Stórkaupmenn vega að krónunni.

Samt er ég ekki alveg að skilja  hvaða máli skiptir gjaldmiðilinn ég hélt að það væri álagningin sem að skipti máli en ekki hvort að það sem látið er í staðin er saltfiskur sauðakjöt eða króna. Kostnaði er alltaf velt yfir á neytandann. Við kaupum ekkert meira þó að evra verði tekin upp eða gengið í sambandið við kaupum ekki meira en kaupið og yfirdrátturinn leyfir. Gæti verið að það sem menn sjái sé verðskyn okkar mörlanda en eftir myntbreytingu myndum við enn hikstalaust kaupa krónu kúlur sem að hétu þá evru kúlur og verðlag myndi hækka 120 falt það var það sem að skeði þegar núllin voru skorinn af og það á ekkert mjög löngum tíma. Ég hef ekki trú á að innréttingar kaupahéðna hafi breyst mikið síðan. Annað er þó í greinum sem að þjónusta útgerð og iðnað en þar eru menn í beinni samkeppni við útlönd á hverjum degi og varan keypt þar ef að verð hér heima er ekki samkeppnisfært. Hin almenna neysluvara er undir allt öðrum formerkjum kjöt og mjólk er ekki hægt að kaupa í Brugsen og fá sent heim með DHL.  Einhvernvegin set ég spurningarmerki við það að blessaðir stórkaupmennirnir séu að hugsa um mig í þessu tilfelli. Kannski er ég bara í fýlu út í þá því að ég varð að henda enn einu sinni ávöxtum sem að ég keypti skil það ekki en það hlýtur að fylgja verðbólgunni aukin mygluhraði á bláberjum, jarðaberjum og appelsínum bananar linast orðið upp á leiðinni heim og um þverbak keyrði í dag þegar ég ætlaði að steikja lauk keyptan á föstudag og hann var orðin að brúnu hlaupi að innan ( ísskápurinn er í lagi) Mundi ég þá eftir fyrir sögn úr Íslandssögunni þar sem orðin maðkað mjöl komu fyrir kannski er komin tími á að endurvekja Samvinnuhreyfinguna án þeirra mistaka sem að gerð voru síðast þegar brotist var undan einokun til frelsis.  Og sú ferð verður ekki farin þjóðinni til góða með því að taka afleggjarann í Evrópusambandið að mínu mati, heldur með því að fá í stjórn fólk sem að setur hagsmuni lands og þjóðar í öndvegi okkur er hollt að muna að við létum frjálsræðið í hendur útlendinga á ekki svo ósvipuðum forsendum fyrir nokkrum öldum og hvað uppskárum við jú maðkað mjöl meðal annars. Það tók okkur aldir að öðlast sjálfstæði aftur en ekki einu sinni hundrað ár til að úrtölu menn ríði um héruð enn á ný. (Verst að það skuli hvergi vera til sýrutunnur í dag) Gissur jarl fékk lúður og nafnbótina jarl en hvað ætli Gissurar dagsins í dag fái ekki veit ég það en hitt tel ég mig vita að áhrif okkar á stjórn og reglur Evrópu sambandsins væru eins og að reina að blása á móti vindhviðu undir Hafnarfjalli eða hvernig afgreiddi apparatið bón Dana um frumbyggjakvóta handa Grænlendingum. Því segi ég það höldum í krónuna söfnum fyrir kaupmenn ef á þarf að halda (var ekki 70% stéttarinnar að flytja sig til Englands) og umfram alt höldum áfram að vera þver þrjósk og sundurlynd sjálfstæð þjóð norður í rassgati með krónu sem gjaldmiðil.

Getur einhver sagt mér hvaðan orðið stórkaupmaður kemur.