Næst öflugasti iðnaður þjóðarinnar.

Ég sé enga ástæðu til að almúgi þessa lands borgi krónu í húsið. Hús sem að verður peninga hít næstu áratuga.
Það hefur verði vinsælt kjörorð að sá greiði sem nýti og einnig að þeir sem noti auðlyndir eða mengi greiði fyrir það eins er um annað og því finnst mér eðlilegt þar sem að Harpa fellur undir skapandi greinar að þær greinar sjái um að greiða af húsinu.

Ég vorkenni ekki iðnaði sem skilar meiri hagnaði í þjóðarbúið en allur annar iðnaður á landinu að sjávarútvegi undanskildum. Eða svo segja fréttir sagðar af iðnaðinum sjálfum,.

 Ég vorkenni ekki grein í þvílíkum vexti og með þann hagnað að reka húsið sem byggt var fyrir hinar skapandi listir að vísu hefur komið fram að abba er ekki list eða hvort það er að fólk sem hlustar á Abba má ekki trufla fólk sem hlustar á Björk en fólk sem hlustar á Björk má trufla fólk sem hlustar á Abba. Þannig að nú þegar er búið að skipta niður hvaða dýr í skóginum eru velkomin í húsið eins og gert var fljótlega á ´Dýrabæ.
Öll dýrin jöfn hvað lol

Enn eins og fyrri daginn þá er þetta nú bara skoðun gamals sveitavargs sem eitt hefur starfsævinni við áþreifanlega verðmætasköpun og hefur varla vit á svona hámenningarlegum hlutum eins og eiga sér stað í ljóta húsinu við höfnina.

Harpa vill 730 milljóna lán

Sjálfstæðismenn og Samfylking sameinast.

Það er svolítið gaman að hlusta á fréttir og lesa blöð þessa dagana. Það má orðið greina samhljóm milli ólíkra afla sem eru kannski ekki svo ólík þegar á allt er litið. Hvað veldur því að þessi öfl hafa nú farið að syngja í sömu tóntegund jú þeim stafar ógn af utanaðkomandi hættu og hver er hættan hættan sem steðjar að þessum öflum er í formi kvenskörungs að nafni Hanna Birna sem að ógnar valdakerfinu. 

Af henni hlýtur að stafa all nokkur ógn því að þegar maður heyrir ýmsa sjálfstæðimenn og samfylkingar menn sameinast um að hnýta í hana þá getur maður ekki annað en brosað yfir því hvað í raun er stutt á milli þessara flokka og hvað það er mikilvægt að halda í völdin. Alla vega finnst mér vera mikill samhljómur í því sem að Tryggvi H sagði á Sprengisandi, því sem að Þorvaldur G skrifar um aðstoðar menn Hönnu B og öðru sem nú er týnt til til að vinna gegn framboði hennar.

Það getur vel verið að Sjálfstæðismenn og Samfylking geti ekki verið saman i stjórn en mer virðist sem að einhverjir þeirra geti alla vega unnið að sameiginlegum markmiðum þessa dagana það er alla vega það sem að ég les út úr fréttum

Er þetta í lagi?

Gott væri ef að það fylgdi fréttinni hvort að þetta er vegna niðurskurðar svo að maður vissi hvers vegna bílum var fækkað. Þetta leiðir þó huga að niðurstöðu sérfræðngateymis frá Boston um óþarfa sjúkrabíla hér á landi. En gott er að í þessi tvö skipti sem að vitnað er til hefir ekkert komið fyrir. Þó er ein spurning sem að ég spyr sjálfan mig það var kallaður til sjúkrabíll frá Grindavík og komið fyrir miðsvæðis. Er ekki millilandaflugvöllur Íslendinga við bæjardyr Reykjanes bæjar og eru ekki sjúkrabifreiðar þar? Eða er hann þjónustaður frá Reykjanesbæ og var það þá þannig að í einhvern tíma var enginn sjúkrabill tiltækur við þann flugvöll sem allt millilandaflug okkar fer um. Skiptir kannski ekki neinu máli væri bara gaman að vita hvernig þessi mál eru og ef svo væri að ekki séu til taks einhver lágmarksfjöldi bíla í nágrenni vallarins hvort að það sé í lagi. Það hlytur að vera til eitthvert gæða ferli um hvernig svona á að vera við millilandaflugvelli. ESB hefur sett reglur um heimabakstur svo að það hljóta að vera til reglur um þetta.

Enginn sjúkrabíll í Reykjanesbæ

Helvítis launafólkið enn og aftur

Allt er nú okkur launafólkinu að kenna og þeim stórkostlegu launahækkunum sem að samið var um og ná ekki að tryggja fólki lágmarksframfærslu á samningstímanum. Þetta er greining Seðlabankans á vandanum.

Mín greining á vandanum í ríkisfjármálum er að þar séu allt of margir starfsmenn og margir á alltof háum launum með alltof mikin lífieyrisrétt miðað við framlegð í þjóðarbúskapin. Lausn mín á þeim vanda er ekki að hækka vexti heldur að fara í raunverulega endurbót á kerfinu og skera það niður með uppsögnum og það ofanfrá en ekki að reka ræstitæknirinn og kalla það gott dagsverk.

Það mætti líka fara aðra leið að markinu og bjóða viðkomandi að starfa áfram á þeim launakjörum og eftirlaunum sem að landmönnum almennt er boðið og síðan mætti athuga eftir ca 10 ár hvort að viðkomandi væri enn þeirrar skoðunar að hér væri vandamálið of hðá laun almennings.

Jóhanna og Steingrímur vinna þó að lausn vandans frá því sjónarhorni séð því innan ekki langs tíma verður allt launafólk á Íslandi flutt úr landi

„Hvernig datt ykkur þetta í hug?“

Vita ekki hvað þeir fara á mis við

Það er hið besta mál að þetta hefi verið tekið úr sölu þá verður bara meira fyrir okkur landann til að borða þetta er bráðhollur herramansmatur eitthvað annað en stríðaldir skíthopparar eða rykbarin vegalömb. Undirritaður hefur komist upp á lag með að elda hrefnukjöt og hver veit nema að það verði bara í jólamatinn hér á bæ og skötunni skipt út fyrir súrsað rengi. Gerist ekki hollara Íslenskt já takk. Vorkenni þó Evrópubúum sem fara á mis við þetta hollustu fæði en kannski er ástæðan sú að það er ekki hægt að skattlegja það vegna óhollustu heldur er þetta frumfæða án tilbúinna aukaefna og stuðlar því að langlífi sem er jú varla þjóðhagslega hagkvæmt nú um stundir eða hvað .

Hætt að selja hvalkjöt

Lénsherra nútímans

Það er orðin mín bjargfasta skoðun að það eigi að þjóðnýta allt lífeyrissjóðakerfi landmanna og steypa því í einn sjóð svipaðan Norska olíusjóðnum. Sjóðurinn á að vera sjálfstæð eining bókhald opið fjárfestingastefna gegnsæ og þeir sem ráðnir eru til að stjórna verði ráðnir af óvilhöllum aðila i opnu ferli jafnvel einfaldlega með netkosningu. Það væri þá hægt að segja þeim upp á sama hátt.

Í sjóðin gangi þeir hinir sömu peningar og í dag það er prósentutala frá atvinnurekanda og launþega.  Síðan verði tekin upp einn rikislífeyrir fyrir hvern einasta mann sá lífeyrir verði miðaður við atvinnuleysisbætur þú ert jú hættur að vinna og ert því atvinnulaus og því er ekki nema sanngjarnt að þú fáir atvinnuleysisbætur. Þetta gildi um alla forseta sem skúringakonur vilji fólk meira leggur það fyrir í séreignasparnaði. Það getur varla verið að sum okkar telji sig merkilegri en aðra það merkilegri að viðkomandi verðskuldi hærri greiðslur úr sameiginlegum sjóðum landsmanna við borgum jú flest það sama við bogum prósentu þannig að hlutfallslega er þetta svipað.

Svona væri hægt að losa um áhrif verkalýðshreyfingar atvinnurekenda og pólitíkusa yfir sjóðunum hægt að losna við helling af stjórnendum og einstaklingum sem að lifa á yfirbyggingu sjóðanna og jöfnuði væri náð.

Mitt álit er að í dag séu Lífeyrissjóðir eitt af þeim öflum sem að liggur einna þyngst á almúganum með því að standa í vegi fyrir afnámi verðtryggingar eða frystingu vísitölu Siðan eru þeir að reka fyrirtæki á samkeppnismarkaði og fara ekki í framkvæmdir nema að hægt sé að ná pening í gjöldum eins og veggjöldum af hinum almenna borgara Hinum almenna borgara sem að er á sama tíma framtíðar lífeyrisþegi og greiðandi dagsins í dag.

Þetta er eins og á miðöldum þegar að fólki var lofað himnasælu eftir vítisvist á jörðu skapaða af ráðandi kirkjuyfirvöldum og lénsherrum þess tíma.
Þá átti allt að vera betra hinumegin við andlátið.
Í dag er vítið það sama en himnaríki hefur verið skipt út og í staðin komið loforð um glæsta elli í boði lífeyrissjóðanna.
Sjóðana sem sennilega biðja síðan til máttarvalda í hljóði að meðalaldur lífeyrisþega verði nú ekki of hár og þeir hverfi sem fyrst á fund feðra sinna og íþyngi sjóðunum ekki um of með langlífi.

Einn lífeyrissjóður fyrir alla landmenn.

Lífeyrissjóðurinn harðasti rukkarinn

En ekki hvað.

Það væri nú skrítið ef að Jóhanna væri ekki stolt af því að verða formaður áfram en er það ekki líka það eina sem hún getur verið stolt af sé litið yfir síðustu ár stjórnmálaferils hennar. Það er nú svo að mínu mati, varla er hún stolt af atvinnuuppbyggingunni ef hún er það mætti segja að "af litlu verður Vöggur feginn" varla er hún stolt af landflóttanum, biðröðunum hjá hjálparstofnunum, fólkinu sem er að missa ofan af sér. Nei mín skoðun er sú að það eins sem að hún getur verið stolt af á stjórnmálasviðinu sé það að fá vera formaður áfram. Síðan má auðvitað spyrja sig þeirrar spurningar hvort að formannstign í Samfylkingunni er eitthvað til að vera stoltur af en þeirri spurningu læt ég ósvarað hér

Stolt af því að vera formaður áfram

Brosmildir

Afhverju lækkaði ekki brosmilda olíufélagið fyrst ? og hafa þá viðskiptavinir þess sem brosa víst mest brosað minnst í dag ?

Lækkar bensín um 3,40 krónur

Hver sló þingmenn?

Sannleikurinn um skothylkja málið ógurlega er nú komin fram og svo sem við var að búast átti málið sér eðlilegar útskýringar. Það er sjálfsagt að skoða svona mál þó að mín skoðun sé að þeir sem að mótmæla núna séu ekki hættlulegri en svo það sé í raun hættulegra fyrir fólk að fara í miðbæinn um helgar en vera á Austurvelli eða við þingsetningu.

Eða hvað slösuðust margir um síðustu helgi í miðbænum. Það má þó ekki gleyma því að í mótmælum eins og um helgar er misjafn sauður í mörgu fé.

það er þó ekki það sem að vekur athygli mína heldur vekja viðbrögð forseta Alþingis athygli mína þau eru ólík viðbrögðum hennar og samþingmanna hennar við vanda heimilanna það eru ekki svona viðbrögð þegar fólk er borið út jafnvel á vafasömum pappírum það eru ekki svona viðbrögð við ólöglegum lánum eða öðru misrétti sem að þegnarnir verða fyrir nei fjarri því.  

En stafi ógn að eigin rassi þá er stokkið upp jafnvel þó um sé að ræða ímyndaða ógn. Það segir mér að samviskan sé vond og að í raun viti fólkið í steinkubbaldanum vel hvers vegna fólk er reitt og þessi viðbrögð sína mér að forseti Alþingis heldur í raun að fólk sé reiðara en það er en hún gleymir því að þetta er ekki sama fólkið og kom henni til valda ásamt VG.
Það fólk sem stendur á vellinum núna er þar ekki til að koma einum eða neinum til valda það er þarna til að knýja á um réttlæti og margt af því ekki einusinni réttlæti sér til handa heldur meðbræðra sinna. Það fólk sem mæotmælir núna krefst þess að þjóðkjörnir fulltrúar vinni vinnuna sína.

Mittálit er að viðbrögð þau sem við urðum vitni af vegna gats á vasa kanski gats sem varð vegna bágs fjárhags.
Að þetta gat sýni það að samviska fólksins við Austurvöll  er ekki goð og fólk veit allt um  gjörðir sínar og getuleysi til góðra verka.

 Ég persónulega hef meiri áhyggjur af sprautunálum sem liggja á víð og dreif um alla borg og eru hættulegar þeim sem erfa eiga landið en það veldur ekki fólkinu í húsinu við Austurvöll áhyggjum.

„Þingmenn slegnir“

Á Austurvelli í kvöld.

Ég mætti á Austurvöll í kvöld ásamt ca 1000 öðrum til að sina það í verki að ég er óánægður.
Ég var óánægður með mætinguna þúsundir manna mæta í gleðigöngur á kvennafrídag menningar nótt og fleiri viðburði sem í sjálfu sér eru góðra gjalda verðir en eru þeir merkari en framtíð barnanna okkar.
Hvar voru þau prósent landsmanna sem eru atvinnulausir hvar voru þeir 26000 sem eru komnir í alvarleg vanskil ég sá þá ekki. Ég leyfi mér að spyrja hvort að hluti atvinnulausra hafi verið í vinnunni sem sagt er að stunduð sé á bak við tjöldin og hvort að sumir skuldugir séu kannski ekki svo illa settir vegna þess að 110% leiðin hafi hugnast þeim ágætlega eftir að búið var að færa bílinn og sumarbústaðinn á börnin eða fyrirtækið.
En þetta er bara brot af þeim fjölda sem er í þessari stöðu og það er íhugunar efni að ekki fleiri láti sig framtið þá sem að við ætlum að búa börnunm okkar í þessu þjóðfélagi sig varða.

Það er síðan athyglisvert að heyra hvað stjórnmálamenn segja um ástæður þess að við komum á völlinn og enn athyglisverðara að sjá sigurbros Jóhönnu þegar hún gaf í skyn í fréttum kl tíu að stjórnin myndi lafa áfram með stuðningi Guðmundar Steingríms og Hreyfingarinnar vegna ástar annars þeirra á ESB og hins á að koma í gegn stjórnarskrársmálum samkomu sem kjörin var af örhluta þjóðarinnar og dæmt ólögleg af Hæstarétti. Þetta alla vega las ég úr greinilegri gleði hennar í viðtalinu. 

En hvers vegna mætti fólk ég get ekki svarað fyrir aðra en ég mætti ekki til að mótmæla fjórflokknum eða öðrum hlutum sem eru ekkert nema hlutlægir hlutir og hafa ekkert með ástandið að gera.

Ég mætti til að mótmæla því að ekkert sé gert í því að setja þak á verðbætur svo að hver einasta efnahagsaðgerð kemur til með að auka greiðslubyrði lána okkar.
Til að mótmæla því að afskrifaðir eru miljarðar af fyrirtækjum sem ættu að fara í gjaldþrotaskipti og þau síðan oftar en ekki afhent sömu eigendum aftur og keppa á samkeppni markaði við fyrirtæki sem hafa verið svo óheppin að standa í fæturnar borga skuldir sínar og skila sínu til þjóðfélagsins,
Ég mætti til að mótmæla kerfi sem að veldur því að einstaklingur fær 1,2% vexti á séreignarsparnað sinn meðan að lán sama einstaklings hjá sama lánafyrirtæki ber yfir 12% vexti.
Ég mætti til að mótmæla því að fyrirtæki sem þjóðin átti og voru seld en aldrei borguð skuli ekki hafa verið færð í eigu þjóðarinnar aftur.
Ég mætti til að mótmæla því og krefjast þess að fá að sjá hvort satt er að lánasöfn hafi verið færð til nyrra banka með miklum afslætti og að sá afsláttur hafi verið látinn ganga til kröfu hafa.
Ég mætti til að mótmæla því að allt sem að forsætisráðherra lofaði eftir mómæli síðasta árs hefur verið svæft í nefnd og stendur enn óefnt.
Ég mætti til að mótmæla því að svo virðist sem að kenna eigi einum ráðherra um bankahrun heillar þjóðar og að einn ráðuneytisstjóri eigi að axla ábyrgð á þvi allir aðrir eru komnir á fullt aftur og hafa aldrei hætt.
Ég kom til að mótmæla getuleysi virðingarleysi og hroka stjórnvalda gagnvart fólkinu í landinu.

Ég kom ekki til að mótmæla fjórflokknum enda getur hann ekkert gert mér það er fólkið sem vinnur vondu verkin ekki eitthvað sem kallað er fjórflokkur og virðist vera notað eins og sögur af tröllum og forynjum voru notaðar til að hræða börn á árum áður svo að þau færu nú ekki að gera neina vitleysu.

Ég kom til að mótmæla þessu og því að eftir þeim tölum sem að ég hef séð hefur sparnaður í stjórnsyslunni verið í myflugu mynd meðan að heilbrigiðskerfið er skorið niður við trog.

Hvað vil ég.
Ég vil að þing sé rofið ég vil untanþingsstjórn til vors og kosningar til Alþingis um leið og forsetakosningar.
Utanþingstjórn sem hefur það eytt að markmiði að koma heimilum og fyritækjum á réttan kjöl og leiði þjóðina úr þeirri sjálfheldu sem hún er komin í.
Utanþingstjórn undir forustu okkar fyrrverandi dómsmálaráðherra skipuð fólki sem ekki er hagsmunatengt núverandi valdhöfum og fjármálakerfi.

Kalla mætti til erlenda sérfræðinga til ráðgjafar um endurreisnina sérfræðinga sem ekki eru tengdir núverandi kerfi sem þarf að brjóta upp.
Þetta myndi gefa nýjum öflum tækifæri á að koma fram og kynna þær leiðir sem þeim hugnast okkur til betri framtíðar og gömlum öflum tækifæri á að hreinsa til í sínum ranni því hvort sem að fólki líkar það betur eða verr þá er hluti reiðinnar vegna þess að enn er þar innan dyra fólk sem að var þáttakendur í þeirri atburðarrás sem að leiddi að lokum til algjörs hruns.
Ég hef ekkert á móti þeim einstaklingum og er maður fyrirgefningar en meðan hinn almenni borgari sér árangur áralangrar vinnu verða að engu fyrir framan nefið á honum og  þarf sér á eftir afkomendum sínum úr landi en leikendur í hruninu halda áfram eins og ekkert hafi í skorist, þá er stund fyrirgefningar ekki runnin upp.

Sem þátt í sparnaði og endurreisn mætti síðan setja lög um það að þingmenn þjóðþingsins sem að myndu missa vinnu sína vegna þessarar aðgerðar og ættu þar af leiðandi rétt á biðlaunum fengju laun sem að tækju mið af atvinnuleysisbótum þeim sem þeir hafa skapað þegnum sínum þau biðlaun væru síðan tekjutengd eins og þau hin sömu stjórnvöld hafa tekjutengt allt sem snýr að þegnunum og þannig stuðlað að því að tortíma sjálfsbjargarviðleytni og stóreflt svarta hagkerfið.

Það varð síðan ekki þingmanni einum til framdráttar í huga mínum þó hann benti mér á að ég væri eins og þjóðin orðin allt of feitur og það hefði verið miklu verra fyrir svona ca 100 árum síðan.

En nóg að sinni um ástæður þess að ég mætti á Austurvöll í kvöld.

Samstaða á Austurvelli