ESB bætir og kætir

En á að flytja fyrirtæki úr landi ef ekki er gengið fylktu liði í ESB en hvers vegna er ekkert fyrirtæki farið enn ég er ekki alveg að skilja þetta.

Í viðtalinun stendur 
 "Hann nefnir einnig að Evrópusambandið sé nú að vinna að gerð nýrra samninga við lönd eins og t.d. Tyrkland og Egyptaland. „að er ekkert sjálfgefið að Íslendingar verði meðlimir í þessum samningum. Þannig að stór hluti af þessu er að við erum að lokast inni hérna með því að vera ekki þáttur af stærri heild.“  
Þarf ekki ESB að standa við ESS samninginn samkv honum erum við hluti af þessari heild ef að ESB notar erfiðleika okkar til að níðast á okkur sé svo viljum við þá vera þar.

Og síðan

„Svo verður þetta að koma í ljós en það gæti alveg farið svo að við þyrftum að flytja fleiri flugvélar yfir á danska leyfið, ef að til dæmis við förum ekki að koma okkur inn í Evrópusambandið svo ég tali beint út. Við verðum einfaldlega að horfast í augu við að það skapar okkur ákveðnar viðskiptaþvinganir að vera ekki þar inni,“ segir Jón Karl sem segist vita til þess að fleiri íslensk fyrirtæki sjái sér þann kost vænstan að flytjast á erlenda grundu

Ef að reksturinn er svo erfiður hér þá fer bara Primera og önnur í ESB það er svo einfalt heil þjóð á ekki að beygja sig eftir vilja fyrirtækja það er talað um erlenda auðhringi sem hér vilji öllu stjórna í krafti auðs og græðgi. En hvað um endalausar hótanir Íslenskra fyrirtækja um að fara af skerinu ef ekki verður farið að vilja þeirra um tafarlausa inngöngu í ESB.
Þó er eftir því sem að ég veit ekkert þeirra farið enn þó það hefði nú verið betra að sum þeirra hefðu gert það þegar þau hótuðu þvi. Fróðlegt hefði verið ef fréttamaðurinn hefði bætt í fréttina fjölda Íslenskra starfmanna skattgreiðslum síðasta árs veltu tölum og öðrum tölum sem að hefðu hjálpað til að gera sér grein fyrir stærðum í þessu máli.

Við skulum svo halda einu til haga það var ekki Íslenskur almenningur sem að eyðilagði lánatraust landsins í útlöndum. Það voru Íslenskir útrásarvíkingar og fyrirtæki sem fóru offörum þannig að mér finnst skjóta skökku við að síðan eigi Íslensk þjóð að gangast sambandinu á hönd til að bæta fyrir syndir þeirra. Það finnst mér ekki rétt

Hluti reksturs Primera úr landi

Athugasemdir

[Kristinn (IP-tala skráð) 24.4.2009 kl. 15:23]

"Ef að reksturinn er svo erfiður hér þá fer bara Primera og önnur í ESB það er svo einfalt heil þjóð á ekki að beygja sig eftir vilja fyrirtækja..."

Hvar ætlar þú að vinna eftir að öll fyrirtækin eru flúin land? Auðvitað eru þjóðin og fyrirtækin bundin sterkum böndum og mér þykir sjálfum skiljanlegt að fyrirtækin skuli ekki vera flúin land þar sem stjórnendur þeirra og starfsmenn eru sjálfir íslenskir og það hlýtur að vera mikil tregða sem fælir menn frá því að taka slíka ákvörðun.

Ég vil t.d. búa áfram á Íslandi en ég útiloka ekki að fara eitthvert annað ef að atvinnuástandið hér versnar. Ef ég fer, þá mátt þú svo sem alveg vera eftir í vonleysinu.

[Jón Aðalsteinn Jónsson, 24.4.2009 kl. 15:56]

Ef það er vonleysi að hafa farið úr því að búa í jarðhýsum kringum 1920-1925 í það að verða ein af nútímavæddustu þjóðum í heimi á innan við öld þá held ég að ég verði bara áfram hér í vonleysinu

[Axel Þór Kolbeinsson, 24.4.2009 kl. 17:33]

Móði stjúpföður míns fæddist í torfbæ og flutti þaðan 16 ára gömul árið 1944.