all beinskeyttur við Steingrím.

Meirihluti andvígur ákvörðun forsetans

Rangt hjá Birni

Hvers vegna tel ég að þetta sé rangt hjá háttvirtum þingmanni.
Jú stjórnin var kosin sem starfsstjórn hún átti að starfa hratt og vel að því að endurreisa heimilin í landinu slá skjaldborg um þegnanna og innleiða réttlæti og jafnar byrðar. Sé litið yfir það hvað af þeim verkum hefur komist í framkvæmd þá er mér alveg lífsins ómögulegt að kalla núverandi stjórnvöld starfstjórn. Frá mínum bæjardyrum séð hefur hún ekki gert nokkurn skapaðan hlut nema að gera illt ástand verra.

Ríkisstjórnin er starfsstjórn

Veit RUV af þessu

Mæli með fjöldapóstsendingu á RUV þeim virðist vera gjörsamlega ómögulegt að finna jafnvel smá frétt sem styður málstað þjóðar þeirrar sem þó er skikkuð til að greiða afnotagjöld til þeira hvort sem hlustað er á miðilin eða ekki.

 

Verða að lækka Icesave-kröfuna

Er sigur mögulegur.

Það skildi þó ekki vera eins og ég ýja að í bloggi í gær að synjun forseta vors sé upphaf á meiri atburðum heldur en menn gera sér grein fyrir það er því að afstaða hins almenna þegns út um lönd sé sama og hins almenna Íslendings það er að almenningur beri ekki ábyrgð á skuldum einkabanka. Getur verið að erlendis geri fólk sér grein fyrir því að ef Íslendingar eigi að bæta tjón það sem græðgi Íslenskra bankamanna olli þá geti það í framtíðinni leitt til þess að sú hin sama alþýða þurfi að greiða fyrir græðgi sinna eigin bankamanna. Það skíldi þó ekki vera að gærdagurinn hafi verið orusta Íslendinga í þeirra eigin Laugaskarði og að enn sé von um sigur ef vel er barist.

Þessar kannanir hafa ekki staðið lengi en væri hatrið eins mikið í okkar garð og okkar eigin Göbbels fjölmiðlar reyna að troða inn hjá okkur væri það strax komið fram. Eina björgunar ráðið fyrir Íslensk stjórnvöld er sennilega nú að nýta nú  allar tölvur ríkisins til að greiða atkvæði með því að við eigum að borga reikninginn svona á svipaðan hátt og sumar þeirra virtust vera notaðar til að gera Indifence undirskriftarsöfnunina ótrúlega.

Það væri nú stjórnvöldum til sóma að viðurkenna að þau eru jafn breysk og við almúginn að tími hins óskeikula einveldis er liðin og öld hins upplýsta lýðræðis var endurræst á Bessastöðum í gær. Þau hin sömu stjórnvöld mun fljótt finna að þjóðinni er eins farið og föðurnum sem slátraði alikálfinum við heimkomu týnda sonarins og stjórnvöld mun öðlast fyrirgefningu en fyrst verða þau að sýna iðrun og yfirbót áður en þau geta fundið sér stað aftur í hjarta þjóðarinnar og þau verða að vinna vinnuna sína.

 

Eiga Íslendingar að greiða?

Að hamra járnið meðan það er heitt.

Nú þegar að allra augu hvíla á landinu þá á að skipuleggja mótmæli við sendiráð erlendra ríkja hér á landi þar sem að lögð er áhersla á viðbrögð þeirra til þess að þeim verði gerð skil í alþjóðlegum fjölmiðlum þannig að þegnar þeirra landa sem eru margir í okkar sporum fái vitneskju um hin sanna gang mála.

Það eru kosningar í Bretlandi og Hollandi innan skamms og ég er viss um það að stjórnmálamenn sem keppa um vinsældir kjósenda vilja ekki sjá myndir af reiðum þegnum annara þjóða fyrir utan sendiráð sín haldandi á Bengal blysum í Íslensku vetrarmyrkri Myndrænna gerist það ekki. En þetta þurfa að vera friðsöm mótmæli það er alveg nóg að sýna í þögn að þjóðinni þyki komið nóg.

 Nú þurfa þeir sem halda uppi vörnum fyrir land og þjóð og þar á ég ekki við Samfylkinguna eða Vinstri Græna þeir flokkar hafa stillt sér við hlið Péturs Postula í afneitun á sjálfum sér og þeim sem ættu að vera þeim kærastir. Ég á við Indifence og aðra þá hópa sem að hefur tekist að velta steininum svo að hann er farin að rúlla. Varðandi líkinguna á Samfó og VG við Pétur Postula þá leiðir framtíðin vonandi í ljós að þeim fer eins og honum og snúa af villu síns vegar en einhvern vegin efast ég um það.

Íslendingar telja lánakjörin óviðunandi

Að standa með þjóð sinni. (VIlji er allt sem þarf)

Nú hafa þingmenn tækifæri til að taka höndum saman og sína þjóðinni þannig að hafið sé yfir allan vafa að hagsmunir hennar séu forgangsatriði og um leið gætu þeir skapað sér sess í sögunni.

Árið 480 fyrir Krist stóðu 300 Spartverjar í vegi fyrir óvígum her Persa í Laugaskörðum þeir féllu að vísu allir en lögðu sitt á vogarskálarnar þjóð sinni til bjargar og er enn í dag minnst fyrir hugprýði og staðfestu hver man eftir andstæðingunum. 
 Af hverju er ég að minnast þeirra jú það skildi þó ekki vera að 300.000 manna þjóð hafi í dag sýnt fyrstu viðspyrnu alþýðunnar gegn yfirgangi samtvinnaðs peninga og stjórnmálaveldis fyrstu andmæli þess að þjóðir alla vega sumar sætti sig ekki við að einkavæða gróðann en þjóðnýta tapið.

Ég hef eytt deginum mókandi í hægindastól og fylgst með flestum fréttum dagsins og mér er raun að segja að ég fyrirverð mig fyrir framsetningu fjölmiðla á atburðum dagsins miðla sem þó eru reknir fyrir mitt skattfé.

Það dylst engum að við eigum í milliríkjadeilu og það er hlutverk stjórnmálamanna að ná fram sem hagstæðustum samningum fyrir þjóðina í þannig deilum. Því fer þó fjarri að það hafi tekist heldur var hnoðað saman einhverjum gjörningi vegna þess að menn nenntu ekki að hafa það hangandi yfir sér og því skildi síðan troðið þversum niður um kokið á þjóðinni eins og á franskri aligæs fyrir slátrun þjóðin lætur ekki bjóða sér það og mér til undrunar þá stóð forseti vor með þjóðinni samkvæmur sjálfum sér og nýtti stjórnarskránna á þann máta sem til hefur verið ætlast frá því að hún var gerð. Nota ég hér með tækifærið til að hrósa honum en tek þó fram Ólafur að ég mun ekki kjósa þig frekar en venjulega.

En aftur að fjölmiðlum frá því að útsending hófst og eins lengi og ég hélt rænu var stöðugt framboð á hamfaraspám með öllum mögulegum og ómögulegum heimsendum fyrir land og þjóð ef lögin yrðu ekki samþykkt ég get bara ekki munað eftir samfelldri mínútu sem að var notuð til að kynna málstað þeirra sem að eru andstæðingar gjörningsins við borgum jú afnotagjöld líka.
Í mínum huga var þetta svipað og að BBC hefði lesið upp úr riti Adolfs heitins meðan að Bretar hörfuðu frá Dunkirk mér varð eiginlega hugsað til þess að svona hefðu fjölmiðlar hljómað í hernumdum löndum seinni heimstyrjaldar.
Þetta er til skammar það er líka þingmönnum til skammar að þeir skuli ekki standa upp og verja hagsmuni þjóðarinnar mér er spurn hvort að mér einum þyki það óeðlilegt þegar menn í áhrifastöðum klifa endalaust á því hvort að þjóðin ætli að vera óábyrgir óreiðumenn og neita að borga skuldir sínar.
Ég er ekki óábyrgur óreiðumaður og ég borga skuldir mínar
En ég vil fá á hreint áður en ég skrifa undir skuld. Í fyrsta lagi er þetta mín skuld, Í öðru lagi get ég borgað hana.
Ef svarið við fyrstu tveimur spurningum er já þá greiði ég mínar skuldir sjálfur en velti ekki byrðunum á börn mín og barnabörn. Það er en langt frá því að fyrstu tveim spurningunum hafi verið svarað á fullnægjandi máta.

Þegar þingmenn koma nú úr jólafríi sem er svipað að lengd og hjá öðrum landsmönnum þá eiga þeir því að hefja vinnu fyrir þjóðina og ekki reyna að snúa sér út út málinu með einhverjum sýndar aðgerðum til að eyðileggja stjórnarskráarkvæðið sem að veitir þjóðinni vernd sem hefur nú sýnt sig að er nauðsynleg.
Það hefur hver spekingurinn á fætur öðrum rætt um það í dag að nú þurfi að ákveða hvernig þjóðaratkvæðagreiðsla sé framkvæmd. Frá mínum bæjardyrum er það ekki flókið það er boðað til atkvæðagreiðslu um hvort þú styður  frumvarp um ríkis ábyrgð vegna Ícesave já eða nei. Síðan er kjörstöðum lokað og atkvæði talin. Séu nei fleiri en já þá fellur frumvarpið og öfugt.
Ég sé ekki að þetta sé flókið eða að fólki sem er treystandi til að borga reikninginn sé ekki treystandi til að skilja hann en sá málflutningur að fólk hafi ekki greind til að skilja Icesave samninginn og kjósa um hann er ekki þjóðinni bjóðandi.

En eins og ég sagði ég hver þingmenn til að vinna nú í takt við vilja fólksins sem að kaus þá á þing og skapa alþingi Íslendinga þá virðingu sem að það hefur glatað svo illa síðustu misseri. Forsetaembættið endurvann sér smá virðingu í morgun þið getið það líka vilji er allt sem þarf.

Síðan verð ég að bæta því við sem er mín persónulega skoðun að atburðir undanfarinna tíma hafa sett merkingu orðsins fræðingur á svipaðan stað í huga mér eins og matsfyrirtæki setja lánshæfi lýðveldisins.

Þing komi saman í vikulok

Rökrétt af hálfu Hollendinga.

Þetta er rökrétt afstaða af hálfu Hollendinga Það hefur komið í ljós aftur og aftur til dæmis i atkvæðagreiðslum um Lissabon sáttmálann að hin fámenna stjórnmálaelíta Evrópu hefur lagt þann skilning í lýðræði að það sé að þjóðir segi já við öllu því bulli sem að þeim er rétt segi þær nei þá eru greidd atkvæði aftur og aftur þar til rétt niðurstaða hefur fengist. 

Þess vegna kemur mér afstaða Hollendinga ekkert á óvart þeir töldu sig vera búnir að ná bakdyra samkomulagi um það að Íslendingar dagsins í dag bæru ekki hag barna og barna barna sinna meir fyrir brjósti en það að þeir myndu skuldsetja þau um óráðna framtíð.

Nei kæru Hollendingar hvort sem að okkur líkar betur eða verr hvort sem við erum hlynntir Icesave eða á móti því. Þá kom Ólafur R Grímsson þægilega á óvart í dag þegar hann sýndi okkur að sumstaðar í heiminum ríkir enn lýðræði og að sá öryggisventill sem að forfeður okkar settu í stjórnarskrá virkar þjóðinni til hagsbóta þegar til lengri tíma er litið.

Hollenskir stjórnmálamenn harðorðir

Sammála Sigmundi

Ég held að Sigmundur hafi rétt fyrir sér í þessu að hér fari pantað álit. Enda ef hlustaðér á fréttir núna þá sést að það er byrjað að troða hinum eina sannleika ofan í lýðin og það er að hér fari allt til fjandans ef að klafinn verði ekki samþykktur.

Ég er orðin þeirrar skoðunar að nýtt Ísland verði ekki byggt upp nema að fólk líti langt til baka til þess hvernig við stofnuðum það sem var eiðilagt og nýtum okkur það hvernig það var gert með lærdómi af mistökunum.

Því mæli ég með því að vér landsmenn stofnum því nú þegar nýjan banka banka fólksins endurvekjum kaupfélögin og verslunarfélögin og ungmenna félagsandan Íslandi allt.

Segir nýtt lánshæfismat S&P mjög sérkennilegt