Hið rétta andlit ESB

Nú er fokið í flest skjól þegar Guðni lætur undan.
Það má sjá í fréttum hið sanna andlit þessara svokölluðu vina okkar jú jú við skuldum þeim pening en við höfum alltaf sagt að við ætluðum að borga það sem okkur bæri en ekki það sem okkur bæri ekki. Því hefur þróun síðustu daga sýnt mér það að við eigum ekki að ganga í ESB ekki núna ekki bráðum og ekki í neinni framtíð sem að hugsuð er þessari þjóð til hagsbóta.
Ég fer ekki í grafgötur með að við skuldum og eigum að borga það sem okkur ber en skoðum þetta aðeins betur.
Við leituðum að hjálp allt þetta ár fengum alstaðar neitun því lít ég á þau ríki sem að slíkt gerðu eins og herragarðseigendurnar sem lokuðu dyrum sínum á óveðursnóttum fyrir ferðalöngum í leit að hjálp.
Þegar fallið kom þá settu Bretar á okkur hryðjuverkalög því má líkja við að herragarðseigandi taki úlpuna af leiguliða sínum og sendi hann síðan út á akurinn til að bjarga leigunni á óveðursdegi.
Vinalönd okkar hafa síðan staðið í vegi fyrir lánveitingu til okkar nema að við gengjum að þeirra kostum þetta sýnir að Versalahugsunarhátturinn er enn í fullum gangi hjá sumum löndum í Evrópu og þessi aðgerð er sú sama og þegar eineltisbullur hóta þeim sem hefðu þó ætlað að láta leiguliðan hafa úlpu.
Hugleysi nágrannaríkja okkar er enn ein ástæðan fyrir því að við eigum að endurskoða afstöðu okkar til þeirra.
Nú ætlar IMF að lána Pakistan ekki sé ég að Bretar setji sig á móti því eða Danir eða Hollendingar þó er talið að meiri hluti þeirra hryðjuverkamanna sem eitthvað hafa gert hafa hlotið menntun í sínum fræðum í Pakistan talið er að Bin Laden hafi bækistöðvar a landamærum Pakistan þetta leiðir ekki til neinna aðgerða af hálfu hina réttlætisfullu þjóða heldur betur ekki. Og hugrekki Hollendinga er miklu meira núna gagnvart vopnlausri þjóð heldur en þegar þeir drógu hermenn sína til baka í Srebrenica í Bosníu 1995. Ég gæti tuðað miklu meira um álit það sem að ég hef á þessu Evrópu batteríi en læt staðar numið að sinni. En það sem er að ske nú í þessum málum á skiljanlegan máta er það að ESB hagar sér gagnvart okkur eins og handrukkari sem að lemur ömmuna til að innheimta skuldir ömmubarnsins.
Ég vona að Guðni sjái að sér og haldi áfram að vera trúr sjálfum sér en hlaupi ekki á eftir vinsældarkosningum fjölmiðla sem flestir eru í eigu aðila sem að hafa hagsmuni af því að gegnið verði í ESB og þjóðin gleymi hinum vösku útrásarmönnum sem fyrst.

 

 

 

 

 

 

Guðni vill skoða ESB-aðild