Vel að verki staðið.

Þetta er Ísland eins og ég kannast við það það kemur upp vandamál og það er leyst farið í verkið og það klárað án þess að sé verið að berja sér á brjóst.

Mér er til efs að einhverjir verktakar hafi getað klárað verkið á skemmri tíma þó að ferðaþjónustan hafi talið vertöku lausn á málinu.

Það hefur farið í taugarnar á mér að heyra í ymsum fjölmiðlum fjallað um málið af mismikilli þekkingu núna síðast í morgun. Það er þægilegt að sitja í einangruðum klefa laus frá því að þurfa að taka á málunum og gagnryna þaðan það sem er gert og telja sig hafa lausnir á öllu.

Næst tel ég að það eigi að bjóða þessum einstaklingum sem flest vita betur að taka þátt í verkinu næst segi ég því að það er ljóst að við munum fá annað hlaup vegur mun rofna aftur og erfiðleikar myndast sem þarf að taka á og þá eigum við að standa saman og leysa málin en ekki að gagnrýna og heimta.

Auðvitað má gagnrýna það sem miður fer en það á líka að þakka fyrir það sem vel er gert og tel ég að þessi flokkur brúarsmiða eigi Fálkaorðuna skilið fyrir framkvæmdar hraðan rétt eins og landslið okkar í handbolta því gæti ekki verið að hér væri um að ræða heimsmet í stysta tíma sem fer í brúun jökulsár. Síðan spöruðu þesir menn okkur gífurleg fjárútlát til hjálpar ferðaþjónustunni.

Verði ykkur að góðu og njótið veislunnar.

Svona í framhjáhlaupi þá eru nokkur atriði sem vert er að íhuga.

Fréttir segja að gistirymi hafi verið orðið fullt á landsvæðum þar sem að þessi atburður átti að valda stórtjóni þannig að ef farið verður að fjalla um tap þá vil ég fá það skilgreint í hverju það er fólgið.

Ferðaþjónustan selur ferðir til Íslands lands sem þekt er fyrir óbliða náttúru og ófyrirséða hluti þegar síðan náttúran talar sú hin sama náttúra og er grunnurinn að tilveru þeirra þá verður allt vitlaust get ekki að því gert að mér finnst það skondið.

Síðan má minnast þess að þessi brú var byggð af mönnum sem að hentu öllu frá sér yfirgáfu fölskyldur í sumarfríinu sínu og héldu til vinnu þetta hefur fréttamönnum ekki þótt neitt til að fjalla um. Ég veit um annan hóp sem að er í sumafríi en gleymdi að klára fullt af málum sem að skipta þjóðfélagið miklu áður en hann hélt í frí. Þessi hópur hefur ekki synt þá hollustu við íbúa þessa lands að koma aftur til vinnu og klára sín verk þó að umræddur hópur sé með lengri sumarfrí en tíðkast í skólum að viðbættum aukafráverum yfir starfstíman til að vinna vinnuna sína.

En um þennan hóp er lítið fjallað hversvegna ætli það sé gæti verið að það megi ekki bíta höndina sem fæðir?

Grillað við Múlakvísl

Minn er smá hlessa núna.

Það er gott að Sjóvá passar bótasjóðina og gott er ef þeir hafa alltaf verið passaðir svona vel. En eitt finnst mér svólítið skrytið það er þessi setning.

"Sagði nefndin að meiðsl mannsins yrðu ekki rakin til skyndilegs utanaðkomandi atburðar og skyldi líkamstjón því ekki bætast úr slysatryggingunni"
Mér er spurn ef að það að fá skautklemmu á lappirnar er ekki skyndilegur atburður er það á eitthvað sem alltaf er að ske og verða þá skautklemmur að detta að utan til að það teljist skyndilegur utanaðkomandi atburður og er mikið um utanaðkomandi hluti í fyrirtækjum yfirleitt.

"Héraðsdómur segir í niðurstöðu sinni að ekki verði fallist á, að það hafi verið í eðlilegum tengslum við starf mannsins hjá Norðuráli að aðstoða konuna. Ósannað sé að maðurinn hafi brugðist við samkvæmt fyrirmælum verkstjóra eða hópstjóra og því liggi því ekki annað fyrir en að hann hafi sjálfur tekið þá ákvörðun að bregðast við og hjálpa samstarfskonu sinni."

Sé hann maður að meiru að hafa gert og það að hjálpa náunganum hefur mér alltaf fundist vera eðlilegut hlutur af starfslysingu hvers mans.
Samkvæmt þessu dómsorði ættu menn að hika við áður en þeir rétta náunganum hjálparhönd nema það sé gert að skipun verkstjóra og láta því starfsfélaga sína liggja þangað til að þar til bær skipun berst. 

 "Hafi maðurinn ekki sýnt fram á að Norðurál sem vinnuveitandi beri ábyrgð á tjóni hans og ekki heldur sýnt fram á að hann hafi þurft að bregðast við vegna þess að hagsmunir Norðuráls voru í húfi. Var Norðurál því sýknað af bótakröfunni."

Hélt einmitt að tryggingar væru fyrir hlutum sem að erfitt væri að bera ábyrgð á svona hlutum sem að við köllum slys.
Í setningunni að ofan finnst mér hluti hennar um hagsmuni vinnuveitandans mjög athyglisverð það er sem sagt ekki hagsmunir vinnuveitanda að koma starfsfélaga í nauð til bjargar. Hvers vegna er það vegna þess að verkafólk er farið að skipta svo litlu máli eða vegna þess að það má fá nytt fyrirhafnalítið vegna atvinnuleysis. Ég skil þessi orð þannig að líf limir og líðan verkafólks skipti ekki máli nema að fari saman við hagsmuni fyrirtækisins.
Það hélt ég tregur maðurinn að væri ein af gullnu reglunum í rekstri einhvers að hagsmunir allra fara saman.

En gott þykir mér að vita að bótasjóðirnir eru passaðir og fé úr þeim ekki notað nema í ítrustu nauðsyn.

Ég set síðan spurningamerki við launþegatryggingu sem einungis tekur til utanaðkomandi atburða ? Mín reynsla er að sjaldnast verði vinnuslys í fyrirtækjum vegna einhvers sem kemur að utan yfirleitt er um innri atburði að ræða.

En aðalatriðið er að samkvæmt þessum dómi ætti hvern einasti maður að hugsa sig um áður en hann réttir öðrum hjálpar hönd og athuga tryggingarstöðu sína vel og vandlega. Kannski er hér komin skyring á því að æ ofter gerist það að fólk hunsar annað fólk sem að á í neyð. 

Þetta þjóðfélag verður skrítnara með hverjum deginum finnst mér og ég verð að viðurkenna að tröllatrú mín á dómskerfinu fer heldur dvínandi þegar litið er yfir dóma undanfarinna daga.

Fær ekki bætur fyrir að hjálpa vinnufélaga

Það er gott a eiga Össur.

Íslendingar geta verið stoltir af Össur hann hvikar hvergi í stefnu sinni fullur bjartsyni og trúar sannfærður um sjáfan sig og stefnu sína alveg sama hvað á bjátar hann hvikar hvergi og stendur hnarreistur í stefni þó pusi á hann og allir sjái að hann er orðin hundblautur er hann sjálfur sannfærður um að það ríki sól og sjórinn sé spegilsléttur.

Það er því ekki annað en hægt að bera virðingu fyrir honum Össur og sannfæringu hans sem er auðvitað sannfæring um að þetta sé best þjóðinni varla liggur nokkuð annað hér að baki?

Eins og við vitum hafa Össur og samstarfmenn hans á hinu háa Alþingi lagt nótt við dag til að vernda þjóðina hlúð að þeim sem að þurfa hlutaatvinnuleysisbætur eða taka út séreignasparnað og eru að fara að bjóða út olíleit á Drekasvæðinu. Úbs æ fyrirgefið mér aumum þeir gleymdu þessu víst, í þeim óroleika sem heltók þingheim á síðustu vinnustundum fyrir langþráð sumarfrí. Sumarfrí eftir sleitulausa vinnu mánuðum saman svona rétt eins og kyrnar í gamla daga urðu vitlausar þegar þær heyrðu fyrstu hálskeðjurnar skella á básnum þegar verið var að hleypa þeim út eftir langan vetur frelsinu fegnar.

Eins virðist með þingheim og ég fyrirgef honum í hjarta mínu vegna þeirrar alúðar sem hann hefur lagt í að gera börnum mínum lífið óbærilegt hér þannig að það er orðin góð von um að þau flytji til heitari landa og taki karlskarfin með sér þannig að hann geti eitt lífinu á sólarströnd og horft a léttklæddar meyjar spóka sig á ströndinni svona meðan sjónin leyfir. Hef þó beðið börnin um að það verði ekki í landi sósialdemokrata því að svoleiðis munaður verði annað hvort bannaður eða skattlagður þar.

Nei eins og ég sagði það er gott að eiga Össur staðfastann jafnaðarmann sem leggur dag við nótt til að stuðla að jöfnuði og betra lífi þjóðarinnar. Ég hef ekki séð aðra eins staðfestu í máli sem að ég tel borðleggjandi að er rangt síðan að ég horfði á mann í stjórnunarstöðu lysa sigrum hersveita þjóðar sinnar meðan að skriðdrekar andstæðingana sáust baksviðs  brölta yfir brú eina ekki fjarri honum með gjörsigraðan her hans á undan sér.

Fyrir þessa staðfestu verður Össurs lengi minnst, hvernig sú minning verður er síðan undir sögunni komið en mínu áliti á því held ég fyrir sjálfan mig.

Þurfum ekki sérstaka undanþágu

Vantar viðmiðun

Þegar verið er að bera kostnað á eldsneyti saman við önnur lönd þarf að gera það í fjölda mínútna sem þarf til að vinna fyrir hverjum lítra hjá samsvarandi hópi einstaklinga í þessum löndum. Annar samanburður er út í hött en einhvern vegin er talsmönnum félagslegs jafnréttis og velferðar ekki tamt til að grípa til þess samanburðar enda þeim arfaóhagstæður. Hvað er það sem síðan veldur hækkun húsnæðisverðs eru það húsakaup yfir 20000 Íslendinga á vanskilaskrá nei ætli það séu ekki eignaskipti banka og lífeyrissjóða alla vega grunar mig það eða þá fjáfestingar 6 % þjóðarinnar sem fékk yfir 90% af öllum innistæðutryggingum. Það er alla vega ekki alþyðan sem veldur þessari hækkun. En með henni lagast eignastaða banka og lífeyrissjóða. Sér engin neina samlíkingu með þessu og Ponsi skemanu sem viðgengst hér fyrir 2008 Mér finnst ég finna ólykt svona svipaða og ég fann þá.

Álögur á eldsneyti lækka ekki

Var þjóðin úti.

Ég sá á bloggi að almenning hafi verið meinuð innganga í messu piskups ég man ekki eftir að hafa séð það í fréttum og vildi gjarnan fá staðfest að svo væri.
Því sé í alvöru vilji til sátta og samkendar meðal þjóðarinnar hjá yfirvöldum sem ég reyndar stórlega efast um þá er það ekki rétta leiðin til þess.

Í gegnum tíðina hafa mikilmennin alltaf stigið niður til fólksins og öðlast sína virðingu þannig og vilji menn endurreisa virðingu sína þá þurfa þeir að gera slíkt. Það að loka sig af í ótta og einangrum verður aldrei líklegt til árangur og því fylgir engine trúverðugleiki.

Hafi því kirkjan verið lokuð almenning þá er það forkastanlegt og algjört brot á þeirri hefð sem ég hef talið að fylgdi kristni að guðshús skuli vera öllum opin ávalt.

Haldi yfirvöld að við almúginn búum ekki yfir nægri sjálfstjórn til að virða helgi kirkjunnar þá vil ég benda þeim sömu stjórnvöldum á að þau sitja enn sem að sýnir hvílíka sjálfstjórn við höfum.

En kannski halda þau mig sig og vita innst inni hvernig þau komust til valda og halda í fávísi sinni að við sem mótlæg þeim eru beiti sömu meðulum en svo hefur ekki verið hingað til og verður vonandi ekki.

Vilji biskup síðan vera hinn sanni forustumaður hinnar Íslensku þjóðkirkju þá er það hans skylda að halda henni opinni fyrir hinni Íslensku þjóð en ekki bara útvöldum og að tala um sömu framtíðarsín ef svo er er bara hjóm.

Eða hvað sagði yfirboðari hans hann sagði að hún ætti að vera opin öllum líka þeim sem væru syndum og kaunum hlaðnir. En það fer sennilega að teljast til synda í þessu þjóðfélagi að drjúpa ekki höfði í lotningu fyrir aðgerðum þeirra skötuhjúa sem hér ráða.

Þessi pistill minn byggist þo á því að rétt sé eftir haft að kirkjan hafi ekki verið opin öllum sé það ekki rétt biðst ég velvirðingar á þessu tuði.

Biður þjóðina að horfa fram

Fyrirhyggjuleysi

Í fréttinni kemur fram að ríkið þarf að taka á sig kostnað vegna kjarasamninga hvers konar fyrirhyggjuleysi er það að gera ekki ráð fyrir kjarasamningum. Þetta hendir stjórn sem kallar sig stjórn  hinna vinnandi stétta maður myndi skilja það ef aðrir ríktu en að stjórn hinna vinnandi stétta gerir ekki ráð fyrir þeim í vinnu sinna þá er ástandið aumt að mínu mati.

En við hverju er svo sem hægt að búast við úr þessum ranni. Ömmuhagfræðin myndi segja manni að taka pening úr minna áríðandi málum og setja í þennan málaflokk málum eins og það að tryggja uppgjafa pólitíkusum framtíðarvinnu í Brussel, veisluhaldi og verktakasamningum sem að sumir bera keim af vinavæðingu.

En að gera ekki ráð fyrir kjarasamningum er alvveg dæmigert fyrir hi vonlausa verklag sem hér ríkir en þó skiljanlegt þegar það er að opinberast að stjórnvöld ætla ekki fyrr en fyrri daginn að standa við sitt.

 

Milljarða framúrkeyrsla

Gleðilega Þjóðhátið (mig dreymir líka)

Margir mér meiri menn eins og Martin Luter og nafni minn Jón forseti áttu sér draum, ég á mér líka draum þó smærri sé í sniðum og ég langtum ómerkilegri  maður en þeir samt á ég mér draum sem eins og þeim var farið langar til að rætist.

Ég á mér þann draum að hér á landi rísi upp nýtt afl. Afl sem er ekki hokið vegna fyrri tíma, afl sem að er reiðubúið að láta til sín taka við endurreisn landsins á forsendum lands og þjóðar en ekki  á þvinguðum forsendum annarra ríkja,fjármagns,vinahópa eða vogunarsjóða.
Ég á mér draum um að hér ríki réttlæti fyrir jafnt stóra sem smáa, þá sem minna eiga og þá sem betur standa að þeir sem rikja láti ekki undan þeirri freistingu að skara eld að sinni köku og þeirra sem þeim eru nánir heldur deili byrðunum og gjöfunum á réttlátan hátt meðal fólksins í landinu.

Ég á mér draum um að hér ríki virðing meðal stétta að menntamaðurinn geri sér ljóst að það eru hendur verkamannsins og iðnaðarmannsins sem að skapa verðmætin sem gera honum kleyft að stunda nám sitt og að verkamaðurinn og iðnaðarmaðurinn geri sér grein fyrir því að það er vinna og hugmyndir menntamannsins sem að oft á tíðum skapa ný tækifæri og sóknafæri fyrir þá og að þessir aðilar geri sér grein fyrir því þegar þeir mæta á vinnustaði sína ný þrifna og skínandi er það fyrir atbeina fólksins sem að við lágan kost tók til og þreif undan þeim skítin eftir að þeir voru farnir heim til fjölskyldna sinna kvöldið áður.

Ég á mér draum um að hér ríki stjórnvöld sem að láta ekki undan þrýstingi og kúgun erlendra ríkja sem ásælast auðlyndir okkar og land ekki okkur til hagsbóta heldur til að geta aukið hagnað sinn og flutt verðmætin út þeim og sínum til hagsbóta. Að hér ríki stjórnvöld sem að virða Íslenska menningarhefð og sögu án þess að gera lítið úr sögu og menningu annarra stjórnvöld sem eru fær um að leiða þjóðina  áfram í ölduróti þvi sem að nú ríkir í heiminum.

Mig dreymir um að þau hin sömu stjórnvöld séu reiðubúin til að finna og refsa þeim sem að keyrðu landið í þrot og gera allt sem þau geta til að endurheimta þau verðmæti sem að tekin voru ófrjálsri hendi í staðin fyrir að eiða tímanum í nefndir og undirnefndir þar sem að þeim sem þeim eru þóknanlegir er plantað á dágóðu kaupi þó að þeir séu á launaskrá annarstaðar. Að hér ríki stjórnvöld sem gera sér grein fyrir því að nú er tímin til að vera heima og slökkva þá elda sem að hér brenna og hefja endurreisnina en ekki tímin sem hægt er að eiða í veislusölum erlendis.

 Ég á mér draum um að hér rísi á ný þjóðfélag þar sem að við getum stolt bent á að gott sé að ala upp nýjar kynslóðir sem að geti leikið sér á túnum óg i görðum án hættu á að verða fyrir ofbeldi og geti notið þess frelsis sem að fylgir því að vera ungur því eitt er vist að árin færast nógu hratt yfir og gleði og frelsi æskunar er liðin tíð fyrr en nokkurn varir.

Mig dreymir um að hér ríki afl sem að virðir einstaklinginn og framtak hans en hefur um leið bein í nefinu til að setja þær leikreglur sem þarf í lífinu svo að frelsi eins verði ekki helsi annarra. Afl sem styður og eflir einstaklingsframtakið en eiðir ekki öllum sínum tíma í eftirlit með þegnum sínum . Afl sem að treystir þegnum sínum fyrir hinu daglega amstri en telur ekki sjálft sig best til þess fallið að deila og drottna og að öllum hlutum hins daglega lífs sé best komið undir vökulum augum yfirvaldsins.

Ég á mér draum sem að ég er viss um að margir landar mínir deila með mér en ég er orðin svartsýnn á að hann rætist við núverandi ástand. Þetta er einfaldur draumur um einfalt og sanngjarnt  þjóðfélag en sennilega frekar barnalegur draumur í þessum heimi þar sem að hið góða í okkur mannfólkinu virðist vera á hröðu undanhaldi fyrir því sem miður er í fari okkar. En eitt er ég þó að gera mér ljóst það er að þangað til að fólk sem deilir sama draumi gerir ekkert í því að láta drauminn rætast er ljóst að þetta verður aðeins draumur um nýtt afl í Íslensku þjóðlífi.

Ég geri mér líka grein fyrir því að að undir því stjórnarfari sem að nú ríkir verður þetta aldrei annað en draumur. Nafni minn hefur verið kallaður sómi Íslands sverð og skjöldur hvða margir sem að sátu á Austurvelli áðan geta með sjálfum sér sagt að þeir eigi hluta eða alla slíka nafnbót verðskuldaða. Svari hver fyrir sig

 En er ekki dagurinn í dag einmitt dagur til að láta sig dreyma á þennan hátt sjálfur afmælisdagur lyðveldisins.

Gleðilega hátíð landar mínir. 

Draumur Jóns um stjórnarskrá

Samstaða.

Það er athyglisvert að bera saman verð hjá olíufélögunum við heimsmarkaðsverð slá inn oil prises á goggle og skoða verðþróun undanfarið það er ekki að sjá að lækkun undanfarið hafi komið fram en smá hækkun varð í dag og ekki að spyrja oliuverð hér hækkar. Það er þó eitt sem að ég skil ekki og skil kannski þó en það er auglýsinginn við seljum ekki hitt og þetta. Það sem að ég skil ekki er að ef við seljum ekki hitt og þetta hvers vegna erum við þá ekki langósýrastir ekki er yfirbyggingunni fyrir að fara.

Skrítið

Eitt hafa þó olíufélögin að mínu mati sem okkur almenning skortir en það er samstaða.

Öll olíufélög hafa hækkað

Allur þjófnaður kærður.

Mér datt í hug neytendavernd áðan. Ég þurfti að kaupa mér skó sem er eitt af þvi leiðinlegasta sem að ég geri eins og búðarráp almennt það er einna helst að ég finni hugarró í leikfangaverslunum og þá leikfangaverslunum sem selja kubba playmo og annað smálegt fyrir yngstu borgaranna því að þær vörur sem keyptar eru þar gleðja alltaf þá sem þær eru ætlaðar.

En það var neytendavernd sem hér um ræðir

Hafandi fundið mér ásættanlegt par af skóm á ásættanlegu verði rölti ég á kassann og greiddi vöruna milli kassa og hillu er ca mínútu gangur þegar kom að mér renndi afgreiðslustúlkan vörunni í gegn og upp kom talan og viti menn á þessari stuttu leið hafði parið hækkað um 1500 kall. Fyrr má nú vera verðbólga.
Það versta er að ég þagði ég horfði á fulltrúa verslunarinnar önnum kafna við að sjúga út úr tyggjóinu síðasta bragðið ,á þá sem voru á eftir mér í röðinni þegar farnir að hugsa getur helv gamalmennið ekki farið að draga upp veskið. Á þessum sekúndum sem liðu meðan að orðin voru á leið til varanna til að benda á þetta misræmi snérist mér hugur og ég tók upp veskið og borgaði þegjandi og hélt út á leiðinni labbaði ég framhjá skilti þar sem stendur á fleiri tungumálum en ég kann. "Allur þjófnaður í versluninni er kærður".

Hafandi sleppt því að vera gamall nöldrari rölti ég í matvörubúð í sama húsi því ískápurinn var orðin eitthvað tómlegur. Á rölti mínu gegnum þá verslun tók ég eftir breytingu sem er að verða í öllum verslunum og á að vera okkur neytendum til hagsbóta knúð í gegn af þar til bærum yfirvöldum. breytingu sem að ég tel að hafi þegar valdið hærra vöruverði og ég sé ekki að sé neytendum til hagsbóta á nokkurn hátt.  Það er að nú er bannað að forverðmerkja vöru.

Þetta hefur leitt til hækkunar á öllum þeim vörum sem að svo er um að mínu mati ég hef engar vísindalegar sannanir fyrir því aðrar en að uphæðin sem ég nota til að kaupa sömu vörur aftur og aftur hækkar sífelt. Það er siðan skipulega unnið að því að rugla neytandann í ríminu eða hver getur fundið verð á viðkomandi hlut í nánd við hlutinn. Hann er yfirleitt í þar næstu hillu.

Dæmi úr þessari ferð.
Auglysing um pulsur á fínu verði beint fyrir ofan stafla af gómsætum pylsum. Grillanganin kom í nasirnar og keyptar skildu pylsur enda verðið gott en það var bara ekki á þessum pylsum heldur öðrum sem voru aðeins lengra í burtu mun færri í pakka og pylsur allt annarrar gerðar. Hver hefur líka ekki séð verð á banönum í mörgum verslunum gerð a kostar X gerð b kostar 1,5X  miðarnir hlið við hlið og með smáu letri sést að ódýrari gerðin sé merkt með magabelti eða einhverju. Ég hef aldrei orðið var við ódyrari gerðinna í þeim verslunum sem að ég sé þetta.

En málið er að ég tel bann við forverðmerkingu vara hafa leitt til þess að þær hafi hækkað það gerir síðan neytandanum erfitt fyrir að sjá hvað skinku pakkinn kostar ef menn eiga bara 200 kall vilja þeir vita að pakkinn sem þeir halda á kostar ekki nema 200.  Það á að vera einhver búnaður til til að hægt sé a skanna þessar vörur en  hann hef ég séð í verslunum sem telja má á fingrum annarrar handar.

Ég tel líka ámælisvert að ekki hafi verið gripið til harðra aðgerða gegn verslunum sem að ekki hafa sama hilluverð og kassaverð því meðan svo er þá er ekki allur þjófnaðður kærður heldur bara valinn þjófnaður. Ef ég hefði labbað út með trefilstusku sem kostaði svipað og hækuninn á skonum var, væri ég nú komin á sakaskrá fyrir þjófnað.
En að taka sömu verðmæti af mér með mismun á hilluverði og kassaverði telst aldrei þjófnaður mesta lagi mistök ef það er á annað borð leiðrétt.

Mín skoðun er sú að þetta sé alltof algeng til að geta verið mistök þetta er ósiður sem stundaður er grímulaust í þeirri von að menn láti kjurt liggja eins og ég gerði í  dag.t

Að saga undan sér spýtuna.

Á unglingsárum var mér sögð saga af manni sem hamhleypa var til verka og var að smíða bryggju og gekk vel undan honum. Verkinu var lokið á undra skjótum tíma og einungis smá snikkeringar eftir sögun á endum og öðru sem lagfæra þurfti. Minn maður greip sögina og sagaði endana sem stóðu út af kantinum í burtu með einu handbragði en gerði sér of seint grein fyrir því að hann stóð sjómeginn á þeim spytum sem hann hafði sagað og þar sem hann féll til sjávar blasti handverk hans slétt sagað við honum þegar hann féll framhjá  því í sjóinn þar sem hann fékk kalt bað.

Hvers vegna dettur mér þetta í hug jú það er margt líkt með þessum aðferðum og aðferðum þeirra stjórnvalda sem hér ríkja þau saga undan sér spytunaþau drepa allan nýgræðing og banna nysáningu tækifæra setja lög um allan andskotann en gleyma því algjörlega að menn uppskera eins og þeir sá en hin sorglega staðreynd er sú að það er enginn sáning í gangi. Stjórnvöld eru að saga undan sér spýtuna og munu að lokum falla á eigin aðgerðum að ógleymdum hroka.

Þessari stjórn mun því fara eins og trésmiðnum til forna hún mun sjá handverk sitt þegar hún fellur í djúpið ekki saknað af neinum nema kannski einhverjum búrokrötum en fyrirlitin af fleirum. Handverkið verður heldur ekki fallegt brunnir akrar mannlegrar reisnar þar sem þeir sem eftir eru draga níðþunga skuldavagna vogunarsjóða, fjármagnseiganda og síðan en ekki síst hinar einstöku vítisvélar sinna eigin lífeyrissjóða sem ef rétt er hjá Árna Páli standa í vegi fyrir leiðréttingu á lánum og sjá að  mínu mati helstu vaxtabrotana í því að kaupa fyrirtæki í samkeppni við eigin félagsmenn og leggja veggjöld á nú þegar ofskattpínda alþýuðu landsins.

Neðangreint kemur fram í fréttinni og er athyglisvert útgjöld til þess sem snýr að almenningi eru skorin niður við trog önnur útgjöld standa í stað. Hvaða útgjöld eru það eru það ferðir til Brussel verktaka vinna þóknanlegra mér er spurn.

Í fréttinini segir.

"almenn opinber þjónusta“ lækkar um hálfan milljarð, löggæsla, réttargæsla og öryggismál lækka um tæpar 400 milljónir, heilbrigðismál lækka um 700 milljónir, menningar-, íþrótta- og trúmál um 300 milljónir, almannatryggingar um milljarð og óregluleg útgjöld um 1,4 milljarða. Aðrir útgjaldaliðir standa svo að segja í stað."

Að mínu mati kemst þessi frétt til skila í eftirfarandi setningu. Íslenska þjóði er nú föst í spíral niðurskurðar neikvæðar verðmætasköpunar og annarra atriða sem leiða til víxlverkunar minni verðmætasköpunar og aukins niðurskurðar útgjalda til nauðsynlegra mála þangað til að flestir eru farnir af landi og hinir fara á hausinn.

En þetta er nú bara mín skoðun.

Tekjur ríkisins lækka en gjöld lækka meira