Mér sem Íslending

Mér sem íslending þykir fáránlegt núna þegar kreppir að, að borga 3.300. kr til að sulla í svokallaðri náttúruperlu sem er í raun ekkert annað enn affallsvatn frá gufuaflsvirkjun. Virkjun sem ef byggð væri í dag væri samkvæmt forræðishyggju og náttúruverndarsjónarmiðum skyldug  til að dæla vatninu til baka aftur ofan í jörðina.

Annað sem vantar í fréttina það er hvort að fyrirtækið borgar starfsfólki sínu í evrum sem að ég leyfi mér að efast um. Svo er þá fréttin um að það sé gott að rukka í evrum og borga kostnað í krónum eða um hvað?.

Er ekki meirihluti kostnaðar Bláa Lónsins ef ekki allur Íslenskur og fellur til í krónum. Skilningur minn á fréttinni er því sá að það er gott að hækka gjaldskránna það hjálpar til. Ef að Gjaldskráin hefur fyrir ári verið ígildi 20 evra  þá er hér um ca 90% hækkun á Íslenskan almenning að ræða því almenningur fær ekki laun sín í evrum.

Evruvæðing Bláa lónsins hefur gengið upp

Athugasemdir

[Emil Örn Kristjánsson, 20.4.2009 kl. 11:53]

Ég leyfi mér að skella inn athugasemd, sem ég setti einnig orðrétt inn hjá öðrum vefritara:

Það er mikið til í þessu. Bláa lónið er að glata "sjarmanum" auk þess sem þessi sk. "evruvæðing" er ekki verjandi. Hún hefur komið niður á ferðaskrifstofum, sem á sínum tíma reiknuðu með íslenzku verði í tilboð sín til þeirra hópa sem vilja hafa Bláa lónið á dagskránni hjá sér. Svo eru engin rök fyrir því að Bláa lónið rukki evrur þegar allur launakostnaður, sem er ugglaust stærsti kostnaðarliðurinn í rekstri þess, er í íslenzkum krónum.

[Jón Aðalsteinn Jónsson, 20.4.2009 kl. 12:37]

Vertu velkomin því fleiri skoðanir á málum því betra

[S.H. (IP-tala skráð) 20.4.2009 kl. 13:49]

Sæll,

þetta er nokkuð mótsagnarkenndur málflutningur hjá þér.  Fyrst segir þú að þér finnist allt of mikið að borga ígildi 20 evra í Lónið, þá hlýtur þig að langa að fara í Lónið en ert ósáttur við verðið.  Svo lýsir þú því að þetta lón sé svo lítils virði í þínum augum að þú vildir helst vera laus við það.  Segir að það ætti í raun ekki að vera til.

Hvað ertu þá að reyna að segja?

Þetta fyrirtæki með sínu affallslóni er mjög atvinnuskapandi fyrir Íslendinga og skapar að auki gjaldeyristekjur, bæði kemur okkur öllum til góða.  Hvað með það þó starfsfólk fái ekki greitt í evrum?  Ef Lónið myndi rukka í krónum fengi fólk sömu laun hvort eð er, jafnvel lægri laun þar sem reksturinn gengi ekki jafn vel.  Hvað ertu að reyna að segja?  Hver græðir hvað á því að bæði gjöld og innkoma sé í krónum?

Þú ert í raun að segja að fyrst fyrirtækið græði meira á þessu fyrirkomulagi þá sé það óréttlátt gagnvart starfsfólkinu og það eigi að breyta þessu svo starfsfólkið fái greitt í sama g.miðli og gert er upp í.  Til hvers?  Hækka laun fólksins miðað við það?  Nei.    Það kemur líka fram í greininni að Íslendingar fái 2 fyrir 1 tilboð.  Útlendingar fá það ekki og því greiða 2 Ísl. helmingi lægra verð er útlendingurinn.

Eina málefnalega gagnrýnin á þetta er varðandi ferðaskrifstofur.  Ég efast hins vegar stórlega um að þær hafi ekki verið látnar vita að til stæði að skipta yfir í evruviðmið við gjaldtöku.  Ég tel það reyndar út í hött.

Þið látið eins og Bláa Lónið hafi svikið ykkur og eigi að gera annað af tvennu:  1. skipta aftur yfir í krónur.  2. leggja niður starfsemina frekar en ,,græða á evruvæðingu".

Sorglegur málflutningur ef þið spyrjið mig.

Takk fyrir.

[Rúnar Berg Baugsson (IP-tala skráð) 20.4.2009 kl. 16:00]

Já, Bláa lónið er smám saman að tapa sjarmanum. En það má græða á því. Lonely Planet hefur verið annáluð þannig að manni sem ferðamanni er sagt að maður eigi að kaupa bókina en fara ekki eftir henni. En í Lonely Planet bókinni stendur einmitt að maður eigi akkúrat að fara í Bláa lónið, ekki því það er flott, eða gott eða neitt svoleiðis, heldur því fyrst maður er komin til Íslands á annað borð er eins gott að kýkja þangað. Ég sé fram á að hinn venjulegi ferðamaður eigi eftir að forðast lónið og í staðin verði þarna allt fullt af miðaldra hópatúristum, skemmtiferðaskipatúristum og þess háttar. Örlög lónsins er þannig þau sömu og Perida Moreno jökulsins í Argentínu og Tulum-rústunum í Mexíkó. En það eru einmitt troðfullir túristastaðir sem maður sér nánast bara í bakið á næsta túrista en lítið í mynjarnar sjálfar. En peningarnir halast samt sem áður þangað.

[Gunnar Kr., 20.4.2009 kl. 17:34]

Já, þetta er okurbúlla. Ég fór með útlending þangað í gær og fór ekki ofaní.
En lítill kaffibolli við lónið kostar 360 kr., lítil muffins kostar 290 kr. og samloka hátt í þúsundkall!!!

[bjkemur (IP-tala skráð) 20.4.2009 kl. 17:38]

Þeir sem standa að rekstri Bláa Lónsins hafa breytt þessu í fáránlega okurstarfsemi. Hvað haldið þið að myndi gerast ef (fyrir einhverja óútskýranlega ástæða) gengi krónunnar myndi allt í einu styrkjast svo mikið að ein evra kostaði 80 kr. í stað 166 eins og hún gerir í dag?

Þá yrði aðgangseyririnn snögglega hækkaður upp í 35 - 40 evrur og við Íslendingar þyrftum áfram að greiða 3200 kr. fyrir heimsóknina.

Rugl, okur og vitleysa, jafnvel með 2 / 1 tilboði mun ég aldrei greiða 1600 kr. fyrir heimsókn þangað.

[Sódóma, 20.4.2009 kl. 17:48]

Heh já þú talar um að sulla í affallsvatni! og tala nú ekki um að það er búið að sulla sjó í þetta líka. Þarna er náttúrulega rekið okur fyrirtæki. Og talandi um baðvatn að þá er nú alveg merkilegt að það er hægt að selja útlendingum líka aðgang í sundlaugar fyrir hvað.... 250-350 kr eftir því hvaða laug það er. En svo er verið að selja þeim drykkjar vatn í líters flöskum á svipuðu verði. Hvenar ætlar þetta lið að fatta það að koma til Íslands er bara veskisnauðgun fyrir þetta lið. Ég vorkenni útlendingum sem hingað koma

[Leifur Hákonarson (IP-tala skráð) 20.4.2009 kl. 17:55]

Ég ákvað strax þegar ég heyrði af þessari "evruvæðingu" að beina því til erlendra félaga minna (sem koma oft hingað á fundi) að sniðganga þessa okurbúllu.

Þetta er ekki spurning um hvort Bláa Lónið sé "gott" eða "slæmt" - þeir eru að græða á því að útlendingar hafa frétt að Ísland sé orðið ódýrara - þeir eitra sem sagt fyrir öðrum í ferðamennsku því hætt er við að útlendingunum þyki að sér hafa verið logið.

Ef þetta okurlið sæi sóma sinn í að greiða starfsliðinu í evrum væri kannski hægt að fyrirgefa þeim ósómann - en það gera þeir auðvitað ekki.

Hvað finnst ykkur annars um fréttamennskuna? Þetta er eins og ef sögð væri frétt af því að Jón Jónson hafi komist upp með innbrot - og honum óskað kærlega til hamingju með afrekið. Einkennilegt fréttanef á þessum blaðamanni - finnur bersýnilega ekki skítalykt.

Leifur

[Jón Aðalsteinn Jónsson, 20.4.2009 kl. 18:24]

 SH þú miskilur það sem að ég segi Í fyrsta lagi hef ég ekkert á móti Bláalóninu en bendi á það sem að ég tel tvískinnung það er að tala um náttúru perlu sem er í raun einskonar umhverfisslys sem til varð fyrir tilviljun og þá staðreynd að einn maður tók sig til og fór að nýta gæði vatnsins.

Í dag væri svona frágangur ekki leyfður spurning er erum við kannski að tapa vermætum með því margar af helstu uppfinningum mannkyns hafa einmitt orðið til fyrir einhverskonar slys.

Varðandi evru væðinguna er ég einfaldlega að benda á að það væri gott fyrir öll Íslensk fyrirtæki ef að þau gætu farið að selja okkur vörur í Evrum en haldið áfram að greiða okkur laun í ISK. Bara á siðasta mánuði hefði það þýtt 17% hækkun á verði þjónustu þeirra.

Það er síðan einfaldlega viðurkenning á staðreynd að gjaldskráin er helmingi of há fyrir kaupgetu okkar að Íslendingum sé boðið tveir fyrir einn. Það eru til Íslendingar sem fara um einir og greiða því fullt gjald. Staðreyndin er því sú að Bláa lónið hefur einbeitt sér að markaðsetningu fyrir útlendinga og ekkert nema gott um það að segja. Það er mín skoðun á fréttinni að hún gefi í skyn að evruvæðing fyrirtækja sé lausn en hún er engin lausn ef bara er evruvædd í innkomu en ekki kostnaði alla vega myndi það koma vel niður á buddum almenningsen þetta er mín skoðun.

[Jón Aðalsteinn Jónsson, 20.4.2009 kl. 18:32]

Varðandi aðrar athugasemdir þá er ég sammála því að þetta er orðið dýrt allavega fyrir okkur með því að evruvæða hafa rekstraraðilar tryggt sig gegn sveiflum krónunnar og það má líta á það sem góðan rekstur en á sama tíma tekur það líka af þeim sem hingað koma með minni fjárráð þan hagnað sem að fall krónunnar hefði annars gefið þeim.

Það má leiða líkum að því að hótel og aðrir staðir sem að þjónusta ferðamenn geri slíkt hið sama og þá er eiginlega orðið vonlaust fyrir hinn almenna Íslending að fara um landið því að þá berum við þungan af falli krónunnar bæði á innfluttri vöru og einnig innlendri þjónustu en verðum á meðan að stunda lífsbaráttuna miðað við yfir þá staðreynd að krónan er meira en 160 sinnum verðminni en evra. 

[Jón Aðalsteinn Jónsson, 20.4.2009 kl. 18:36]

Og af því að ég kallaði lónið nokkurskonar umhverfisslys þá er rétt og skylt að geta þess að þarna hefur verið unnið að mikilli uppbyggingu og byggt upp arðvænlegt fallegt fyrirtæki sem skaffar fjölda manns vinnu og kemur vonandi til með að vaxa og dafna lengi enn. En lónið er eitt og evruvæðing fyritækja er annað.