Utanþingsstjórn

Það á að skipa utanþingsstjórn undir stjórn Rögnu fyrverandi dómsmálaráðherra sú stjórn á að starfa í ár og endurræsa kerfin. Siðan að kjósa aftur.

Ný verkefnisstjórn taki við völdum

Vantar lóð á vogarskálina.

Það vantar alltaf eitt inn í umræðuna um hvað það kostar að leiðrétta lánaglæpinn.

Hvað verður um þá sem að nú una sér í sjálfumgleðinni yfir því að þeir séu fólk sem kann að fara með sitt og það sé réttlátast að óreiðupésarnir fái nú að finna til tevatnsins. Hvað verður um lífeyrissjóðina og hvað verður um Vilhjálm lektor ef ekkert verður að gert og fjöldi fólks missir húsnæði sitt og flytur úr landi og hefur þar nytt líf ég minnist á vilhjálm vegna orða hans í fréttum kvöldsins.

Hver er kostnaður þjóðfélagsins af því í töpuðum tekjum. Já og hver er kostnaður lífeyrissjóðanna af því þegar fólkið sem að flytur úr landi fer að taka út lífeyrir þau eiga jú rétt á sínum lífeyri er það ekki. Við getum horft upp á það í framtíðinni að mínu mati að lífeyrissjóðir okkar þurfi að greiða lífeyri til kannski 20 -30 .000 manns sem að búa í útlöndum og leggja ekkert til samfélagsins. Hvað gera þeir þá.

Síðan er ég að velta einu fyrir mér ef að lífeyrissjóðir og bankastofnanir þola ekki leiðréttingu þola þessar stofnanir þá hjöðnun verðbólgu er kannski einn af hvötunum fyrir verðbólgu hér á landi innbyggður í þetta kerfi sem virðist vera vítisvél andskotans.

Ég er að verða meir og meir þeirrar skoðunnar að Lífeyrissjóðina beri að leggja niður í því formi sem þeir eru og þjóoðnyta peninginn og er þá langt gengið þegar að forpokaður hægrimaður er orðin þeirrar skoðunar.

 

Aðgerðirnar kosta 200 milljarða

Trúir þessu nokkur maður.

Mér finnst sorglegt að þurfa að viðurkenna það að ég trúi ekki nokkru orði sem Jóhanna eða aðrir í stjórnmálastétt segja það er orðið hálf pínlegt að heyra þetta inantóma hjal sem er eins marklaust í dag og fyrir mánuði eða ári það er bara verið að hanga í stólnum.
Mér finnst það sorglegt að horfa upp á hvað fólk getur gert bara fyrir völd það hlýtur að vera því að ekki verð ég var við að það séu miklar hugsjónir að baki mörgu sem gert er þessa dagana. Frá mínum bæjardyrum séð er ekki eina einustu hugsjónamanneskju að sjá , ekki eina einustu, ekki eina einustu hugsjónamanneskju að sjá á þingi.

Ekki eina einustu þrítekið eins og maður heyrir þingmenn oft margendurtaka það sem þeir segja rétt eins og þeir stami.

Þetta er eins og að horfa á gamla væmna bíó mynd þar sem að ástin er löngu kulnuð en annar aðilinn gerir sér ekki grein fyrir því að hegðun hans hefur verið þannig að allur trúnaður er löngu horfin og það skiptir engu máli hvað sagt er eða hvað lengi legið er á hnjánum augnablikið er glatað og kemur aldrei aftur og úr þessu gerir hann bara lítið úr sjálfum sér að gera sér ekki ljóst að tími hans er liðinn og kemur aldrei aftur.

Segðu af þér Jóhanna þó ekki væri nema bara fyrir sjálfan þig þetta er löngu búið.

Lausn við skuldavanda í næstu viku

Framsýni

Þetta ber vott um framsýni og visku því Flugfélagið gerir sér grein fyrir því að bruttfluttir Íslendingar vilja kannski skreppa heim um jólin og þetta er sennilega sá hópur Íslendinga sem á pening til að kaupa miða fyrir þeir sem heima sitja eiga nóg með að finna aur fyrir skötunni.

Flugfélag Íslands færir út kvíarnar

Auðvitað áttu þeir að fara í þrot

Auðvitað áttu bankarnir að fara í þrot rétt er að ástand hér hefði orðið skelfilegt i einhvern tíma en það hefði hreinsað til það átti einfaldlega að fara að lögum og tryggja fé eftir þeim en ekki geðþótta ákvörðun stjórnvalda. Það er til dæmis als órannsakað hverjir eru eigendur þess fjármagns sem var tryggt að mínu mati þarf óháða rannsókn á því hverjir eru þessi 2% sparifjáreigenda sem að mest hlutu.

Ég er hins vegar ekki sammála Hrafni um að við þurfum fleiri hugsjóna menn af listasviðinu í baráttuna við höfum forsmekkinn af þátttöku þeirra. Það sem við þurfum er þátttaka fleiri venjulegra Íslendinga sem að hafa það að leiðarljósi að vinna fyrir þjóð sína nágranna sína afkomendur og sjálfan sig  í þessari röð
Vinna við að gera landið byggilegt aftur og meðan á því stendur þurfum við að fylgja fordæmi geimfaranna í Apollo 13 og aftengja allan óþarfa til að fá afl til að beina okkur aftur á rétta braut. Þá meina ég óþarfa en ekki heilbrigðiskerfi og velferðarmál. Það var margt til í því sem að Ábjörn sagði í dag.

Bankarnir áttu að fara í þrot

Ógnar vorri þjóð.

Íslenska þjóðin er í stórhættu vegna óhemju magns transfitusýru að mati háttvirtra eða hæstvirtrar flutningskvenna sem eru.

"Fyrsti flutningsmaður er Siv Friðleifsdóttir, þingmaður Framsóknarflokks, en einnig standa að baki Ásta R. Jóhannesdóttir, forseti Alþingis og þingmaður Samfylkingarinnar, og Álfheiður Ingadóttir og Þuríður Bachman, þingmenn Vinstri grænna"

Mín skoðun er sú að Íslensku þjóðinni stafi eiginlega meiri hætta af núverandi valdhöfum og leikfélögum þeirra innan veggja gamla steinkubbaldans og er nokkuð viss um að að sú óáran að mínu mati hafi valdið þjóðinni ekki minna heilsutjóni en transfita upp á síðkastið.

Hvernig er það síðan dettur hinum hæstvirtu frúm ekki í hug að dauði vegna transfituáts sé í augum margar síst verri kostur heldur en sú nauðungarsamvist sem hér er með núverandi stjórnvöldum.

Baráttan gegn transfitunni er allra góðra gjalda verð en ég vildi sjálfur að umræddar konur hefðu jafn mikklar áhyggjur af heimilum þessa lands i framlagningu frumvarpa sinna og myndu setja baráttuna við græðgi bankanna framar á forgangslista en kannski er fólk að höggva of nærri sér þá.
Það kemur fyrir stundum að mér finnst eitthvað sé bogið við áhugaleysi ráðamanna á að koma taumi á þá andskota sem öllu fémætu ráða hér um stundir.  

Góðu konur lagið skuldavandan fyrst þá kemur hitt af sjálfu sér þegar lífið í landinu verður þess vert að lifa því annars endið þið með tóma transfituætur hér en þá sem að vilja lifa lengur í útlöndum þar sem að þessi hernaður er komin lengra enda fólk ekki eins upptekið við að vernda þðá sem að allt hirtu þar.

 

„Í bráðri hættu vegna ofneyslu á transfitusýrum“

Enginn niðurfelling skulda.

Það er ekki verið að fara fram á niðurfellingu skulda heldur leiðréttingu á forsendubresti og ferli sem var skapað af fjámálakerfi vítis.

Hér er engin niðurfelling á ferðinni einungis réttlætis mál

Og hana nú!

Flöt niðurfelling skulda óskynsamleg

Það er helst í fréttum

Athyglisvert á hvað er einblínt í þessum fréttaflutning ég er ekki að bera í bætifláka fyrir það sem hér var gert er algjörlega á móti því og vona innilega að þeir sem að fyrir urðu beri engan skaða af. Mótmælendum er engin greiði gerður með grjótkasti og þessháttar.

Mér finnst þó merkilegt að þarna kom saman ótrúlegur fjöldi fólks og sé málið skoðað hlutlaust þá eru hér helgar þar sem að fleiri slasast heldur enn varð í gær það mætti því alveg leggja áherslu á þá stillingu og aga sem yfir 90% mótmælanda sýndi.

Það er síðan athyglisvert að rýna í fréttir og álitsgjafa og greina orð og ummæli og hvaða hvatir liggja að baki sumum þeirra það er ekki alltaf hlutleysi á ferðinni þar.

Grýttu hnullungi í lögreglu

Hver stjórnar á Íslandi (Allir á völlinn )

Þessi frétt er ein argasta svívirða og mógðun sem að ég hef séð við Íslenskt alþýðufólk

Áð lesa þessa frétt gerir það að skyldu að fara á Austurvöll í kvöld og hér eftir til að koma leppstjórn AGS frá völdum. Leppstjórn sem að í raun framdi valdarán.

 

Engin fleiri úrræði

Kannski þeir fari bara að spila á Hörpu.

Í fréttum í fyrradag kom eftirfarandi fram.

"Framlög rekstraraðila Sinfóníuhljómsveitar Íslands, þ.e. ríkis og Reykjavíkurborgar, munu hækka talsvert á næsta ári vegna hærri leigu í Hörpu en í Háskólabíói"

Í annarri grein kom talan fram sem er svipuð og tala sú sem nú á að draga saman í hafrannsóknum í rannsóknum á því sem að er grunnurinn að því að við náum að rífa okkur upp úr lægðinni það er hámörkun nýtingar auðlindarinnar. Þetta þýðir til dæmis.

„minni rannsóknir á uppsjávarfiski, þ.e. síld, loðnu og makríl auk þess sem þátttöku í bergmálmsmælingum á karfa í Grænlandshafi [verði] hætt.“

Þetta er svipað því að heimili í vanda keypti píanó og setti upp í stofunni í stað þess að auka framlegð heimilisins í beinhörðum vermætum.
Auðvitað eru listir og menning verðmæti en þær borga ekki bleyjupakka einstæðrar móður eða hjartaaðgerð ellilífeyris þegar til þess sækjum við pening í beinharðan útflutning á áþreifanlegum verðmætum eins og fiski og áli svoleiðis er það bara.

Ég viðurkenni hins vegar að það er svolítið cool örugglega að geta farið í Dior og Armani og viðrað Roverinn til að fara á tónleika en á þessum tímum finnst mér það nú líkjast helst þeim grímuböllum sem haldin voru í Versölum á síðustu árum konungsveldis þar.

Okkur er minnst fyrir það í sögunni að meðan stór hluti þjóðarinnar geispaði golunni úr hungri að hluta til vegna þess að við viðurkenndum ekki að Asyriu menn hefðu fundið upp hjólið, þá sat elítan inni í stofu og ritaði bækur sem að afkomendur þeirra síðan átu.
Það skildi þó ekki vera að okkar verði minnst í seinni tíma sögu fyrir það að meðan stór hluti þjóðarinnar var á heljarþröm aftur þá tókum við upp gamla siði að vísu færða í nýjan búning og reistum sal einn mikinn og hófum leit að nýjum hljómi. Kannski svona kringum árið 3000 þá verða á söfnum upptökur af hinum nýja hljómi sem er þá hörpuleikur í bland við hungurvein, mal 10 cylindra aflvéla og pilsaþyts.

Kannski verður það framlag okar til þrítugustu aldarinnar eins og handritin voru áður.

 

 

Bjarna Sæmundssyni verður lagt