Gott mál.

Þetta er hið besta mál og fátt annað en gott um það að segja þegar þeir sem vilja borga reikninginn stiga fram þá er vitað hvert á að senda hann þannig að það er hið besta mál að viðkomandi aðilar séu þekktir.

Ég hef hinsvegar ekki breytt þeirri skoðun minni að

1 Ég ætli mér ekki að borga skuldir sem ekki var stofnað til af mínum völdum.
2 Ég skrifa ekki undir óútfyllta vixla til handa börnum mínum og barnabörnum

Mér finnst síðan allt í lagi að fólk komi fram og segi að það vilji borga eitthvað en mér finnst hæpið að forystumenn félagasamtaka komi fram og tali í nafni þeirra nema að um það hafi farið fram atkvæðagreiðsla.
Það er síðan eitthvað mikið vitlaust er að lánshæfismat einhvers getur lagast við að auka skuldir það er eiginlega svo vitlaust að fólki ætti ekki að detta svoleiðis í hug.

En kannski er ég bara svona galinn.

Meðan ég man. "Ég ætla að segja nei við Icesave"

Segja já við Icesave

Vitlaust vitlausara vitlausast

Hér er tvímælalaust en eitt afburðadæmið um gæði Íslenskrar stjórnsýslu þegar Alþingi fer á svig við dóm til að koma í gegn ráði sem á að endurskoða æðstu lög þjóðarinnar.

Þetta er vitlausara heldur en að láta sér detta í hug að ákæra einn mann fyrir Íslenska hrunið eru virkilega engin takmörk fyrir heimskunni hér á landi.

ég á varla til orð en skora á þá fulltrúa sem að þarna eiga sæti að afsala sér sætinu því óháð því hvaða skoðun vér berum til þessa þings þá er ekki deilt um að kosning til þess var dæmt ólögleg og ér þetta þing ekki skipað til að styrkja lagareglu þjóðarinnar.

Það á einfaldlega að kjósa aftur og gera það rétt núna

Stjórnlagaráð samþykkt

Alveg rétt en samt svo rangt

Það er rétt há Stjórn Samfylkingarfélagsins í Reykjavík að segja að

 "Ábyrg stjórnmálaöfl bregðast við slíku með niðurskurði og sparnaði en reyna á sama tíma að láta þær aðgerðir bitna sem minnst á íbúunum,"

Af þessu dreg ég þá ályktun byggða  á þeim tilögum sem að ég hef séð eins og niðurskurði sem bitnar á íbúum meðan Harpa heldur áfram og laun varaborgarfulltrúa eru hækkuð og ótlamargt fleira sem fulltrúar okkar hafast að. Af því dreg ég þá ályktun að sé fullyrðing þessa félags um ábyrg stjórnmálaöfl rétt sé hún um leið yfirlýsing um að Samfylkingin sé ekki ábyrgt stjórnmálafl annað get ég ekki lesið úr þessu sé það borið saman við það stjórnarfar sem hér ríkir nú um stundir .

Styður sparnaðaraðgerðir borgarinnar

Að taka málin í eigin hendur.

Ég er búin að vera hugsi eins og fleir yfir ástandinu hér á landi, það gengur hvorki né rekur allt er helfrosið það litla sem gert er veldur yfirleitt meiri vandræðum en fyrir voru, hver höndin er upp á móti annarri og þjóðin sekkur dýpra í sinnuleysi örvæntingu og mók.
Ég held að hluti vandans sé sá að til að halda völdum hafa stjórnvöld gert allt sem þau geta til að sundra þjóð sinni og þeim hefur tekist það svo vel að þau eru í raun búin að eyðileggja þessa þjóð.
Sparifjáreigendur kalla skuldara óreiðufólk, skuldarar kalla sparifjáreigendur okrara, fólk með vinnu nefnir atvinnulausa bótasvikara, þeir sem mat hafa kalla soltna letingja sem ekki nenna að vinna. Hvað er þetta annað en dæmi um gjörsamlega rofna samstöðu.

Kona sem kom fram í bítið líkti þessu við heimilisofbeldi ég vil frekar nota líkingu við það þegar verið var að reka söfn í gerði og lausnin var að reka kindurnar hratt svo að þær hefðu ekki tíma til að snúa gegn manni því þá var fjandinn laus. Sama leik hafa stjórnvöld notað þannig að fólk er ráðvilt, loforð eru gefin en svikin svo hratt og ný gefin að fólk hefur ekki lengur tölu yfir umfangið.

Skipulega er gengið að fólki í vandræðum, staðreyndum bæði sönnum og miður sönnum er skellt fram svo hratt að ekki er hægt að kryfja þær til mergjar.
Þetta er síðan keyrt áfram með góðum stuðningi fjölmiðla sem vippa inn einu og einu máli sem setur umræðu á annan endan til að hjörðin geti stokkið á og beint allri umræðu að í einhvern tíma meðan að öðrum ljósfælnari málum er rennt í gegn.
Þetta er alla vega sú sín sem að ég hef á málin í dag.

Ég held þó að þetta hafi breyst um helgina RUV sá ekki ástæðu til að fjalla um það í kvöld en Stöð 2 gerði það. Hér á ég við þá andstöðu sem að aðgerðir borgarstjórnar mættu um helgina greinilegt er að fólki er misboðið það er búið að fá nóg það var grátlegt að sjá  Borgarfulltrúa sem var að segja okkur að það væri víst búið að skera niður í menningunni svo nefndi hann leikfélagið og íþróttafélögin sem dæmi en eru ekki íþróttafélögin einn af hornsteinum heilbrigðs uppeldis ljóst var að mínu mati að hann hafði vondan málstað að verja og vissi það en það er okkur borgurunum orðið ljóst að sætin eru svo hly að það virðist fólki vera auðvelt að verja málstaði sem alla vega mér finnst ekki góðir.

Það var þó ekki þetta sem að mér datt í hug heldur annað. Undanfarið er búið að vera mikið talað um einelti, einelti og yfirgangur á ekki að liðast en það má segja að hvernig stjórnvöld hafa hagað sér gagnvart þegnum sínum sé yfirgangur.
Skipulega er troðið á rétti okkar og ekkert tillit tekið til hagsmuna fólksins heldur eru hagsmunir fésýslustofnanna og annarra nátengdari valdhöfunum látnir ganga fyrir.
En það er með yfirgang eins og einelti hvorutveggja þrífst ekki nema að það séu fylgjendur sem láta leiða sig.
Er ekki lausnin að segja hingað og ekki lengra hvers vegna tökum við einfaldlega ekki málin í eigin hendur. Borgin getur ekki lengur rekið skammlaust skóla eða gefið börnum mat er ekki lausnin að við borgarnir réttum þeim fingurinn og stofnum hópa og skiptum liði og tökum að okkur að fæða börnin okkar í skólunum.
Foreldrafélög geta skipt með sér hjálparstarfi í mötuneytunum vaskað upp skorið grænmeti tekið að sér leikvalla gæslu hjálpað til á róluvöllum.
Við getum hjálpað til á elliheimilunum hlúð að gamla fólkinu síðustu metrana, stofnað hverfaráð sem skipuleggja kvöld og helgar eftirlit í eigin hverfum til að verja eigur okkar og afkomendur sem sagt tekið stjórn mála í okkar hendur í staðin fyrir að láta reka okkur eins og sundurlausa hjörð kvikfénaðar á leið til slátrunar. 
Kannski að neistinn til að taka málin í sínar hendur og hætta að vera þolendur hafi kviknað í Rimaskóla og Breiðholti um helgina.
Kannski að við séum að nálgast það að einhver taki upp fyrstu spýtuna og byrji endurreisnina og aðrir fylgi vonandi að það sé einhver sem að byrjar á að byggja dúfnakofa fyrir börnin en ekki bílskúr fyrir sjálfan sig.

Þetta gæti verið lausnin því að hvað eru valdhafar án þegna og núverandi valdhafar hafa synt sig að vera ekki þess verðir að hafa þá þegna sem Íslensk þjóð er að mínu mati.

Hvað með það

VIð grillum bara eitthvað annað í staðin lambakjöt er hvorki upphaf né endir á alheiminum en samt broslegt ef að fer svo að þjóð í hremingum sem að borgar framleiðslustyrki með vöru nýtur hennar ekki vegna þess að hún er niðurgreidd með peningum þjóðarinnar og flutt á erlendan markað.

Hálf fyndið

Grillkjöt gæti orðið af skornum skammti

Hefur ekkert með Ísland að gera

Svona boðskapur er farin að pirra mig svolítið. Íslandi vantreyst þjóðinni vantreyst og svo framv og svo framvegis.

Þetta hefur ekkert að gera með Ísland eða þjóðina heldur með það að gera að hluti Íslensks viðskiptalífs og atvinnulífs fór hér hamförum og lagði heila þjóð á hliðina það verður því að virða mér það að ég sé skeptískur þegar að fulltrúar þessara sömu geira tala um orðspor Íslands að það sé laskað. Ég bið þá um að hætta að tala um Ísland í þessu samhengi og tala þá frekar um gerendurnar en þá má finna á forsíðum gamalla VIðskiptablaða og þarf ekki lengi að leita.

Össur endurfjármagnar

Kunna þau virkilega ekkert annað.

Það er magnað að eina sem velferðaröflunum dettur í hug þegar kemur í ljós að þau eru enn einu sinni með allt niðrum sig i endurreisninni er að hækka skatta.
Þau gala  já hækkum skatta, ja við verðum bara að hækka skatta. hækkum skatta á hátekjufólkið, á bensínið á matin á þessu á hinu það er engin önnur lausn á ferðinni í galtómu toppstykki velferðarinnar.

Hver er svo glæpurinn sem á að nota til að hækka skatta á þjóðinni jú það eru tveir bankastjórar sem hefur komið í ljós að hafa tekið sér dágóð laun og til að friða þjóðina þá hefst hátekjuskatt söngurinn, gallinn er bara sá að þjóðin er farin að sjá í gegnum þennan þvætting.
Hver eru síðan mörkin þau eru ekki við þau laun sem þeir hafa sem  um ræðir nei þau eru sett þannig að það náist í afturendann á sjómönnum og læknum ja svona 1200 000 sagði einhver.
Þessi upphæð er að verða sú upphæð sem að stór fjölskylda hér þarf til að lifa upprétt í hinu nýja Íslandi, við hin sem erum langt frá þessu erum í raun undir framfærslu mörkum.

Hneykslunin er bara uppgerð að mínu mati ég sé ekki annað en fullt af fólki sé í störfum á vegum velferðaraflanna bæði í bönkum og annarstaðar og fái vel greitt fyrir oftar en ekki eru greiðslurnar ynntar af hendi til einkahlutafélaga.
Væri ekki nær fyrir okkar duglausu hjörð stjórnmálamanna að taka á því vandamáli sem að einkahlutafélög og kennitöluflakk eru en kannski þar sé nef náið auga og ekki megi snerta.

Ég heyrði ekki betur í morgun en að sagt væri í Bylgjunni í Bítið að ef skattar yrðu hækkaðir myndu menn bara stofna einkahlutafélög og greiða sér laun þaðan til að komast hjá sköttum Það er ljóst að hinn almenni launamaður eins og til dæmis sjómenn geta ekki farið þá leið. Þannig að þessari skattahækkun hlýtur að vera beint að almenningi stjórnvöld vita að hinir þóknanlegu komast framhjá henni.

Í fréttinni segir að
"Launajöfnuður og réttlát tekjuskipting eru baráttumál íslensks félagshyggjufólks sem krefst þess að ofurlaunum verði mætt með viðeigandi sköttum.“

Þessi stefna getur vel verið um jöfnuð en hún er greinilega um að jafna öllu niður á við þangað til að engin getur lifað af því sem að hann eða hun aflar og allir versla þá í Matvöruverslun ríkisins sem að sami flokkur vill innleiða. 

Stefnan hefur ekkert með réttláta tekjuskiptingu að gera
Ég vildi gjarnan hafa jöfn laun og vélstjóri á úthaftogara eða loðnuskipi það er jöfnuður en það er ekki réttlæti þar sem að ég eiði ekki árinu á sjó ég vaki ekki heilu og hálfu sólarhringana eða rúlla um ósofinn í vitlausu veðri. Þannig að sá launamunur sem milli okkar er er fyllilega réttlætanlegur og í raun jöfnuður þar sem að annar leggur mun meira á sig en hinn til að bera meira úr býtum og ekkert réttlæti í að setja hátekjuskatt á hann fyrir það.
Alla vega er ég ekki fylgismaður þess. Ég er hins vegar fylgismaður þess að stjórnvöld hafi hemil á hirð þeirri sem er á beit í þjóðfélaginu á þeirra vegum og láti hana ekki ganga sjálfala nagandi landið niður að rót.

Hvernig var það svo var það ekki ríkistjórnin sem að setti lög um að laun forseta og handhafa þess valds skildu lækka. Laun forsetans lækkuðu en ekki hinna samkvæmt fréttum mér leikur hugur á að vita hvernig svona mistök geta hafa átt sér stað. Þarf ekki að fara að kenna heimilisbókhald á æðri stigum þjóðfélagsins ég tek eftir því ef ég fæ 5000 kalli meira eða minna. Eru svona mistök lögbrot og lögbrot að þiggja greiðslur sem manni eru ekki ætlaðar eða voru þetta aldrei nein lög eða tilmæli frá valdinu bara svona eitthvað til að friða okkur lyðin. Mér leikur forvitni á að vita það og biðst forláts ef að ég hef miskilið fréttina en þetta ver minn skiningur á henni.

Ofurlaunum mætt með viðeigandi sköttum

Mikilvægt fyrir hverja

Ég verð að segja það að ég deili ekki skoðun með Mr Brian  og ég tel hann í raun innfluttan friðþægingarpostula til að laga samvisku fámenns hóps fólks sem yfirgefið hefur Íslenska raunheima að mínu mati en þarf nú smá fullvissu um eigið ágæti.

"Með því að hætta að hugsa um fortíðina geti menn aukið verulega á ánægju sína enda verði fortíðinni ekki breytt og tilgangslaust sé að velta sér upp úr hverjum fjármálakreppan sé að kenna, sagði  Tracy og vitnaði til fólks sem hefði ákveðið að „taka ekki þátt“ í kreppunni"

Hver getur síðan ákveðið að taka ekki þátt í kreppunni hef ég val um það get ég ákveðið að borga ekki hærra vöruverð að lánin mín hækki ekki osfrv.
Hverjir græða á því að við hættum að leita sökudólganna ?

Mér finnst þetta sorglegur málflutningur við eigum ekki að gleyma neinu við eigum að muna og læra.

Að mínu mati er hér um að ræða trúarsamkomu þar sem fengin er trúboði til að reyna að sannfæra lýðinn um að best sé að halda áfram að moka grafirnar og vera ekki að agnúast út í þá sem settu allt til helvítis og eru að fá það  sem að þeir klúðruðu til baka innpakkað í gjafaöskjur á hálfvirði, keypt með verðmætum sem að þeir öðluðust á þann máta sem flestum er að verða ljóst.

Við eigum ekki að velta okkur upp úr getulausu stjórnkerfi endalausum ráðningum bak við tjöldin mismunun á milli fyrirtækja, 40% launahækkun bankastjórnenda og lengi er hægt að telja áfram en hér skal látið staðar numið.

Nei það er mikilvægt að halda áfram að lýta til baka og læra af mistökunum og ætli menn ekki að læra þá þarf að troða lærdómnum í viðkomandi.

 

Taka ekki þátt í kreppunni

Sanngjörn laun.

Ekki ætla ég að hnýta í að menn hafi laun í samræmi við ábyrgð og að menn og konur hafi góð laun. Það er gott þegar viðurkennt er að sú launastefna sem hér hefur verið rekin er röng og það þarf að laga hana. Ég tel því að línurnar hafi verið lagðar fyrir næstu kjarasamninga það er mikið talað um að laun fari eftir ábyrgð og við höfum öll séð hvaða ábyrgð stjórnendur banka bera. Þess vegna má með sanni segja að laun þeirra séu samkv ábyrgð sanngjörn lágmarkslaun í þjóðfélaginu ábyrgðarlega séð það hlýtur bara að vera það fór heil þjóð á hausinn og engin hefur axlað ábyrgð svo að þarna er lágmarksábyrgð á ferðinnióg laun hljóta því rökfræðilega að vera lágmarkslaun.

Það er því ljóst að Gylfi og VIlli hafa fengið grunnin sem að þeir þurfa að byggja á í komandi samningum sem að þeir hafa einhvernvegin ákveðið að verði lokið í apríl sem er svolítið magnað svona eins og úrslitin séu þegar ákveðin.

Laun bankastjóra Arion banka 46 milljónir

Þjóðarútvarpið.

Þjóðarútvarp er að mínu mati útvarp sem er málsvari þjóðar það fjallar um þjóðina sögu hennar og menningu það flytur fréttir af sorgum og sigrum og síðan en ekki síst er það málsvari þjóðarinnar hlutlaust og réttsynt enda rekið af skattfé borgarana og á að standa vörð um þá alla.

En gerir útvarpið eitthvað af þessu ég held að mörgum finnist eins og mér að þjóðarútvarp í dag sé eins langt frá því að vera útvarp þjóðar eins og hægt er. Mér finnst það vera málsvari stjórnvalda og oft á tiðum fara í farabroddi í að kynna ákveðnar skoðanir og þá skoðanir stjórnvalda frekar en að gegna hlutverki sínu sem frjáls og óháður málsvari þjóðarinnar sem heldur því gangandi.

Í fréttinni segir.

" Samfylkingarfélagið í Reykjavík og Vinstri græn í Reykjavík standa fyrir málþinginu ásamt áhugahópi um þjóðarútvarp."

Þeir hópar hafa síðan líklega valið hinn fjölbreytta hóp sem að best er til þess fallinn að ákvaða hvað er þjóðarútvarp og flytur erindi þar um en þeir eru samkvæmt fréttinni.

"Fjölbreyttur hópur fólks á sviði fjölmiðlunar, menningar og lista flytur stutt erindi"

Þetta er að mínu mati ekki fjölbreyttur hópur hvar eru iðnaðarmenn og konur, bændur, verkafólk, unglingar, húsmæður og húsfeður. Hvar eru fulltrúar neytendanna?
Ég sé þá ekki ég sé ekki fulltrúa hlustenda aðeins fulltrúa þeirra sem hafa afkomu sína af miðlunum.

Frá mínum bæjardyrum séð er hér um að ræða málþing fólks á sviði fjölmiðlunar, menningar og lista  úr stjórnarflokkunum sem hefur afkomu sína að hluta til af ljósvakamiðlum.
Málþing sem á að leggja þóknanlegar línur til næstu framtíðar um það sem þar birtist.´
En tekið skal fram að hér er um útsyni úr mínum bæjardyrum að ræða og ekki víst að það sé eins frá öðrum bæjum.

Það verður varla fjallað mikið um andstöðu gegn ESB Icesafe eða ofurskatta í þessu þjóðarútvarpi. Nei þjóðin verður kæfð við undirleik þeirrar menningar sem að hinum ofangreinda fjölmenna hópi þykir við hæfi.

Er ekki hægt að spara og semja við útvarp Norður Kóreu um að senda hér út. Við getum sent þeim lambakjöt í staðin þeim sárvantar orkuríkt fæði og við losnum við að borga útvarpsgjald sem yrði þá í formi niðurgreiðslna til sauðfjárbænda og þvi ða mínu mati þjóðegt.

 

 

 

Framtíðarþing um Ríkisútvarpið