Ó vér grunnhygnu skuldarar.

"Lilja segir að þau úrræði sem eru í boði séu mismunandi og fyrir marga sem ekki þekki inn á fjármálalífið virki þetta flókið. Þar að auki geti verið að fólk sé hrætt við að taka ákvörðun. Þetta geti að kannski skýrt hvers vegna fólk nýti sér ekki þau úrræði sem séu í boði í eins miklum mæli og vonast var eftir. Hún segir að þeir sem séu í vanskilum hjá Íbúðalánasjóði og einnig með skuldir í bönkum eigi að snúa sér til síns viðskiptabanka."

Það er nú gott að Lilja heldur að við séum upp til hópa grunnhyggnir skuldarar sem skjálfum á beinunum af ótta.  En svo er ekki ég held að flestir hér á landi séu bara nokkuð óttalausir enda verið haldið á hengifluginu í óratíma. 

En hvarflar ekki að  Lilju að úrræðin séu bara ekki nógu góð bara einskonar froða eða lenging í snörunni ævilöng þrælkun og einfaldlega svo skammarlega léleg að það jaðri við móðgun að bjóða upp á þau .

En það er ekki rétt að vér skuldarar séum hræddir eða þá grunnhyggnir ó nei en við erum orðnir öskureiðir og það er með okkur eins og annað sem er undir þrýstingi að lokum gýs og er stjórnvöldum holt að muna það og halda sig ekki á sprungusvæðum þjóðfélagsins næstu misserin.

Aftur á móti eru Íslensk stjórnvöld skíthrædd. Skíthrædd um að verða flæmd úr erlendum saumaklúbbum og rauðvínskvöldverðum í útlöndum eða vera ekki boðið í trúlofunar og giftingarveislur útlenskra höfðingja þau  hin sömu stjórnvöld eru orðin svo hrædd um að verða útilokuð frá hinu ljúfa lífi erlendra elíta að þau eru búin að láta telja sér trú um að virðing sé fólgin í fé og hægt sé að kaupa sér virðingu svona eins og kolefniskvóta.

 Nóg að sinni

 

 

Sendi 850 nauðungarsölubeiðnir

Veldi Mammons

Mér finnst orðið full ljóst að á þessari öld er aðeins einn konungur og hann er Mammon það er einn Guð og hann er Mammon. Mer finnst lítið koma til hins Skandinaviska módels þegar að réttlætið víkur fyrir fégræðginni. Ég persónulega tel að við þurfum að fara að sýna þessum vina þjóðum í verki að við séum ekki sátt við framgöngu þeirra og þannig að fólkið í löndunum taki eftir.

Síðan er fólki tíðrætt um að við verðum útskúfuð úr samfélagi þjóðanna ef við borgum ekki það sem ekki er einu sinni víst að við eigum að borga. Ég spyr þá er fólki bara úthúðað úr samfélagi þjóðanna fyrir peninga eða er því bara úthýst þegar að þau ríki sem beita á órétti eru nógu smá. Lítið á eftirfarandi link sem liggur á grein í deiglunni. Var einhverjum úthýst úr samfélagi þjóðanna fyrir þetta eða er fólki bara úthýst þar ef að þær ganga á skjön við vilja fjármagnsins. Kynnið ykkur málið og myndið ykkur ykkar eigin skoðun. 
http://www.deiglan.com/index.php?itemid=9538

Lánshæfishorfur ríkisins versna

Hættulegt afl.

Mannkynið er að breytast þó menntun sé alltaf að aukast þá er hin raunverulega menntun að minnka það er sú menntun sem að fólk fékk af því að vera í snertingu við gangverkið sjálft það er náttúruna og lífíð sjálft er það óx úr grasi.
Í dag hefur verið tekið upp ríkisvætt kassa uppeldiskerfi þar sem einstaklingarnir eru mótaðir samkvæmt þeim viðmiðum sem kennd eru af fræðingum sem spítt er út úr sama kerfi.
Afleiðingin er sú að fólk hættir að greina á milli raunveruleika og ævintýra ég tel að því valdi einnig hin áreynslulausa mötun sem að tölvuöldin hefur innleitt.
Það þarf engin lengur að hugsa til að upplifa ævintýri ekki einu sinni að lesa eitthvað og kalla myndir af furðu heimum fram í hugann. Fólk hættir síðan að leita sér upplýsinga til að mynda sjálfstæða skoðun á málum heldur tekur mötuninni sem beint er að því. 
Um síðir kemur svo að því að mörk milli raunheima og sýndarheima verða óskýr og þá getur fjandinn orðið laus ef fólk gerir ekki greinarmun á ævintýrum og raunveruleika.

Ég á eftir að sjá Avatar og er ákveðin í að gera það eftir að hafa heyrt af henni mig langar til að sjá hvað mennirnir eru gráðugir og vondir í sögu sem sögð er og framreidd af kerfi sem er ekki laust við vonsku og græðgi það er kvikmyndaiðnaðurinn sjálfur. Það skildi þó ekki vera að það virðist nú vera vænlegt til gróða að tala niður til okkar mannana sem að búum þessa jörð. Meira um þetta þegar ég hef séð umrætt meistaraverk.

 

Þunglyndir í kjölfar Avatars

Hlusta VG liðar ekki á RÚV

Held að VG þurfi varla að hafa áhyggjur af fjölmiðlum og stöðu þeirra RÚV stendur stjórnarvaktina með prýði að mínu mati og ekki er Fréttablaðið síðra í að bera fram ógeðsdrykkstefnu stjórnvalda.

Það skildi þó ekki vera að VG og Samfó  setji fjölmiðlalög á Davíð  Þeim yrði sko ekki skotaskuld úr því að réttlæta þá aðgerð hún myndi ein og sér hækka gengi Íslensku krónunnar gera okkur svo miklu trúverðugri í útlöndum og sennilega lengja sumarið um mánuð. Eða þannig myndi réttlætingin hljóma síðar kæmi að vísu í ljós að um tálsýn væri að ræða en hvað um það boðun tálsýna hefur ekki haldið vöku fyrir stjórnaliðum síðustu misserin.

Þungar áhyggjur af fjölmiðlum

Jákvætt misrétti

Það er alveg ótrúlegt hvað nú á dögum hin menntaða elíta og ráðamenn hafa litla trú á fólki það þarf að setja allt í lög. Lögin og tillögurnar redda síðan málunum eins og eiturlyfjalaust Ísland 2000 var það ekki.

Ég hef það mikla trú á konum að ég tel þær vel færar til að komast áfram á sínum eigin forsendum eða hver vill vinna starf af því að hún fékk það vegna þess sem hún ber milli fóta en ekki getu hennar sjálfrar.

Síðan er ekki mikið fjallað um það þegar hallar á karlmenn og ekki hafa skattabreytingar stjórnvalda bætt hlut heimavinnandi kvenna mikið. Nei að mínu mati er þetta pólitískur sýndarleikur á efri stigum og það sem pirrar mig mest er að á þessum tímum þegar að þarf virkilega að vinna að því að endurreisa þjóðfélagið sinna málum Íslands og forgangsraða til að komast upp úr kreppunni. Þá eru þetta forgangsmál hjá pöpulistunum.

Nú þurfa þau fyrirtæki sem að hafa staðið af sér hvellinn að fara að endurskipuleggja stjórn kerfi sitt eftir að hafa þurft að endurskipuleggja bókhaldskerfi sitt og önnur mál sem að þau hafa þurft að gera vegna þess að ráðamenn eru að leika sér í stað þess að vinna vinnuna sína. Félagmálaráðherra er nær að fara safna efni í skjaldborgina áður en hann snýr sér að þessu.

Mér er síðan enn ofarlega í minni Kastljós fyrir löngu um þetta málefni þar sem kom fram að það þyrfti að kljúfa upp stjórnir fyrirtækja til að koma konum að. Þá kom spurning en ef að systur stofna félag þarf þá önnur systirin að víkja fyrir karlmanni. Það varð þögn smá stam en síðan skoooo nei nei það er ekki öll mismunum neikvæð stundum þarf að vera til staðar svokölluð jákvæð mismunun. Endursagt eftir minni þannig að þetta er ekki orðrétt en meining sú sama.

Mismunun er aldrei jákvæð einkafyrirtæki eru einkafyrirtæki og menn og konur eiga að fá að ráða því sjálf hvernig þeim er stjórnað. Mér persónulega er sama hver ræður en mér líður betur ef viðkomandi gerir það vegna eigin verðleika en ekki vegna kynferðis það veitir atvinnu öryggi til lengri tíma litið.

Árni Páll getur síðan sýnt fordæmi og sagt af sér og vikið fyrir konu eftir höfðinu dansa jú limirnir ekki satt.

Þörf á beinum aðgerðum í jafnréttismálum

Fullt af froðu.

'I fréttinni kemur þetta fram

"Í tíð ríkisstjórnarinnar hafa ýmiss framfaramál náð fram að ganga sem ekki hefði orðið án þátttöku Vinstrihreyfingarinnar – græns framboðs ríkisstjórn og því ber að að fagna. Skal þar fyrst nefnt afnám hinna alræmdu eftirlaunalaga sem og nýtt tekjuskattskerfi sem mun verja hina tekjulægstu fyrir skattahækkunum og dreifa byrðunum á réttlátari hátt en áður. Þá má einnig nefna jöfn hlutföll kynja í ríkisstjórn, hærri grunframfærslu námslána, skýra og metnaðarfulla stefnu í loftslagsmálum, kaup á vændi hafa verið bönnuð, stækkun friðlandsins í Þjórsárverum hefur verið samþykkt, lög sem bæta stöðu sprotafyrirtækja hafa verið samþykkt, ákveðið hefur verið að leggja niður Varnarmálastofnun og svona mætti lengi telja."

Segir þetta ekki allt sem þarf. Hvar er skjaldborgin hvar er ekkert ESB hvar er hvar er hvar er. Þegar stórt er spurt er lítið um svör en þó er að verða ljóst að stólarnir hafa segul.

Það kemur líka fram að VG telur góða hluti gerast hægt ég er ekki sammála því ég sé enga góða hluti sem skipta máli fyrir stóran hluta þjóðarinnar hér á ferð og það kemur til með að ske hraðar en VG gerir ráð fyrir að stór hluti þjóðarinnar greiði atkvæði með fótunum hinum sem eftir verða tekst þeim að murka úr lífsanda hægt og rólega en að það sé góður hlutir um það er ég ekki sammála þeim

Flokksráð VG styður stjórnina

Sitt sýnist hverjum hvað er skynsamlegt

Það verður ekkert leyst lengur án þjóðaratkvæðagreiðslu að mínu mati. Undanfarið hefur opinberast ótrúleg afstaða hjá stjórnmálamönnum gagnvart þjóðinni hvar í flokki þar sem að þeir eru. Það var athyglisvert hvernig jafnvel Pétur Blöndal fylgismaður atkvæðagreiðslu hálfbakkaði í þeirri afstöðu ásamt mörgum fleirum. Það hefur opinberast að það mætti halda að leiðtogar okkar teldu sig vera í vinnu fyrir einhverja allt aðra en þjóðina og að þjóðin sé afgangsstærð í þessu öllu saman.

Þetta vekur upp spurningu sem verður áleitnari með hverjum deginum það er fyrir hverja eru stjórnvöld að vinna ég tel að það megi efast um það á stundum að það sé fyrir þjóðina.

Ég ætla rétt að vona að við getum núna staðið í lappirnar og gengið til góðs götuna fram eftir veg og haldið reisn okkar. Það er nefnilega tilfellið að eftir að forsetin synjaði lögunum hef ég ekki heyrt frá erlendum aðilum sem ég hef all nokkur samskipti við þau stríðnis og kerknis orð sem að ég heyrði áður heldur aukna virðingu fyrir landi og þjóð og réttmæti  málstaðar okkar.

Það er nefnilega þannig hvað sem stjórnmála og fjármála elíta reyna að telja okkur trú um að virðing er ekki keypt með peningum og siðferði er í flestum tilfellum svo mikil andstæða fjarmagns að mætti líkja við gufu og ís.

Kæru stjórnvöld  við viljum fá að greiða atkvæði um frumvarpið samkvæmt stjórnarskrá við viljum enga nauðasamninga sem gera börnin okkar að þrælum við viljum ekki ganga í ESB við erum stór hluti þjóðarinnar jafnvel meirihlutin hennar og látum ekki troða á okkur.

Ef þið skiljið það ekki eruð þið þá ekki til í að segja af ykkur.

Jóhanna: Skynsamlegra að leysa án þjóðaratkvæðagreiðslu

Kemur ekki til mála.

Ég vil bara ítreka skoðun mína á að það á ekki að semja um eitthvað sem að okkur ber ekki skilda til að gera svo að einhverjir stjórnmálamenn geti haldið andlitinu.

Fari svo að við verðum svipt réttinum til að sýna hug okkar í þjóðaratkvæðisgreiðslu þá hefur verið slitið frið milli stórs hluta þjóðarinnar og ráðamanna.

Enga kúgunarsamninga ekkert Icesave og ekkert ESB

Segja um góðan fund að ræða

Erum við Íslendingar algjörar lyddur

Orð Reinfeldt eru að mínu mati ekkert annað en kúgun og það verður augljósara með hverjum deginum að hér er háð stríð ekki með vopnum heldur hefur Ísland verið sett í herkví þar sem að þeir sem taldir voru vinir fara í farabroddi kúgarana.
Það er ekkert öðruvísi að setja óvígan her á landamæri ríkja og ógna þeim með vopnum eða að ógna þeim með þeim hætti sem að Norðurlönd gera núna aðferðirnar eru misjafnar en sprottnar af sama eðli og því skítlegu.

Reinfeldt hefur rætt beint við forsætisráðherra Íslands og sagt henni að norðurlönd samstilli sig í að kúga Íslendinga til að standa við alþjóðlegar skuldbindingar sem að Norðurlönd skilgreina þó ekki nánar. Á Íslensku er þetta kallað kúgun og í þessu tilfelli fer hún fram fyrir opnum tjöldum og blygðunarlaust og það versta er að ráðamenn okkar virðast fara fremstir í að riðlast á þjóðinni.

Reinfeldt segir
"við viljum að Ísland standi við þessar alþjóðlegu... skuldbindingar og þá munum við fylgja á eftir með okkar skuldbindingar."

En spyr ég hvaða alþjóðlegu skuldbindingar er um að ræða og gott er að vita að nágrannar vorir líta á hjálp sína til okkar sem skuldbindingu en ekki ljúfa skyldu sínir  þeirra rétta eðli.

"Spurður að því hvenær norrænu ríkin muni greiða Íslendingum næstu greiðslu af 1,8 milljarða evra láninu sagði Reinfeldt: Það mun fylgja á eftir ákvörðun AGS um greiðslu"
Getur fjárkúgun birst á skýrari hátt og þá hefur ákvörðun Norðurlandana ekkert að gera með hvort að við stöndum við okkar heldur hvort ASG stendur við sitt. Löðurmenni benda oft hver á annan.

Ég sem þegn í þessu þjóðfélagi geri þá kröfu að ráðamenn svari þessum hótunum nú þegar á viðeigandi hátt með sliti stjórnmálasambands við viðkomandi ríki eða öðrum viðeigandi aðgerðum. Ef ráðamenn hafa ekki þá getu eða hugsjón gagnvart þjóðinni þá segi þeir tafarlaust af sér og rými fyrir fólki sem að virðir land sitt og þegna þess og finnist engir með getu til þess eða vilja verður þjóðin að taka málin í sínar hendur.

Það er ekki hægt að búa við stöðugar hótanir og kúgun svokallaðra vinaþjóða lengur fólk hjálpar meðbræðrum sínum fúslega en ekki með hangandi hendi nýtandi hjálpina til efnahagslegra hryðjuverka.
En að mínu mati nálgast framkoma þjóðanna í kringum okkur það sem mætti kalla efnahagslegt hryðjuverk.

Kannski er hreinlega komin tími á stofnun Íslensks Lýðveldishers.
Svo má brýna deigt járn að bíti sagði einhver

 

Reinfeldt: Ákvörðun AGS forsenda fyrir láni

Mætti nota í annað.

Það væri hægt að útbúa nokkra pakka í mæðrastyrksnefnd eða kosta nokkurar fæðingar á Norðurlandi fyrir þennan pening að mínu mati.

Óskýrar reglur um laun stórmeistara