Endalok iðngreinar ?

Í liðinni viku voru opnuð tilboð í verk í málmiðnaði.

Niðurstöður tilboðana eru mjög athyglisverðar og einnig kostnaðaráætlunin fyrir verkið sé það borið saman við samsvarandi verk sem boðið var út í janúar 2006. 2006 var opnað tilboð í samsvarandi verkefni og var þar kostnaðaráætlun 226 milljónir. Verkefni þetta fór þá á 120 milljónir eða 53% af kostnaðaráætlun já 53% af kostnaðaráætlun.Verkefnið nú er svo til nákvæmlega eins, eina sem hefur breyst er að verkið sem vinna á núna er að  uppreiknuðu magni 38% umfangsmeira en  í janúar 2006.Þrátt fyrir þessa magnaukningu er kostnaðaráætlun nú 196 milljónir eða 15% lægri. Hvað veldur þessu? Jú það er sú staðreynd að áætlanir verkfræðistofa taka alltaf mið af þeim einingarverðum sem í gangi hafa verið á markaðnum árið og mánuðina þar á undan þannig að á þenslutímum þegar öll verð og vísitölur hafa rokið upp og fullyrt er að almennt launaskrið sé í gangi þá búa Íslensk málmiðnaðarfyrirtæki við þá staðreynd að reiknað kostnaðarverð þeirrar vinnu sem að þau inna af höndum hefur fallið um tugi prósenta og þau hafa mun minna fjármagn til að reka sig fyrir á sama tíma og allt hefur hækkað..  Hvers vegna og af hverjum hefur málmiðnaðnum verið haldið í skefjum eða hvað veldur þessari þróun?Þegar launakannanir eru birtar eru erlendir starfsmenn ekki látnir svara? Ég spyr vegna þess að launakannanir félagsins eru í algjöru ósamræmi við staðreyndir sem fyrirtæki búa við á markaði.Ég spyr því að það er ekki vænlegt fyrir fólk sem þarf að sjá fyrir sér og sínum í óðaverðbólgu að koma til starfa í iðngrein sem að stöðugt þarf að draga saman seglin til að berjast fyrir tilveru sinni.Ég tel að það sé komin tími fyrir félagið okkar að vakna af Þyrnirósarsvefninum og kafa ofan í þessi mál eða að viðurkenna fyrir sjálfum sér að tími málmiðnaðar er að líða undir lok á Íslandi. Það er málmiðnaðar sem unnin er af Íslendingum.Það er ágætt að muna það að ein af ástæðum þess að Íslendingar misstu sjálfstæði sitt fyrr á öldum var getuleysi þeirra til þess að smíða og eiga haffær skip til flutninga þannig að þeir voru öðrum háðir.Hér var þá sem sagt lítil og léleg iðnmenntun en óhemja af bókaormum skrifandi á kálfskinn Eru þeir tímar runnir upp aftur að við verðum ekki sjálfum okkur nóg í grunatriðum sem þarf til að halda þjóðfélagi gangandi.

Athugasemdir

[Jóhann Elíasson, 10.12.2007 kl. 14:55]

Það er spurning Jón, það er alveg augljóst að það á að ganga af málmiðnaðinum dauðum, eftir því sem ég best fæ séð þá er engin þekking lengur á Íslandi til að smíða skip, smiðjum fer ört fækkandi (það er engin stór smiðja eftir á landinu), ungir menn leggja ekki þennan iðnað fyrir sig því þeir sjá ekki framtíð í honum, hvorki stjórnvöld eða félag vélstjóra og málmiðna sjá ekki nokkra ástæðu til þess að aðhafast nokkurn skapaðan hlut.  Það versta varðandi sofandahátt stjórnvalda í þessu máli er, að mínu mati, að það skildi gengið til samninga við skipasmíðistöð í Chile varðandi smíði á nýju varðskipi fyrir Landhelgisgæsluna.  T.d í Noregi er það stefna ríkisstjórnarinnar að EKKERT verkefni, sem varðar herinn, sé unnið utan landsins sé því viðkomið og hvað er Landhelgisgæslan Íslenska annað en her landsins?