Að lána eða lána ekki.

Góð er ályktun vinstri manna í Noregi og ekki skulum við gleyma ályktun hægri manna í Svíþjóð það má því draga þá ályktun að lífið sé hringur og þeir sem yst standa séu í raun nálægt hvor öðrum bara á sitt hvorum vængnum og þar ríki réttlæti. Mér finnst þó réttlætið heldur meira hægra megin.

 Það sem þjáir okkur hér á klakanum í augnablikinu er að hægri öflin eru í tilvistarkreppu sem að þau þurfa að rífa sig út úr og hefja nýja sókn. Það má ekki láta deigan síga í vernd einkaframtaksins því að það er það eina sem að getur komið þjóðinni út úr þeim vandræðum sem hún á við að etja nú um stundir. En ef það háir okkur að það vanti það að raunverulegir hægri menn nái vopnum sínum þá er það okkur til stórtjóns að hér skuli ríkja skoðanalaust miðjumoð sem er svo önnum kafið að ganga í augun á útlenskum að það hugsar ekki hætis hót um þjóð sína. Það er Íslensk ógæfa þessa dagana.

Að heyra síðan að menn vilji fara í kosningar er eitthvað sem að menn ættu að hugsa um ég gerði smá könnun í dag og spurði menn sem að ég hitti hver væri stjórnmálaleiðtogi dagsins. Svarið var enginn það er enginn í Íslenskri pólitík í dag sem að það fólk sem ég ræddi við ber traust til. Það er alvarleg staða og ég er nokkuð viss um að þessi skoðun er uppi víða. Því held ég að forystumenn allra flokka ættu að einbeita sér að innra sjálfi áður en þeir  koma til okkar þjóðarinnar á biðilsbuxum.

Að það þurfi erlenda stjórnmálaflokka til að benda á það að sú meðferð sem að Íslenska þjóðin fær af svokölluðum vinaþjóðum er engu betri heldur en þau meðöl sem að handrukkarar í undirheimum beita er til skammar. Þeir sem á alþingi sitja ættu að hrópa einum rómi til veraldarinnar að við munum aldrei beygja okkur fyrir þannig kúgun. En í staðin er farið með veggjum til að styggja ekki handrukkarana svo að ekki komi truflun á næsta fix.

Ef ASG er ekki sjálfstæð stofnun heldur er stjórnað af Bretum og Hollendingum þá er ekki mikið gefið fyrir þá stofnun og flest sem sagt er um hana sennilega rétt. Það síðan að Norðurlöndin skuli styðja þessar aðferðir á seinna meira þegar sagan er rituð eftir að setja blett á þau sem kennt hafa sig við manngæsku og réttlæti.

Það sem að mér finnst síðan athyglisverðast við þetta alt saman erum við fólkið sjálft það er sá stóri hluti bæði hér og erlendis sem telur það sjálfsagt að bæta fólki sem leggur fé sitt í banka sem ef að er gáð eru ekkert annað en Ponsi dæmi (ef það er of gott þá er það ekki satt) Mér finnst það athyglisvert vegna þess að það sýnir okkar veikustu hlið ást okkar sjálfra á peningum og auð. Hin dapra staðreynd er nefnilega sú að fólki dreymir sífellt um að hljóta hnossið og er tilbúið að fórna flestu fyrir sæti við borðið jafnvel að borga skuldir gjaldþrota einkafyrirtækis í von um að fá smá bita af kökunni.

Eftir að hafa lesið ýmis ummæli háttsettra manna síðustu dagana hef ég ákveðið að verða ríkur. Næst þegar að ég fær bréf frá Nígeriska vini mínum Prinsinum Ugaba Umbaba syni drottningarinnar af Saab og Atla húnakonungs frænda Seifs bróðursonar Posidons og afa Sesars, kærum vini mínum sem að flýði þorp sitt þegar Ídi Amen át afa hans á síðustu öld. Næst þegar ég fæ bréf frá þeim ágæta manni þar sem hann biður mig um að leggja fé í einkafyrirtæki sitt til að bjarga gullpottinum sem að hann gróf undir óhreina tauinu í kofa ömmu sinnar áður en hann flúði til skógar með ör í hælnum. Þegar ég fæ næsta bréf þá ætla ég að hjálpa honum og leggja pening í einkafyrirtæki hans.

Af hverju jú Ugaba Umbaba á heima í London og því hlýtur fyrirtæki hans að vera skráð þar og ekki trúi ég öðru en að Breska ríkið bæti mér skaða minn ef Ugaba hverfur til skógar með tékkann frá mér eða notar hann til að láta fegra á sér hælinn eftir örina góðu um árið. Það ríkja jú ein lög og einn siður í Evrópska heimsveldinu ekki satt. Eða er sólin kannski bara fyrir þá sem eiga pening þar eins og viða annarstaðar. En samkvæmt sanngirnisreglum þá hlýtur Ugaba að vera á ábyrgð Breskra ekki satt. Svo að áður en árið er liðið á ég einkaþotu og læt setja 14 karöt á kranana í handlauginni. Sé líka fyrir mér að koparsleginn buffalóahaus væri flott dyrabjalla ekki satt.

Vakna Jón aftur til þessa lífs og þeirra staðreynda að lífsnauðsynjar hafa hækkað um 100% og húsnæðislánin um 50% eða þar um bil.

Við eigum ekki að borga krónu af Icesave umfram það sem lög segja Við eigum ekki að verðlauna slæman rekstur og gróðafíkn. Við eigum ekki að skuldsetja börnin okkar til að þeir sem offari fóru fái sitt bætt, það er eins og að við myndum flengja börnin okkar þegar að barnið í næstu götu stelur nammi úr 11 11.

Ég er líka á móti flengingum.

OG HANA NÚ eins og hún fósturamma  mín sagði oft.

 

 

 

 

Krefjast þess að Íslandslán sé greitt út án skilyrða

Athugasemdir

[GAZZI11, 9.3.2010 kl. 01:09]

Hverjum dettur í hug að lána Íslenska agúrkulýðveldinu pening .. með þessa stjórnmála og glæpamenn enn við völd

[Gullvagninn (IP-tala skráð) 9.3.2010 kl. 11:00]

neeeehh heyrðu mig nú -

Hægri og vinstri eru og voru aldrei til - það er hægri og vinstri vængur sama hrægammsins.  Vængirnir eru tengdir í ránfuglinn, en við einblínum á þessa hægri og vinstri vængi.

Alveg eins og á okkar alþingi, þó sonur engeyjar segi réttu orðin í augnablikinu, þá veit ég að hann væri jafn gagnlegur og Haarde ef hann kæmist að, jafn gagnlegur og Steingrímur Joð.

Hægri og vinstri eru ekki til, það eru kannski nokkrir einstaklingar á þingi sem eru þar fyrir fólkið, hinir vinna fyrir gamminn.