Er bilunin algjör.

Ég sem fylgismaður hægri stefnu og frelsi einstaklingsins kafnaði liggur við á rúnstykkinu mínu þegar ég las þetta. Ég er fylgjandi frelsi einstaklingins og að ríkið sé ekki með puttana í hlutum sem það á ekki að vera með puttana í en auðlindir orka heilbrigðisgeiri menntun samgöngur og betrunarþjónusta það á að vera á hendi ríkisins. Annað sjá einstklingar um innan ramma laga og siðferðis og ef þeir misnota það þá á að refsa þeim fyrir en ekki verðlauna.

Í dag bíða margir einstaklingar eftir afplánun fyrir margskonar glæpi og suma ekki stóra miðað við þá stóru glæpi sem að afskrifaðir hafa verið og verið er að afskrifa.
Á sama tíma er verið að setja pörupiltana okkar á þvottabrettið og skafa af þeim skítinn og óþveran meðan að alþýðan á ekki fyrir sápu. Þegar búið verður að skafa skítinn af þeim og rétta þeim gullklæðin aftur verða þeir þeir einu sem að hafa efni á að reisa svona byggingu eða viljum við að erlendir fjárfestar reisi Íslenskar betrunarstofnanir ekki hljómar það betur. Síðan ef einhvern byggir eitthvað þá vill hann fá arð af því og á þá ríkið að borga arð af notkun byggingarinnar ofan á þann kostnað sem af afbrotamönnum hlýst.

Þvílíkt bull í dag flýja iðnaðarmenn land vegna þess að það vantar vinnu vinnukraftur þeirra er í ódýrara lagi í dag því er lag fyrir ríkið að byggja eitt stykki fangelsi núna með Íslensku vinnuafli og í eigu ríkisins það er nefnilega ódýrara að borga smiðunum laun heldur en atvinnuleysisbætur Það stóð ekki í núverandi ríkistjórn að stórauka greiðslur listamannalauna og var talið vera bót á atvinnuástandi en það er sennilega ekki sama um hverja er að ræða sennilega börðu of fáir iðnaðarmenn pottana fyrir VG og Hulduflokkinn sem hvergi sést í vetur. Ég sé ekki aðra skýringu.

En ég sé fyrir mér í anda stóra byggingu í Reykjavík byggða af stórhuga einstaklingum fyrir aflandseyjafé enda ekki til betri leið að koma því aftur til landsins en með aðstoð ríkisins. Gangarnir geta síðan verið nefndir eftir víkingum 21 aldarinnar til dæmis væri þar Sigurjónssund, Heiðarsholt, Wernerstreet, Björgúlfsbæli og torgið í miðju væri auðvitað nefnd Baugur síðan gæti Hagavagninn flutt fanga milli deilda og aðvörunnakerfið héti Gaumur.  Minnir mann á nafngiftir ganga í gamla heimavsitar skólanum
Þetta væri  allt saman byggt af fjárfestum og eitt er ljóst að fjárfestar hér á landi eru ekki þeir sem hafa orðið að þola hækkun lána sína og framfærslu til að bæta hinum raunverulega fjármagnseigendum tjónið sem gerir þá aflögufæra um fjármagn í eitt stykki fangelsi til að hýsa þá sem mögla yfir því að þurfa að axla byrðar þeirra.

Það má síðan segja að í fangelsinu sætu þeir sem stálu hæklinum af lambinu í boði þeirra sem töku hjörðina

Eru stjórnvöld biluð ég bara spyr.

 

 

Í athugun að einkaaðilar reisi fangelsi sem ríkið leigi