Dásemdir tækninar.

Óska Orkubúinu til hamingju með vélina sem veitt hefur þeim ljós og yl í svona langan tíma einnig mér meðan ég bjó á Vestfjörðum.

Það var gæfa Vestfirðinga á þeim árum sem þessi vél var sett upp að ekki var búið að finna upp Umhverfisráðuneytið.

Fossavélin hefur gengið í 73 ár

Ég græt beiskum gleði tárum.

Og hvað vekur þessa taumlausu gleði hjá mér. Það skildu þó ekki vera fréttirnar um að hinn margumtalaði almenningur fái  að kaupa hlutabréf í Högum. Að almenningur fái nú að eiga í fyrirtækinu sem að hefur það í höndum sér að sá hin sami almenningur greiðir eitt hæsta vöruverð á byggðu bóli. Já þessi almenningur sem hefur síðustu misseri orðið fyrir meiri kjaraskerðingu heldur en þekkst hefur áður síðustu árin, þessi almenningur þar sem stór hluti hans berst við að ná endum saman samanber könnun VM. Já þessi almenningur getur nú keypt hlutabréf í Högum. Skildi vera að tilsjónarmenn þeirra sem eru í greiðslujöfnun og stjórna eyðslupeningum fólks láti fólk hafa aura til að kaupa hlutabréf í gullgæsinni kannski enda er gæsin stjórnvöldum og bankaelítunni hjartfólgnari en margar aðrar engu síðri gæsir sem ratað hafa í hænsnakofa bankanna undanfarið.

Já mér falla tár af hvörmum af einskærri gleði um leið og ég gubba af vanþóknun því ef að þetta er skoðað með köldu raunsæi þá er ljóst að það munu engir geta keypt í þessu fyrirtæki nema fyrri eigendur og þeir sem fengu allt sitt í hruninu hinir það er hinn raunverulegi almenningur mun sitja eftir og gjáin milli hans og þeirra sem að hafa stundað sína hagsmunagæslu blygðunarlaust síðan allt fór á hliðina mun enn breikka. Hin raunverulegi almenningur er ekki með neina peninga afgans i munað eins og hlutabréfakaup þessa dagana þökk sé ríkistjórninni og að hluta til fyrirtækinu sem á nú að leyfa almenningi að kaupa í.

Í mínum augum er þetta ekki ósvipað því að ákveðnum ofsóttum hópi hefði verið boðið að kaupa hlutabréf í hakkavélinni sem beið þeirra eftir að búið var að berstrípa þau á leið þeirra til hinnar endanlegu lausnar.

Að mínu mati á að kljúfa fyrirtækið upp og setja lög sem duga til að sú fákeppni sem hér ríkir á markaði geti aldrei átt sér stað aftur. Síðan á að leiðrétta þann lögverndaða þjófnað sem umræddur almenningur hefur orðið fyrir undanfarið.

Jón og séra Jón

Það er ekki verið að gefa einum eða neinum neitt dynur á okkur endalaust frá alveg hlutlausum fjölmiðlum og almannatenglum.

Ég get þó ekki annað en velt því fyrir mér hvernig þetta þjóðfélag er orðið í dag. Það er þekkt að þetta fyrirtæki skuldar stór fé það á alltof stóran hlut af matvörumarkaði á Íslandi og það hamlar samkeppni. En þó að það þurfi að afskrifa upphæðir sem við almúginn skiljum ekki þá er talið nauðsynlegt að sömu eigendur stjórni fyrirtækinu áfram þeir eru jú svo klárir. Þetta eru séra Jónar samfélagsins og þeir virðast eiga nógan pening til að kaupa sig inn í það aftur. Miðað við frásagnir annars fólks sem misst hefur sitt verður bara að fyrirgefa mér að það hvarflar að mér að það sé verið að gefa einhverjum eitthvað í mörgum þeim dæmum sem að við horfum upp á í dag í þessu rotna þjóðfélagi.

Þeir sem ekki heita Séra Jón eru meðhöndlaðir á annan hátt. Þar getur verið um að ræða venjulegan fjölskyldu Jón sem að missti vinnuna eða varð svo óheppin að húsnæðislánið hans margfaldaðist til að hægt væri að millifæra fé frá honum til þeirra sem að áttu pening í sjóðum bankanna og fengu allt sitt bætt svo að aumi Jón varð gjaldþrota.
Þessi Jón er ekki eins hátt metin jafnvel þó að hann sé önnum kafin við að ala upp verðandi Icesave þræla sem eiga að borga þrælaskuldirnar fyrir þá sem að fengu allt sitt bætt og passa sig nú á að halda peningunum til hlés nema þegar hægt er að kaupa upp íbúðir og fyrirtæki á smánarvirði.  Aumi Jón er því þjóðinni mun nauðsinlegri til framtíðar en Séra Jón sem mætti alveg missa sig.

Þessi Jón kemur heldur ekki til með að fjárfesta í Högum hvers vegna ekki. Jú þegar hann var gerður upp vegna 5000 000 sem hann skuldaði þá lenti hann á vanskila lista og fær i dag ekki kreditkort og það sem broslegast er hann fær ekki heldur debet kort hann fær sem sagt ekki staðgreiðslukort til að nota peninga á eigin reikning enda er hann ekki séra Jón. Hann getur ekki einu sinni farið úr landi því að skipafélögin sem búið er að afskrifa af miljarða og færa sum til þeirra eigenda sem að ollu afskriftunum þessi skipafélög flytja ekki hluti fyrir óreiðu fólk.

En þau flytja fyrir Séra Jón enda nemur endanlegt tjón vegna hans einhverri sex stafa tölu heldur sennilega tölu sem að kemst ekki fyrir á Casio reiknivél og fellur sennilega út þá jú því að þegar svoleiðis tölur koma upp þá kemur ERROR á reiknivélina. Það er kannski málið að skulda það mikið að reiknivélarnar sýni bara error. Ekki veit mín smáborgara lega sál það en hitt veit hún að það er stór munur á að vera Jón eða Séra Jón í dag á Íslandi og sá munur fer vaxandi.

Það er síðan ljóst að engum er um það að kenna nema Jónum þessa lands að vera svo miklir aular að gera ekkert í þessum málum og láta labba yfir sig á skítugum skónum dag eftir dag svo lengi sem að þeir láta það yfir sig ganga verður það svo og þeir geta engum um kennt nema sér sjálfum.

Mun styrkja hlutabréfamarkað