Lífeyrissjóðirnir okkar.

Lífeyrissjóðrnir okkar eru ein mesta blessun sem að okkur hefur hlotnast. Þar er peningunum okkar mokað inn við höfum ekkert um að segja hvernig þeir eru notaðir og það er fylgst vel með því hvenær mánaðar við geyspum golunni svo að við förum nú ekki í himnaferðina með ofgreiddar krónur í farteskinu.
Mér þykir því vænt um að stjórnarformaður Gildis herra Vilhjálmur Egilsson telur það Orkuveitunni til vansa að hafa ekki hækkað orkuverð eða eins og hann segir " og að fyrirtækið hafi ekki hækkað orkuverðið þrátt fyrir að öll tilefni séu til þess"  Mér líkar að heyra þessa vasklegu framgöngu hjá stjórnaformanni lífeyrissjóðs því að í orðunum kristallast samkend hans og vonandi sjóðsins líka með fókinu í landinu. Það hefur sjaldan verið meira tilefni til að hækka álögur allir eru að farast af því að sofa á seðlabúntunum og krónunum sem hækka hvern kodda svo að til vandræða horfir. Það er líka virðingarvert hvernig sjóðirnir okkar berjast fyrir því að halda verðtryggingunni á af öllum mætti. Það er því gæfa okkar að eiga svona öfluga málsvara okkur til varnar í lýðveldinu. Það hefur varla áfhrif á afstóðu hans að hann er framkvæmdarstjóri samtaka atvinnulífsins en bíðum við hvað er framkvæmdastjóri atvinnulífsins að gera með puttanna í peningum launafólksins og stjórna því hvernig þeir eru notaðir. Er fölsk nóta hér í sinfóníunni.

En ef að allt er svona gott og fínt hvernig stendur á því að mér verður æ oftar hugsað til gömlu heykvíslarinnar sem stendur við hlöðuvegginn í sveitinni og hvort að ekki mætti brýna hana svo að bíti. Ég bara skil það ekki það er jú allt svo fínt hér í hinu nýskapaða sóíalíska réttarríki.

Það er jú búið að banna nektardans. Það eitt og sér ætti sennilega að  bæta mér hækkunn lánanna minna og verðfall húsnæðisins ekki satt.  Ég bara skil ekki þessa fýlu í mér þessa daganna sennilega er ég bara vannþakklátur í garð stjórnvalda já og lífeyrissjóðanna minna sem einu sinni sendu mér fallega pappíra sem sögðu mér hvað ég myndi eiga það gott í ellinni. Þeir mintust ekkert á það að þeir vildu að ég legði grunnin af því með hækkuðu rafmagnsverði sem síðan myndi hækka vísitöluna og þar með eignir þeirra.

Þetta er í raun hringekja helvítis ég held ég fari bráðum að ná í kvíslina.

Athugasemdir

[Jón Aðalsteinn Jónsson, 16.3.2010 kl. 22:03]

Gleymdi að segja að þessi hugleiðing mín varð til við lestur fréttablaðsins í dag Or gengur illa að safna fé.

[Hervar Gunnarsson (IP-tala skráð) 16.3.2010 kl. 22:18]

Sæll, Jón.

Ef þú átt tvær - komdu þá með þær báðar!

[Jóhann Elíasson, 17.3.2010 kl. 10:42]

Gamli vinur og skólabróðir, getur þú nokkuð sagt mér hvernig stendur á því að FORMAÐUR SA er FORMAÐUR STJÓRNAR Í LÍFEYRISSJÓÐI og á bara sæti í stjórn lífeyrissjóðs yfirhöfuð????  Ég hef oft látið skoðun mína í ljós á því að atvinnurekendur GREIÐI EKKI KRÓNUtil lífeyrissjóðanna.  Þetta mótframlag er þannig til komið að atvinnurekendur töldu sig ekki geta greitt BEINAR launahækkanir, í samningaviðræðum og varð lendingin sú að samþykkt var að atvinnurekandi GREIDDI MÓTFRAMLAG í lífeyrissjóð viðkomandi starfsmanns í stað beinna launahækkana.  Því er hægt að segja að MÓTFRAMLAGIÐ sé hluti af starfskjörum launamanna.

[Jón Aðalsteinn Jónsson, 17.3.2010 kl. 21:10]

Blessaður Hervar gaman að hitta á þig aftur það hlýtur að finnast auka gaffall enda búskapur aflagður heima. Nei Jói ég get ekki sagt þér þetta á eiginlega erfitt með að skilja það sjálfur