Við gerum eitthvað gerum eitthvað

Við gerum eitthvað, gerum eitthvað, gerum eitthvað, gerum eitthvað annað.
því eitthvað annað er það sem þjóðin þarf.
Svona einhvern vegin held ég að baráttu söngur landsliðins það er ekki handboltalandsliðsins heldur Íslenska stjórnmálalandsliðsins á vinstri vængnum hljómi og svona hefur hann hljómað lengi.
Mér var ekki farið að vaxa skegg þegar ég heyrði hann fyrst og hafði þá hár niður á herðar en núna vex mér skegg og það meira að segja í eyrunum og af hárinu er það helst að segja að það er eins og melgras brúskurinn harði í kvæðinu Áfangar, lítill brúskur á löngu uppblásinni auðn.
En þó ég hafi elst og dalað þá hafa vinstri menn enn afkomu sína af einhverju öðru sem er í raun hin besta atvinnustefna því maður er alltaf í sókn það er maður er bara að fara að gera eitthvað annað.
Eitthvað annað er framleiðsla sem að ekki hefur gert mikið til að auka gjaldeyrisforða þjóðarinnar eftir því sem að ég veit best. 

Nýjasta annað eru gagnaver sem ég hef viljað kalla nautnageymslur. Því sé það satt að meira en helmingur alls þess efnis sem um internetið fer sé ólöglegt niðurhal og klám þá hljóta gagnaver að hýsa þau gögn og eru því að hluta til nýtísku súlustaðir og svartamarkaðs vörugeymslur. Skildu VG vita af því.
Þetta eru  steypukumbaldar sem verða síst fallegri að utan heldur en jarðvarmaver eða álver því mér hefur sýnst steypan líta eins út sama hvað hýst er innan veggja. 
Þessi ver  munu jú veita einhverjum störf en ég persónulega tel að fjöldi þeirra sé ofmetinn. Þau þurfa síðan rafmagn og ef mér finnst raflína lýti í náttúrunni þá er hún jafn ljót hvað sem að tengt er við endana á henni. Þessi ver þurfa kælingu og hana mikla til þess þarf kælivatn sem verður að sækja sennilega í iður jarðar og til að flytja það þarf pípur og pípur eru ekkert fallegri þó að þær liggi að gagnaveri frekar en frá jarðvarmaveri.

Það mætti halda það eftir þessi skrif að ég væri eindregin stuðningsmaður álvera og andstæðingur gagnavera en ég er hvorugt ég er fylgjandi uppbyggingu í landinu sama í hvaða formi hún er ég er fylgjandi því að við nýtum landið kosti þess og galla til að gera líf okkar hér betra og til að skapa meiri hagsæld fyrir  börnin okkar. Ég er stuðningsmaður þess að fólkinu fyrir norðan sé gert kleyft að fá vinnu í sinni heimabyggð og sé ekki tilneytt að flytja suður á mölina í leit að afkomu, ég er fylgjandi því að staðið verði við loforð sem hefur hljómað frá þeim tíma sem að ég lýsti hér að ofan. Loforð sem að hljómar á fjögurra ára fresti við kosningar. Það er loforð um atvinnu uppbyggingu á Norðausturlandi.

Það er einungis ein atvinnu uppbygging sem að ég er á móti og það er önnur atvinnu uppbygging, hún skilar engu nema brostnum vonum og gjaldþrota heimilum því ef maður er alltaf að fara að gera eitthvað annað þá gerir maður aldrei neitt.

Til að byggja upp núna þarf svo vitnað sé i sjómannamál að setja stefnuna strika kúrsinn og sigla síðan eftir honum en ekki láta reka á reiðanum og taka síðan hentistefnu sem að skilar fleyinu á blindsker og allri áhöfninni í sjóinn þar sem meira en helmingur hennar svamlar án björgunarvesta vegna þess að stjórnvöld höfðu tekið þau upp í Icesave

Góða helgi

 

 

Viljayfirlýsing ekki framlengd

Athugasemdir

[Jóhann Elíasson, 26.9.2009 kl. 23:47]

Mjög góð grein, sem sýnir að þótt hárvöxturinn breytist þá breytist vinstri "söngurinn" ekkert.

[Rauða Ljónið, 27.9.2009 kl. 01:00]

Sæll. Árið 2007 var kosið í Hafnarfirði um stækkun Alacan í boði var að hálfi VG eitt hvað annað í staðs álvers  í dag væru um eða yfir 2000 að vinna við framkvæmdir, stækkunarmáli var fellt og við fengum þetta eitthvað annað það svo sem ágæt fyrirtæki það er ekki á firmaskrá engar tekju engin atvinna en tómar íbúðir auð iðnaðarhverfi breiður af vinnuvélum sem stand verkefnis laus við Hafnfirðingar eru en ekki búnir að átta okkur alveg á þessu eitthvað annað er, en nú vitum að það gefur engar tekjur og enga atvinnu, undarleg stefna VG í atvinnumálum hún mun varla breytast úr þessu.

Kv. Sigurjón Vigfússon

Rauða Ljónið, 26.9.2009 kl. 23:00

[Jón Aðalsteinn Jónsson, 27.9.2009 kl. 08:53]

Sumt virðist aldrei breytast Jói og menn virðast aldrei læra.

Þakka góða og hárrétta athugasemd Sigurjón