Allir saman nú

Allir saman nú einn tveir þrír Hljómaði í dægurlagatexta fyrir mörgum árum. Nú vill Villi að galeiðuþrælarnir taki á til að róa galeiðunni af strandstað. Það vill svo til að það voru menn úr hans deild sem að stýrðu galeiðunni þangað og er þá ekki sjálfsagt að þeir rói bara sjálfir. Það er rétt sem Vilhjálmur segir það er komin tími til að horfast í augu við raunveruleikan horfast í augu við það að það á ekkert að gera annað en að hækka álögur á meðal Jón og Gunnu Það er komin tími til að við galeiðu þrælarnir áttum okkur á því að við höfum verið höfð að fíflum og nú á að minnka matarskammtinn við róðurinn og þræða blý í endana á svipunum svo að galeiðan komist aftur á skrið. Það er eiginlega komin tími á að láta í sér heyra en verst er að það virðist öðrum en vinstri mönnum ómögulegt að standa upp og gera aðför að stjórnvöldum. Ég hef velt því fyrir mér hvað veldur en ekki fundið svar. Þó hef ég það einhvernvegin á tilfinningunni svona eins og fólk finnur veðrabrigði í beinum sínum að ekki sé langt að bíða að það sannist að það erundantekning á þeirri reglu eins og öðrum og að 2009 eigi eftir að skipa stóran sess í sögunni sem ár mikilla viðburða. Þarf að kíkja í vikuna og sjá hvað völvan sagði.

„Allir þurfa að standa saman“