Það snjóar í höfustaðnum.

Skokkandi á hamstrahjólinu sem að ég vil kalla þessi svokölluðu hlaupabretti í líkamsendurbótastöðvunum varð mér litið út um gluggana og fjárinn hafi það það snjóaði fannhvít logndrífan leið um fyrir utan gluggann.

Í augnablik hélt ég að heimurinn væri að farast en gerði mér grein fyrir því að þetta var ekki logndrífa heldur óhemjumagn hvítra frjókorna sem nú fykur um borgarlandið og veldur borgurunum svima nefrennsli sumum það miklu að þeir komast varla úr húsi.

Þessa sumarsnjókomu getum við þakkað borgaryfirvöldum sem skera allt niður sem að þau geta eða svo til allt tel að það finnist innan borgarkerfisins þjóðþrifa mál sem að minna hafa verið skorin niður og teljist merkilegri en líf og heilsa borgarbúa mál sem standa nær eiginhagsmunum fulltrúa vorra.

 Þetta leiddi huga að því að ég hef ekki séð götusóparar á ferð í Reykjavík þetta sumarið hef þó spurnir af því að það hafi farið einn um götuna hér einhvern tíma árla sumars. Þetta leiðir síðan til þess að þegar haustar verður ryk og önnur óáran í borginni illþolanleg því hvort sem okkur likar betur eða verr þá berst hingað nokkuð af ösku frá Suðurlandi. Þegar síðan verður farið að kvarta yfir þessu þá verður helv nagladekkjunum kennt um þó að í raun sé getuleysi borgaryfirvalda að kenna þá geta borgaryfirvöld skattlagt sitt eigið getuleysi og bannað notkun nagladekkja nema gegn gjaldi og valdið þannig 14% aukningu slysa í umferðinni samkvæmt orðum Sænsk sérfræðings sem hingað kom fyrir nokkru.

Þetta er hið Íslenska stjórnkerfi í raun getulaust eiginhagsmunaapparat sem ef skera á niður stundar það að færa birgðarnar yfir á borgararana en heldur Versalapartíi sínu áfram spilandi á fiðlu eins og Nero.

Ég persónulega hefði alveg þolað niðurskurð listahátiðar einfalt stjórnkerfi í Hörpu færri ferðir í Múmidali heimsins sparnað í menningar nótt og annað sem forgengilegt er ef það hefði í staðin komið í veg fyrir það að hluti einstaklinga þyrfti ekki að eiða stórfé í ofnæmislyf vegna aðgerðarleysi borgarinnar.

Veit síðan ekki hvort ég heyrði rétt enda orðin hálfheyrnarlaus af frjókornum í eyrunum á mér en gat ekki betur heyrt en einhver talskona borgmeisters kallaði þennan ófögnuð meðvitaða umhverfisstefnu í einum ljósvakamiðlinum sem reynir 24 tíma á sólarhring að viðhalda Potekímtjöldum fáranleikans hér á landi  ATSJUUUUUUUUUUUUUUUUUUUUUUUUUUUUU ég segi nú ekki annað.