Gaman væri að vita.

" Bifreiðin sinnti ekki stöðvunarmerkjum tollgæslunnar. Hún mun þó hafa óskað eftir aðstoð lögreglu en engin lögreglubifreið var til reiðu til að sinna kallinu."

"Tollverðir reyndu ítrekað að fá ökumanninn til þess að stöðva bifreiðina með merkjagjöf en án árangurs. Haft var samband við lögreglu sem kom strax á vettvang."

Kom lögreglan eða ekki áður en slysið varð og ef hún kom ekki má þá tollgæslan stunda eftirför í morgun umferðinni og ef hún má það ekki er hún þá ábyrgð fyrir slysum sem að´svoleiðis eftirför veldur ??

Spyr bara svona af fróðleiksfýsn

Áfengi fannst í bifreiðinni

Alvarleg vanræksla og stórkostlegt gáleysi.

Þetta er rétt hjá Merði en það eiga þá allir að vera jafnir fyrir lögum.

Eigi að refsa viðkomandi einstaklingum fyrir vanrækslu þarf líka að refsa núverandi stjórnvöldum fyrir það sama eða er það ekki vanræksla að stjórnvöld lands geri ekkert til að laga það misrétti sem að nú gengur yfir. Fólk missir eigur sínar og ævistarf meðan aðrir fá syndaaflausn og það er varla nokkur leið að sjá eftir hvaða reglum er farið.

Að horfa á Kastljós í kvöld var sorgleg birtingarmynd þess sem gengur á hér að heyra fréttirnar um gjaldþrot Sigurplasts sömuleiðis og ef að einhver fótur er fyrir því sem sagt er um afstöðu viðskiptabankans þá kallar það á óháða rannsókn um atferli þeirra að mínu mati.

Að síðan alþingismenn hafi ekkert þarfara að gera en að karpa um liðna tíma á þessum erfiðu tímum milli þess sem að þeir mæta í fjölmiðla og verja eignarétt fjármagnsins er síðan þvílík fásinna að það er ekki hægt að setja það á blað sem að manni er efst í huga. Þeir eru haldnir sömu veruleikafirringu og Frakka drottning á síðustu dögum konungsveldis í Frakklandi það er algjöru sambandsleysi við þann raunveruleika sem að ríkir í þjóðfélaginu.

Ég er hræddur um það að það styttist í að "Öll vötn falli til Dyrafjarðar" hér á landi það er snjóboltinn sem að hefði verið hægt að stöðva ef menn hefðu látið af eiginhagsmunapoti og græðgi að sá bolti fari nú að rúlla með því afli og þunga sem að snjóboltar sem falla niður bratta hlíð hafa þegar þeir hafa safnað nógu miklu utan á sig. Því miður held ég að það fari að verða of seint að stöðva þá þróun alla vega er tíminn til þess ekki lengur mældur í vikum og mánuðum heldur klukkustundum og mínútum.

Það er ágætt að segja að aðrir syni vanrækslu en að mínu mati þarf ekki neinn sérstakan hugsuð til að sjá þá vanrækslu sem að stunduð er í dag. Sú vanræksla sem var 2007-2008 er liðin, sú vanræksla sem er 2010 er í núinu og okkur ber að vinna bug á óvættum nútíðarinnar áður en við förum að eyða orku í drauga fortíðar.

Svo kæru þingmenn lítið ykkur nær og í guðs bænum farið að gera eitthvað áður en að það verður gert fyrir ykkur.

Alvarleg vanræksla og stórkostlegt gáleysi

Bjuggu þá menn yfir innherja upplýsingum.

"Ásgeir segir að eftir að lausafjárkreppan hófst um mitt ár 2007 hafi fólk og félög losað eignir sínar í hlutabréfum og öðrum fjárfestingum og sett peningana inn á bankareikninga"

Bíðum við um mitt ár 2007?

Um mitt ár 2007 hafði þá þetta fólk aðgang að einhverjum upplýsingum sem að annað fólk það er hinn almenni borgari hafði ekki. Ásgeir er þó ekki að tala um þau 2 % innistæðu eigenda sem að fengu yfir 90% allra innistæðna sem voru tryggðar og eru nú eftir að hafa blóðmjólkað almenning með vöxtum að snúa sér að því að kaupa upp fasteignir á lágmarksverði þegar þær fara á uppboð.
þessir einstaklingar skildu þó ekki hafa vitað af hruninu það skildu þó ekki leynast þarna einstaklingar sem að í dag gala hæst um hvort að fólk haldi að það eigi ekki að borga skuldir sínar.

Af hverju segi ég þetta jú ef einhverjir hafa losað eignir í hlutabréfum og sett á bankareikninga árið 2007 bankareikninga sem samkvæmt lögum voru ekki tryggðir nema að ákveðinni upphæð. Þá hljóta hinir sömu að hafa vitað að það stæði til að tryggja allar innistæður á bankareikningum þegar árið 2007 hrunið varð nefnilega ekki fyrr en ári seinna.

Ég hef sagt það áður og segi enn það á að birta nöfn þeirra einstaklinga og fyrirtækja sem að urðu þess aðnjótandi að aðrir landsmenn tóku að sér að greiða þeim yfir 90% allra tryggðra innistæða. Ætli önnur eins eignatilfærsla hjá einni þjóð hafi nokkurn tíma átt sér stað í sögunni. Það er í raun sanngirnis mál að það komi í ljós hverjum við erum að bjarga og hvort að einhverjir þeirra gætu hafa átt hagsmuna að gæta og því verið ófærir um að taka þátt í setningu neyðarlagana.

Hleypa þarf lífi í markaðinn

Innantómir frasar?

Ræða forsætisráðherra vor hljómaði vel en mér finnst orðin innatóm þegar ég horfi á fréttir og lít í kringum mig. Finnst í raun að hún sé sami innantómi frasin og okkur er daglega boðið upp á.

Samkvæmt fréttum "Sagði Jóhanna, að ekkert barn mætti vera heimilislaust, skorta mat og drykkjarvatn, fara á mis við skólagöngu eða þjást af sjúkdómum sem hægt er að koma í veg fyrir."

Mér er spurn hvort tvífari Jóhönnu hafi verið  hér á landi undanfarið sú sem talaði í útlöndum virðist ekki hafa séð biðraðirnar við matargjafir þegna þeirrar Jóhönnu sem að hér ræður ríkjum.

Kastljós kvöldsins með viðtalinu við mann sem misst hafði allt sitt og var boðið að leigja það aftur á þrefaldri þeirri upphæð sem að hann gat ekki borgað á mánuði var í einu orði sorglegt.
Ég skammast mín fyrir landið sem að ég bý í þegar ég hlusta á svona fréttir land sem miðað við framleiðslu ætti að geta brauðfætt alla sína þegna án vandkvæða.

Víst varð hér hrun en það bitnar bara á sumum aðrir fengu allt sitt og meira til bætt skammlaust og stjórnvöld standa grimmilega vörð um þær ráðstafanir og vilji menn kafa dýpra í þau mál er borið við bankaleynd. Hverju þarf að leyna það á að leggja öll spilin á borðið líka spilin í rannsóknarnefnd Alþingis.
Mér finnst athyglisvert að lesa grein í Fréttablaðinu við þingkonu sem vill Ísland sem miðstöð frjálsra upplýsinga en á sama tíma veit ég ekki betur en að hún sé ein af þeim sem að styður það að það sé leynd yfir þeim gögnum sem á að nota til að dæma 3 til 4 einstaklinga. Mér finnst það skrytið.

Sennilega veit ég ekkert um svona mál enda bara iðnmenntaður sem að er víst ekki fínt í dag alla vega tók talsmaður hljóðreiðasinna í Kastljósinu fram að þar væri um samtök velmenntaðra lögfræðinga og verkfræðinga að ræða sennilega voru skilaboðin sú að við sem að þó kunnum að stilla skiptinguna á hjólinu gera við dekkin og strekkja keðjurnar á því sem að er á milli fót þeirra þegar þau ferðast að við höfum ekki greind eða getu til að kjósa okkur ferðamáta. Alla vega verð ég að viðurkenna að mér fundust ummælin dulítið spes en eflaust vel meint.

Ég get þó ekki að því gert að ég og kannski bara ég er búin að fá upp í kok af því sem að gengur hér á þessa dagana kannski er ég sá eini sem að finnst eitthvað rangt við að hátt í 40.000 fjölskyldur séu að lenda í greiðsluerfiðleikum, að fólk standi í löngum biðröðum við að fá mat, að laun varafulltrúa séu hækkuð þannig að kostar 2,5 sinum þá upphæð á ársgrundvelli sem að á að nota til að styrkja fátæka, að afskrifaðar séu skuldir upp á tugi miljóna jafnvel hundruð af sumum sem svo halda öllu sínu meðan þeir sem voru svo óheppnir að verða veikir lenda á götunni, að miljörðum sé eitt í umsókn að klúbb bara til að athuga hvort að við viljum kannski vera með og það er ótalmargt fleira sem að mér finnst rangt þessa dagana.
Kannski er það bara mér sem finnst það rangt kannski er ég bara svona gamaldags og vitlaus.

En ég er sammála Jóhönnu að ekkert barn má vera heimilislaust, skorta mat og drykkjarvatn, fara á mis við skólagöngu eða þjást af sjúkdómum sem hægt er að koma í veg fyrir og það á við um fullorðna jafnt sem börn karla sem konur okkur ber skylda til þess að sjá til þess að meðbræðrum okkar líði eins vel og best verður á kosið og þeim ber skylda til þess sama gagnvart okkur.

Þegar síðan á að verja lélegt verklag þá er svarið alltaf það sama það má ekki tjá sig um einstök mál og RÚV þurfti ekki að taka nema eitt viðtal við Ögmund í dag að mínu mati því hann svaraði öllu bæði máli konunnar sem að búið er að flæma úr starfi vegna þjóðernis og máli mannsins sem búið er að flæma úr húsnæði sínu vegna glæpsamlegrar bankastarfsemi annarra og veikinda hans sjálf þessu svaraði hann nákvæmlega eins í bæði skiptin. Svarið var á þá leið að jafnræðis verði að gæta og ekki megi tjá sig um einstök mál.

Ég er fegin því að stjórnvöld okkar eru ekki í björgunarrekstri því  kæmu þau að stórslysi myndu þau sennilega kála öllum til að gæta jafnræðis því ekki má bjarga öðrum ef annar gæti farist síðan myndu þau ekki greina hvað fór úrskeiðis því ekki má tjá sig um einstök mál.

Eins og ég sagði þá er ég kannski sá eini sem að svona er innanbrjóst en hef þó ekki mikla trú á því það er rétt sem sagt er um sófadýrin og ég hef talist til þeirra og viðurkenni það hispurslaust en atburðir undanfarinna daga hafa sannfært mig um það að ef sófadýrin, þeir einstaklingar sem að hafa trúað því að það muni allt fara vel að lokum rísa ekki upp úr sófunum og taka til sinna ráða fljótlega þá verðum við að lifa við það að við höfum ekki gert neitt til að hafa áhrif á framtíð barna okkar til betri vegar og þurfum að lifa við það að hafa stórskaðað þeirra framtíð með aðgerðarleysi gegn því sem að nú gengur á í þjóðfélaginu.

Þær aðgerðir sem gripið hefur verið til eins og Búsáhaldabylting og Besti flokkur hafa því miður orðið til þess samkvæmt mínu mati að gera fólk fráhverft því að leggjast á árarnar til að breyta þróuninni en við megum ekki gefast upp.

Afkomendur okkar eiga þá kröfu á hendur okkur að við búum þeim þolanlega framtíð. Góð framtíð er ekki í kortunum sem stendur þolanleg er sennilega það skásta sem við getum og við skuldum forfeðrum okkar sem þraukuðu hér og bjuggu í haginn fyrir okkur það að við leiðréttum það sem ranglega hefur farið og setjum stefnuna rétta á ný.

Það er komin tími á að hin þögli þolinmóði hluti þjóðarinnar láti í sér heyra það getur vel verið að við höfum sloppið ágætlega út úr hruninu vegna eigin varfærni en ætlum við virkilega að láta það vera eftirmæli okkar að það hafi verið okkar helsta skemmtun að verða vitni að örvæntingu hinna sem að margra mati fóru óvarlega og samkvæmt áliti sumra eiga þetta bara skilið.

Hver kannast ekki við orðin, heldur fólk að það geti bara fengið lánað og þurfi ekki að borga, sagt um fólk sem að í mörgum tilfellum drýgði þó þann eina glæp að ætla að kaupa sér húsnæði og ekki alltaf af stærstu gerð. Ætlum við virkilega að vera svo grunnhyggin ég vona ekki.  Við skulum lika muna að grunnhyggnar þjóðir hafa verið dæmdar bæði af sögunni og í veraldlegum réttahöldum.

Ég vona sannarlega að ég eigi nokkra skoðana bræður og systur í þessum hugleiðingum mínum sem er þá velkomið að hafa samband þó ekki væri til annars en að sannfæra mig um að ég sé ekki sá eini sem að finnst eitthvað vera bogið við þá mynd af landi mínu sem að ég sé þessa dagana og ég sé ekki einn um að vilja taka á árunum í von um breytta og betri tíð.

550 hafa fengið greiðsluaðlögun

Á Jóhanna við skjaldborg?

Það skildi þó ekki vera að Jóhanna vilji slá skjaldborg um fátæka alheimsbúa þeir ættu að athuga áður en þeir leita skjóls þar hvernig múra hún er búin að reisa um eigin þegna.  Og eru Þau grundvallargildi sem hún leggur áherslu á í heimalandinu. Síðan ætlast ég til að forsætisráðherra hlusti á alla karlmenn eru líka fólk.

Hlustum á raddir kvenna og barna

Sömu kjör og áður.

Ég þakka borgastjórninni fyrir að leggja línurnar fyrir komandi kjarasamninga og mun krefjast þess af mínu stéttarfélagi að það gangi þannig frá samningum að félagsmenn þess séu jafnsettir og áður. Síðan tel ég að þær stéttir sem eru ekkert vara heldur í fullu starfi með laun sem ná ekki 200.000 kr á mánuði hljóti að taka mið af því hvað varamenn telja sig þurfa til framfærslu.

Takk fyrir aftur að leggja línurnar fyrir okkur.

Segja kjör varaborgarfulltrúa þau sömu og áður

Ógeðslegt eða mannkærleiki og væntumþykja

Maður má ekki alltaf halda það versta um meðbræður sína, við eigum að álíta að þeir sem með okkur ferðast á plánetunni vilji allt hið besta, því finnst mér ekki rétt að segja ógeðslegt það eru bara börnin sem að mega segja svoleiðis fullorðnir vanda orðfæri sitt betur. 
Svo getur líka verið að hér sé bara tómur misskilningur á ferðinni eins og sumir halda fram þegar sumir gera sumt, eða er bara sumt misskilningur en annað ógeðslegt og hvað er þá ógeðslegt og hvað misskilningur kannski er sumt líka ógeðslegur misskilningur og hver er dómbær um hvað er hvað. ( Mig sundlar af þessu)

En.
Skrifaði þessi þingmaður ekki bréf fullt af kærleika til samflokksmans síns á síðasta ári eða svo sagði hún. Gæti ekki verið að skoðun forsætisráðherra byggði á sama mannnkærleika og hún bar í brjósti þegar hún ritaðu umræddan póst. ?? Mig minnir að umræddur maður hafi miskilið kærleikan og jafnvel talið hann allt að því ógeðslegan.

Ég mæli með því að forsætisráðherra slíti þessu haustþingi og sendi þingmenn heim til að klæða sig það verður hálf þreytandi að horfa á þá langtímum saman í ekki neinu eins og barnið sagði í Nýju fötum keisarans.

Síðan þarf að rjúfa þing og stjórn fólksins að taka við þangað til menn hafa klætt sig aftur.

„Ógeðsleg“ framganga Jóhönnu

Hvað um réttlæti

Ég er svo einfaldur að ég hélt að hér væri verið að fjalla um réttlæti en ekki einhverja stragetiu er þetta þá bara allsherjar skrípó alt saman ég fæ ekki skilið annað ef ég rýni í orð hvers fræðingsins á fætur öðrum

"Hér hugsa ég dæmið út frá strategískri hugsun ef ég væri Jóhanna Sigurðardóttir og Steingrímur J. Sigfússon og ætlaði að halda ríkisstjórninni saman. Það er greinilega algert jarðsprengjusvæði að draga Ingibjörgu Sólrúnu þarna inn. Það er greinilegt að Björgvin á sterka talsmenn í þingflokknum.“

Líkur á að stjórnin springi

Samtrygging eða samviska.

Ef andstæðingur þinn greiðir ekki atkvæði eins og þú vilt og er sammála þér þá er það samtrygging en þegar hann er sammála þér þá er það að greiða atkvæði samkvæmt bestu samvisku.

Það að þingmenn eiði öllu þessi púðri í að tala um hvað skoðanir annarra á þessu máli séu samtryggðar og vitlausar í stað þess að einbeina sér að því að gera grein fyrir sínum eigin skoðunum og fara síðan að vinna vinnuna sem þeir voru ráðnir í fyrir fólkið í landinu. Ef að þeir halda að það sé mest áríðandi í dag að vera í skítkasti við hvorn annan hafa þeir misskilið eitthvað.

En mikið er nú gaman samt að sjá barnslega gleði Framsóknarmanna en sú einlæga gleði sakleysingjans minnir helst á gleði englana sem gæta Gullnahliðsins fyrir okkur sem að munum aðeins inn á síðustu öld er þó sviðsmyndin eyðilögð því okkur finnst að það sé einhver falskur tónn í englasöngnum úr þessari átt. Reyndar úr þeim öllum

 

Lifi samtrygging stjórnmálamanna

Rétt niðurstaða eða röng?

Ég leyfi mér að telja að hér sé komist að réttri niðurstöðu en á röngum forsendum

Í fyrsta legi segir að skatturinn hafi verið lagður á 1994 það er ekki rétt ef ég man rétt heldur var hann lagður á í Desember 1992 en þá segir
"Ákveðið var að leggja á sérstakan hátekjuskatt 5% af tekjustofn einstaklings umfram 2,4 m.kr. og hjóna yfir 4,8 m.kr."

Síðan segir í fréttinni. 
"Stefán segir, að eftir að hátekjuskattur var lagður á 1994 hafi vinnutími lítið breyst í fyrstu en síðan lengst örlítið. Síðan þegar hátekjuskattur var lækkaður og endanlega afnuminn hafi vinnutími alls ekki aukist eins og frjálshyggjumennirnir fullyrði að gerist, heldur þvert á móti styttist vinnutíminn með lægri skattheimtu."

Það að vinnutíminn lengist er einfaldlega vegna þess að fólk verður að bæta við sig vinnu til að bæta upp tekjutapið sem verður við aukna skattheimtu það er sé vinnu að fá. Neikvæð áhrif aukinnar skattheimtu eru því meiri vinna og minni tími með fjölskyldunni Það hefur ekkert með vinnuvilja að gera heldur nauðvörn a sjá sér og sínum fyrir nauðþurftum. Þeir sem síðan geta draga úr vinnunni. Þetta sá ég sjálfur á þessum árum þeir sem neyddust til þess vegna íbúðakaupa eða framfærslu unnu meira og slitu sér út fyrir aldur fram. Þeir sem komnir voru fyrir vind unnu minna og sluppu við að borga skattinn. Kunnuglegt ekki satt.

Jákvætt við minni skattheimtu er síðan meiri tími með fjölskyldu fólk ekki útslitið minna um veikindi og jafnvel þegar allt kemur til alls sparnaður í heilbrigðiskerfinu og minna um félagsleg vandamál.

Niðurstaða Stefáns er því að mínu mati rétt en ég tel að forsendurnar séu ekki þær að skattheimta skipti ekki máli heldur það að fólk telur það skildu sína að færa björg í bú fyrir sig og sína og fórnar til þess heimilislífi og heilsu um leið og það getur dregur það síðan úr vinnu til að eiga meiri tíma fyrir sig og sína.

Hækkun jaðarskatta dregur ekki úr vinnu