Þarna munaði litlu.

Samkvæmt fréttum var komið upp alvarlegt ástand í þessu máli það lá við að skapast hefði möguleiki á nýjum störfum en þökk sé snaggaralegum vinnubrögðum forustu manna ríkistjórnarinnar þá tókst að koma í veg fyrir þá ógæfu.

Mikið og margt eigum við þessari stjórn að þakka og hennar ötula starfi við að setja hér allt til andskotans. Það hefði verið stórslys ef atvinna á Suðurnesjum hefði aukist og þetta hefði getað haft alvarlegar afleiðingar fyrir þjóðarbúið i formi tekna. Nei okkar snaggaralegu stjórnvöld brugðust snöggt við og björguðu málinu eins og oft áður. Síðan svæfir Ögmundur þetta í rólegheitum.

Annars finnst mér að stjórnvöld ættu að taka sér til fyrirmyndar auglýsingar starfstéttar þeirrar sem þessa dagana fitnar sem púkinn á fjósloftinu í boði þeirra en það eru innheimtufyrirtæki. Eitt þeirra auglýsir grimmt "Ekki gera ekki neitt" Þessa auglýsingu hafa stjórnvöld aldrei séð held ég og hafí þau séð hana þá skortir þau lesskilning sem er kannski skiljanlegt miðað við þann skilning sem að þau hafa á kjörum þegna sinna það er annarra en þeirra sjálfra og þeirra sem að eru þeim þóknanlegir og fá aðgang að aflátsklefum bankastofnanna.

 

Ögmundur mun skoða málefni ECA faglega og vandlega

Athugasemdir

[Tryggvi Helgason, 4.9.2010 kl. 15:06]

Það þarf auðvitað að auka atvinnu bæði á Suðurnesjum sem og alls staðar annarsstaðar á landinu.

Útgerðarstaðirnir á Suðurnesjum hafa ávalt verið matarforðabúr landsins. Mér fyndist nærtækara og einfaldara að nýta betur auðlindir sjávarins með því að gefa mönnum, til baka, sín lögbornu réttindi til fiskiveiða, og vinna þannig bug á atvinnuleysinu.

[Jón Aðalsteinn Jónsson, 4.9.2010 kl. 17:17]

Mér persónulega er sama hvaðan gott kemur það þarf að auka vinnu og sú vinna sem hafin er í dag þarf ekkert að vera sú vinna sem unnin er eftir tíu ár. Hvort það er útgerð álvinnsla eða gagnaver er mér sama um bara að það sé aukið framboð á vinnu