Farið að vinda á stjórnvöld

Nú nálgast lægð landið og það er spáð snjókomu ég tel að lognið sem að hin ráðlausa ríkistjórn og bankar sem að ekki  hafa lært auðmýkt gagnvart viðskiptavinum sínum hafa notið sé liðið og nú þurfi þessir aðilar að fara að gera sjóklárt og jafnvel fara að athuga ástand björgunarbúnaðar síns og koma sér í æviráðnar stöður með sæmilegum bitlingum eins og hefur verið siður áður en að þeim tekst að kvelja alþýðu landsins það mikið að hún rísi upp og það verður ekki lamið í potta þá tel ég.

 Ég spái því að það verði ekki langt þangað til Steingrímur verði sem fyrr enda þá komin í stjórnarandstöðu og getur talað af vild og ég spái því að völva vikunnar sjái það fyrir þessi áramót að tími Jóhönnu sé komin og einnig liðinn. Málið er bara það að það eru engir í augsýn til að taka við. Á þingi eru sárafáir sem virðast vera í einhverjum tengslum við fólkið í landinu en því betri tengslum við sjálfa sig og sína.

Það er komin tími til að hinn almenni borgari snúi bökum saman og myndi breiðfylkingu það er sá mikli meiri hluti sem aðhyllist sjálfstæða stefnu fyrir land og þjóð og uppbyggingu öllum til hagsbóta án þess að vera endalaust að leita hófana við erlent vald. Það er komin tími á fólk sem þorir, fólk sem afnemur þessa gengdarlausu vitleysu sem víxlverkun verðlags og lána er fólk sem veit að án hreinnar verðmætasköpunar næst engin árangur.  Það er komin tími á fólk sem að getur rekið landið án þess að vera sífellt með hendurnar í vösum fólksins og án þess að stofna hvert ríkisapparatið öðru stærra og klunnalegra.
Það er komin tími á breytingar og breytingar verða að ske. Núverandi stjórnvöld og þeir sem að sitja í stofnunum nefndum og stýra þessu í dag á vegum ríkisins hafa sannað vangetu sína til verksins og komin tími á að þeir stigi til hliðar fyrir öðrum sem að vinna betur fyrir land og þjóð.

Vel mætt á útifund