Hver borgar.

Það er keppst við að innleiða ný eftirlitsbatterí það er víst atvinnuskapandi.

Hvað ætli að það sé hægt að fela marga vini og kunningja í þessu eftirlitsbatteríi einhver þarf síðan að borga og það kemur að lokum úr vösum launþega. Væri ekki atvinnurekendum og forsvarsmönnum launþega nær að fylgja eftir lögum um kennitöluflakk til að stöðva þann landlæga sið að undirbjóða allt og alla í útboðum borga síðan ekki þann hluta verksins sem önnur fyrirtæki vinna stinga launum og gjöldum í vasann og undirbjóða síðan næsta verk. Eða hvernig væri að framfylgja lögum um samkeppni og láta þau fyrirtæki sem bankarnir reka jafnvel í samkeppni við aðra viðskiptavini sína fara á hausinn eða pína þá til að selja þau. Það virðist vera erfitt og í stað þess að vinna að því að láta það virka sem þegar er til er bara stofnað eitthvað nýtt. Að mínu mati þarf fyrst að fara eftir því sem til er áður en settar eru nýjar reglur.

Það hefur síðan í gegnum tíðina verið siður að stofna batterí til að fylgjast með þegnunum þau ganga sér síðan til húðar það verður bylting allt er í góðu en hægt og rólega sígur í sama farið og ferlið virðist heldur herða á sér. Það voru stofnuð mörg svona batteríi viða um heim á síðustu öld og öll með hagsmuni þegnanna að leiðarljósi sum að vísu með hagsmuni sumra meira að leiðarljósi enn annarra um það vitnar mannskynssagan.

"Í lögunum er kveðið á um að eftirlitsfulltrúarnir skuli senda upplýsingar þær sem fram koma á vinnustaðaskírteini til skattyfirvalda, Vinnumálastofnunar, Tryggingastofnunar ríkisins, lögreglustjóra og, þegar við á, Útlendingastofnunar og Þjóðskrár þannig að unnt sé að kanna hvort atvinnurekandi eða starfsmaður starfi í samræmi við lög."

Þessi batteri hafa síðan alltaf haft þá skildu að uppfræða stórabróður um gjörðir og athafnir náungans og það skrítnasta er að það hefur aldrei verið erfitt að manna þessi störf sennilega ræður náungakærleikur miklu um það.

Þetta ferli er nú hafið aftur víða um heim eins og sjá má og bráðlega fara menn í svörtum bílum um götur og heimta skilríki af fólki. Hvað ætli langt sé í það að þeir hafi með sér fjárhunda í verkið.

Vinnustaðaeftirliti komið á