Er lýðræði að lýða undir lok

Samkvæmt frétt á http://www.norden.org/webb/news/news.asp?id=7991&lang=5 er eitt meginverkefni jafnréttissamstarfs Norrænu ráðherranefndarinnar á árunum 2006 til 2010 að rannsaka kynferði og völd NIKK mun sjá um framkvæmd á verkefninu.
"Meginmarkmið verkefnisins er að fá fram rannsóknaniðurstöður sem unnt verður að nýta við stefnumótun í stjórnmálum, jafnframt því að benda á jafnréttisaðgerðir sem hafa áhrif á, og liggja að baki, valdskiptingu milli kynja á Norðurlöndunum" Ég hélt að lýðræðið kæmi frá fólkinu og fólkið kysi fulltrúa sína eftir skoðunum en ekki millifótabúnaði. Það er samt ljóst að það stefnir í að innan fárra ára verða 63 þingmenn á þingi Íslendinga. 31 karl 31 kona einn verður síðan tvíkynhneigður. Af þessum  63 verður síðan jafnt hlutfall feitra mjórra svartra hvítra gulra fatlaðra einfaldlega jafnt hlutfall af öllum hópum þjóðfélagsins. Síðan verður jafnt hlutfall af feitum körlum og feitum konum og svo framvegis. Kosningalöggjöfin verður ansi flókin en það sparast samt því að kosningar verða óþarfar. Ég hef alltaf litið svo á að kosningar snúist um fólkið sem kosið er og hvað það stendur fyrir ég tel ekki að Vigdís Finnbogadóttir hafi verið kjörin vegna þess að hún var kona heldur fyrir það hvernig persóna hún var. Hún var semsagt frambærileg og með góðan kjörþokka i starfið sem hún sóttist eftir.
Er það bara ekki það sem vantar hjá mörgum sem að eru að sækjast eftir völdum og frama innan stjórnmálana það vantar kjörþokkann.

Svona í framhjáhlaupi myndi mér langa til að vita hvað allar þessar rannsóknir á öllu milli himins og jarðar kosta okkur skattgreiðendur mér er farið að finnast að í raun sé það rannsóknar æði sem runnið er á veröldina hannað af fólki til að skapa fólki vinnu. Það er til dæmi fróðlegt að fundur norrænu jafnréttisráðherrana komst að þeirri niðurstöðu að karlar og konur hafa ólík áhrif á loftslagið og því þarf að samtvinna loftslagbreytinga og jafnréttismál.
Ég hef trú að með þessum orðum sé búið að tryggja ansi mörgum ágætlega launuð störf á kostnað skattgreiðanda störf og niðurstöður sem munu að lokum ekki breyta neinu um loftslagið á þessari jörð og enn minna jafnréttinu eins og til dæmis rétti feðra til að umgangast börn sín.