Nú er minn hræddur.

Nú hryslast ottin um bak mitt og lendar hné skjálfa tennur skrölta og mig helverkjar í stórutánna. Allt þetta boðar yfirleitt hörmungar og harðindi og þegar við bætist að standardinn púri segir að hér sé allt að komast í blóma þá er ástæða til Maríubæna og úttálgunar verndar rúna því ekki veitir af öllum höfuðöflum í svona alvarlegu tilfelli.

Þeim ykkar sem haldið að þessi skrif gamlingjans bendi til þess að hann sé orðin galnari en áður þeim sem svo hugsa bendi ég á að Googla eða gogga ályktanir þessa sama fyritækis um Íslenska efnahagundrið á árunum 2006 fram að hruni og hve öfluga fyrirtækið taldi bankana.

Ég trúði þeim ekki þá og ég trúi þeim ekki nú lái mér hver sem vill en ég sem og aðrir vantrúaðir fáum að borga fyrir tjónið sem að hluta til verð vegna arfa vitlausra ráðlegginga spekinga sem að ekki má segja annað um en að álit þeirra hafi í besta falli ekki verið pappírsins virði. Ég kann þó mun ljótari orð til að lysa skoðun minni á matsfyrirtækjum .

Batnandi horfur að mati S&P

Athugasemdir

[Jóhann Elíasson, 24.11.2011 kl. 09:38]

Sáum við ekki fyrstu merkin um þessa "uppleið" þegar Lindex opnaði??????  Já, gamli vinur og skólabróðir, ég tek heilshugar undir með þér.............