Ég held ég sé með martröð

Hér berjast stjórnvöld við að halda völdum sínum haldin eru réttarhöld í skjóli lögreglu vegna ótta um að landsmenn rísi upp, samviskan stjórnvalda hlýtur að vera slæm því að lögregla hafði þegar uppi viðbúnað vegna umræddra réttarhalda samkvæmt fréttum. Það skildi þó ekki vera að stjórnvöld geri sér grein fyrir því að þau hafa brotið sáttmálann sem ríkir milli landsmanna og þeirra sjálfra. Stjórnvöld komu til dyranna gjörsamlega alsber og þegar landsmenn höfðu séð málefnalega nekt þeirra fylltust þau svo mikilli skelfingu að lögregla er höfð til taks í smávægilegu réttarhaldi. Sú hin sama lögregla sem varla hefur tíma til að sinna málum sem snúa að  borgurum þessa lands en fjármagn til löggæslu hefur verið skorið mikið niður, því er það skrítið að takmarkað fjármagn skuli vera notað til að hafa hluta lögregluliðsins til að gæta dómsals þar sem að glæpur manna varð aldrei meiri heldur en að treysta sér til að standa. 

Það stendur ekki á þeim hinum sömu stjórnvöldum að laða fram hundruð miljóna til að bæta einni atvinnu grein það er ferðaþjónustunni tap sem þó er varla enn neitt nema ímyndað tap þegar upp er staðið þá kemur gosið í Eyjafjallajökli til með að vera góð landkynning og þessari sömu atvinnugrein til framdráttar en ekki er hægt að stilla sig um að kalla á vælubílinn að mínu mati og ná peningum úr ríkissjóði og trúir sjálfum sér stendur ekki á stjórnvöldum að gefa úr galtómum ríkiskassanum. Það eru víðar eldfjöll en á Íslandi til dæmis á Hawaii og þau gjósa líka og ekki veit ég til þess að ferðamenn forðist Hawaii neitt sérstaklega ég hef meira að segja trú á því að þeir fari þangað vegna þeirrar fegurðar sem að eldfjöll skapa.

Það er þessum sömu stjórnvöldum hins vegar erfiðara að bæta fólki aðrar hamfarir hamfarir af mannavöldum hamfarir sem að fjöldi þeirra sem að við völd eru í dag áttu þátt í að urðu amkvæmt velþekktri skýrslu. Þær hamfarir stendur ekki til að bæta það má setja plástur á þá helsærðu og þá fyrir munninn svo að þeir geispi golunni þegjandiþ Þeim sem að ekki liggja óvígir í valnum heldur eru einungis særðir lífshættulega á ekki að sinna heldur taka þeim  blóð til að hægt sé að gefa það til þeirra sem að trúnaður stjórnvalda er hjá en það er orðið dagljóst að sá trúnaður er ekki við fólkið í landinu heldur við andlitslausan hulduher sem dulin er bakvið leynt eignarhald trúnað við viðskiptavini og bankaleynd.

Það er síðan en ein opinberun á nekt stjórnvalda að fólk sem að þau hin sömu stjórnvöld buðu hingað til lands fær ekki búsetu leyfi vegna þess að það stenst ekki þær kröfur sem að gestgjafinn sjálfur gerir. Þvílíkt bull það getur ekki verið annað en að einhver skammist sín af þessu fólki eða er blindan og trúin á eigið ágæti orðin svo mikil að rökrétt hugsun og skynsemi kemst ekki að. Það hvarflar stundum að mér að svo sé þegar ég hlusta á orð þessa fólks í fjölmiðlum þegar fjallað er um styrki og fjárstuðning sem það hefur hlotið fjárstuðning sem að í sumum tilfellum jafngildir margra mánaða styrk sem að veittur er til þeirra sem að úthluta nauðþurftum til fátækra.

Ekki fyrir margt löngu var einstaklingur gagnrýndur vegna þess að hann vildi tryggja að fólki sem hingað var boðið yrði ekki boðið nema að því væri tryggð góð framfærsla og aðbúnaður ekki vantaði stóryrðin en samkvæmt fréttum í kvöld er sá aðbúnaður sem að við tryggjum þeim sem að við þó bjóðum hingað ekki betri en það að þeim er neitað um búsetuleifi vegna þess að forsendur fyrir því séu ekki nógu góðar en þeir sem neita leyfinu skapa forsendurnar sem síðan hljóta ekki náð fyrir augum þeirra sjálfra. Getur eitthvað orðið vitlausara.

Ég bara hreinlega skil ekki orðið upp eða niður í því hvernig allt er orðið hér og stundum efast ég eiginlega um að ég sé í raun vakandi heldur hljóti þetta að vera draumur það getur hvergi verið raunveruleiki sem að er svona vitlaus.