Menn fari ekki offari.

Þó að Eva Joly sé hin mætasta kona og hjálp hennar við úrlausn mála hér einn mesti happadráttur sem að á fjörur okkar hefur rekið ættu menn að anda með nefinu áður en farið er að úthrópa embættismenn hægri vinstri.
Það liggur fyrir að saksóknari lýsti yfir vanhæfni fyrir hartnær mánuði síðan og að dómsmálaráðherra skipar annan í hans stað í þeim málefnum sem að snúa að bankahruninu. Við skulum athuga að Eva þó góð sé stjórnar ekki stjórnskipun Íslands og við sjálf skulum líka gæta að því að vera ekki orðin svo full af hræðsluáróðri að við sjáum púka í hverju horni.
Þó að það blási á í augnablikinu skulum við halda okkur frá nornaveiðum og órökstuddum fullyrðingum og dómum um þá embættismenn sem að eiga að gæta hagsmuna okkar.
Ég sé ekki annað en að það hafi verið tekið fullt tillit til athugasemda Evu og það áður en þær voru settar fram.
Varðandi hvernig önnur mál eru saksótt tel ég það ekki í verkahring Evu Joly að setja kjörinni ríkisstjórn Íslands starfsreglur um hvernig málum er skipað.

Hefur ekki hugleitt að segja af sér