Hættum við menningarnótt.

Ég mæli með því að hætt verði við að halda menningar nótt í Reykjavík. Vegna þess að það er bara sýndarmennska að spara í flugelda sýningu við skulum stíga skrefið il fulls og spara allan pakkann.

Ég er þessarar skoðunar vegna þess að hér er um skúringa og mötuneytissparnað að ræða en það er sparnaður sem beitt er með því að reka ræstitækna og matráða þegar gripið er til sparnaðar hjá ríki og borg það er aldrei sparað þar sem sparnaðar er í raun þörf. 

Mér finnst hlægilegt og sýna hið sanna innræti þeirra sem að okkur leiða hvar í flokki sem þeir eru  bestir eða verstir að eina sem að þeim detti í huga að spara sé í flugeldasýningu vegna þess að þetta er sennilega eitt af fáum atriðum sem að gleður þá sem minnst mega sín í þessu þjóðfélagi það er börnin okkar.
Mér finnst nær að blása allt annað af og halda veglega flugeldasýningu fyrir yngstu kynslóðina en hætta hinsvegar við aðra viðburði. Það myndi örugglega spara borginni mun meira í minni löggæslu minni hreinsun og öðru sem að fylgir svona hátíð eins og til dæmis líkamsmeiðingum.

Frá mínum bæjardyrum séð er þetta eins og að fjölskylda hafi í sparnaðarskyni ákveðið að kaupa ekki jólagjafir handa börnum sínum til að þurfa ekki að sleppa rauðvíninu með matnum.

Ef það hjálpar til held ég að ég eigi  afgangsflugelda frá síðustu áramótum sem að ég glaður gæfi til þessara nota ef að það hjálpar.

Þetta er síðan eitt en dæmið um smáatriði sem hent er fram til að beina umræðu í farveg svo að önnur mál njóti skjóls. Mér langar til dæmis til að vita hvað það er mikill kostnaður fólgin í hinum umhverfisvænu faratækjum sem svo vinsælt er að láta mynda sig í þessa dagana og hver borgar hann það ferli allt minnir mig stundum á nýju fötin keisarans ég er síðan ekki búin að gleyma umræðunni um launakjör nýráðins stjórnarformanns OR sumum fannst þar vel í látið og að skera hefði mátt við nögl en vera þó full sæmdur af.

 

Draga sig í hlé frá flugeldasýningu