Ég elska sápu óperur

Óðum skýrast nú þau teikn sem sýna mér það að Goggi Ygilbros stýrimaður hinnar fúnu og hripleku freigátu hennar hátignar Bretaveldis fer  með rétt mál og álfadrottningin og búálfurinn gera sér ekki grein fyrir plottinu eða eru meðvirk í plottinu.
Þessi atburðarrás er nú til boða í hinni spennandi sápu óperu. Æ s afe. 

Goggi og Bildenberg hópurinn hafa ákveðið að hefna nú árásarinnar á Lindisfarne klaustur sem var fyrir mörgum þáttum síðan eða stuttu eftir að þátturinn smiðsonurinn frá Nasaret var sýndur. Þeir ætla einnig að hefna fyrir ránsferðir sem forfeðurnir fóru í Evrópusambandið, meðferð fógetans í  Nottingham á Hróa Hetti fógetinn var jú svokallaður norðmaður en Hrói var Saxi. Og síðast en ekki síst hefna þriggja háðulegra útreiða í stríði við afkomendur víkingana.

Þeir hafa laumað Trójuhesti með einhverju sælgæti í inn í raðir þeirra eða eitrað brunnana og þeir veikustu hafa þegar fallið eða sýkst og ganga nú um eins og uppvakningar í tölvuleik muldrandi nafn fyrirheitnalandsins. Og trúa því að ef þau bara geti komist til Hvergilands þá verði heimur þeirra betri alltaf verði sól, kökur vaxi á trjám og kólibrí fuglar syngi allar þau í svefn. Þetta er með því albesta sem að fjölmiðlar hafa boðið upp á lengi.

En núna úr raunveruleikanum þá er það orðið alveg ljóst í mínum huga að Gordon Brown fór með rétt mál þegar hann missti upp úr sér í brjóstsviðanum að það væri bara eftir að ákveða hvað víkingarnir borguðu þetta hratt til baka þeir myndu borga það allt.
Það hefðu IMF og Hennar hátign löngu ákveðið og hlotið við það hjálp fimmtu evrópsku eurokrata herdeildarinnar sem komið  hefði verið hér fyrir.

 

Seðlabankinn í klemmu