Hvað er maður að gera hér.

Ég verð að viðurkenna að þó komin sé á gamalsaldur og vilji hvergi annarstaðar vera en hér enda eitt ævinni á skerinu þá er farið að hvarfla að mér að það sé ábyrgðarleysi að selja ekki það sem verðtryggingin er ekki búin að éta af mér nú þegar og bregða undir mig betri fætinum og nota reyturnar til að koma mér fyrir annarstaðar á hnettinum ásamt afkomendum mínum. Í æsku gleypti maður í sig sögu vesturfaranna og lofaði það að þessir tímar væru liðnir en ekki datt manni þá í hug að á tuttugustu og fyrstu öldinni ætti maður eftir að standa í sporum þeirra og íhuga hvort að afkomendum manns sé ekki betur borgið annarstaðar á hnattkringlunni. Það sem er þó öðruvísi núna er það að ástandið í dag er mannanna verk en þá voru það náttúruöflin sem hröktu menn og konur úr landi. Það er þeim sem starfa á hinu háa Alþingi til ævarandi skammar að þau hafi ekki rofið hringrás verðtryggingarinnar heldur láti hana rúlla áfram.

Ég hefði sætt mig við 20% leiðréttingu á launum fyrir hálfum mánuði síðan nú kemur ekkert annað til greina en 50% þó er ég viss um að hin lélega forusta okkar lútir í gras og semur um 2% og þá er eins gott að fara að hypja sig.

Skeljungur hækkar eldsneyti