Með lögum skal land byggja

Steingrímur þarf að hafa það í huga að Alþingi samþykkti lög vegna ábyrgðarinnar.
Það er því ekkert um að semja í þessu tilfelli og óþarfi að vera að taka málið upp. Samþykki kúgarar okkar ekki gjörninginn er sjálfsagt að láta þá hafa símanúmerið hjá Héraðsdómi sem virðist vera svolítið svag undir víkinga miðað við dóminn í máli VBS. En með lögum skal land byggja segir og það á að virða jafnvel þótt háttvirtur fjármálaráðherra vilji ólmur afla sér vina í Evrópusambandinu með því að undirgangast hvað sem er.

Einnig er þeim velkomið að semja aftur en þá vil ég að einhver annar en Svavar Gestson leiði samninga nefndina. Hann er hin vænsti maður en það er mín skoðun að aðgerðir hans og dóttur hans hafi þó vel sé meint leitt til þess að líf mitt hér á skerinu verði mun verra en það hefði þurft að vera.  Því vil ég annan samninga mann og væri ekki verra að það væri annar ritstjóra Morgunblaðsins því sá maður hefur að minnsta kosti ekki talað niður til þjóðarinnar og skammast í henni heldur hefur hann ítrekað bent á óreiðumennina sem að hruninu ollu og þá staðreynd að þeir eiga að greiða tjónið en ekki þjóðin.

 

Steingrímur til Tyrklands

Athugasemdir

[Sigrún Guðmundsdóttir (IP-tala skráð) 2.10.2009 kl. 20:20]

Eins og talað út úr mínu hjarta Jón Aðalsteinn.  Hafðu þakkir fyrir.

[Jóhann Elíasson, 4.10.2009 kl. 11:24]

Það kom nú nokkuð vel fram í Kastljósviðtalinu við Steingrím, um daginn þegar talað var við hann í sambandi við útkomu fjárlaganna, að hann taldi sig og ríkisstjórnina hafin yfir lög.  Vegna þess að þáttastjórnandinn hafði ekki þekkingu á þeim málum sem hann spurði um komst Steingrímur upp með að BULLA nokkuð sem hann hefur MIKLA reynslu í.