Skrum

Hvað bráðnuðu margir milljarðar tonna af ís umfram nýmyndaðan ís
Bráðnar stöðugt meiri ís vegna þess að það er stöðugt meiri ís að myndast.
Hér er mjög góð grein sem að fjallar um hækkun sjávar á faglegum nótum
En sem fyrr ætla ég að halda í lopapeysuna og hef ekki uppi áætlanir um að flytja á hærri
stað eða kaupa sundfit

http://www.mitosyfraudes.org/Calen7/MornerEng.html

Heimskautaísinn bráðnar hratt

Athugasemdir

[Ásgrímur (IP-tala skráð) 20.1.2008 kl. 14:51]

Það er sumar á suðurskautinu.

[Fannar frá Rifi, 20.1.2008 kl. 19:20]

Slembinn, ætti sjávarmál ekki að hækka um 1 til 2,5 centimetra á ári og vera allavega sentimetra hærra um næstu ár heldur en núna? 

[Ólafur Als, 20.1.2008 kl. 20:33]

Ísinn sem bráðnar á Suðurskautinu er að mestu landfastur hafís, sem eðli málsins skv. getur ekki valdið hækkun sjávar - ganga þarf á ísinn sem hvílir á fastlandi til þess að sjávarmál hækki (að öðrum þáttum jöfnum og gefnum). Bent hefur verið á að aukinn lofthiti valdi meiri úrkomu og þar með muni safnast aukinn ís á fastlandi Suðurskautsins. Hér er enn verið að gefa sér meira en gott er og enn ein ástæða þess að taka einstaka vísindaathugun ekki of alvarlega.

[Snæbjörn (IP-tala skráð) 21.1.2008 kl. 02:07]

„ Slembinn, ætti sjávarmál ekki að hækka um 1 til 2,5 centimetra á ári og vera allavega sentimetra hærra um næstu ár heldur en núna?“

Jah, ef þú gerir ráð fyrir því að yfirborðshækkun sjávar sé alltaf jöfn þá máttu alveg ímynda þér að þessi „kenning“ verði afsönnuð um næstu áramót þegar það kemur í ljós að yfirborð sjávar hefur ekki hækkað um 1 - 2,5 cm. Hækkunin hefur hins vegar ekki verið alltaf jafnmikil, og hefur raunar verið að aukast síðustu áratugi, var 1,8 mm á ári 1961-2003 en 3,1 mm á ári 1993-2003. Það er augljóst að yfirborðshækkun sjávar mun ekki taka svo stórt stökk að það muni hækka um 1 cm fyrir næstu áramót en yfirborðshækkunin eykst með tímanum.

„Ísinn sem bráðnar á Suðurskautinu er að mestu landfastur hafís, sem eðli málsins skv. getur ekki valdið hækkun sjávar - ganga þarf á ísinn sem hvílir á fastlandi til þess að sjávarmál hækki (að öðrum þáttum jöfnum og gefnum). Bent hefur verið á að aukinn lofthiti valdi meiri úrkomu og þar með muni safnast aukinn ís á fastlandi Suðurskautsins.“

Það er rétt að bráðnun hafíss hækkar ekki yfirborð sjávar. Landísinn hvílir hins vegar á landfasta hafísnum og ef hafísinn við Suðurskautið hverfur missir landísinn fótfestuna sem myndi leiða til þess að flæði íss af meginlandinu út í sjó myndi aukast mikið. Það er líka rétt að aukinn lofthiti eykur úrkomu á Suðurskautslandinu, sem er nokkurs konar heimskautaeyðimörk, og gæti ísmassinn aukist inni á meginlandinu (það er gert ráð fyrir því í mörgum loftslagsmódelum). Það er hins vegar ekki ljóst hvort það muni vega upp á móti minnkun íssins við ströndina. Þessar rannsóknir benda alla vega ekki til að það sé raunin nú, þótt það gæti vissulega breyst síðar.

„Hér er enn verið að gefa sér meira en gott er og enn ein ástæða þess að taka einstaka vísindaathugun ekki of alvarlega.“

Rétt, það ætti ekki að taka niðurstöður einnar rannsóknar, sem sannleik. Það á eftir að koma betur í ljós með tímanum og frekari rannsóknum og mælingum hvernig jöklunum á Suðurskautslandinu og Grænlandi reiðir af. Þessar rannsóknir lofa samt ekki góðu.

[Þór (IP-tala skráð) 23.1.2008 kl. 04:40]

Vangaveltur á báða bóga: Rúmmál íss er meira en rúmmál vatns.  Er ekki reglan á þá leið að maður sér aðeins 10% af ísjakanum?  Þá eru 90% í kafi.  Ef 1,000 rúmmetra ísjaki er á floti, þá eru 100 upp úr og 900 á kafi.  Þegar jakinn er kominn í fljótandi form, þá telst vatnið úr honum til 900 rúmmetra og hefur þá ekki haft áhrif á vatnshæð.  Þó er alltaf e.r uppgufun sem á sér stað á sama tíma og ætti því vatnshæðin aðeins að lækka.  Það er þá spurning um hversu mikið af landbundnum ís sem er ekki á floti muni bráðna mínus það sem fellur niður sem ís aftur um alla jörð.  Sömuleiðis, hversu mikið mun lofthjúpurinn og landbundið yfirborð geta mettast af vatni á jörðinni við meiri uppgufun - hvaða áhrif mun það ástand hafa.  Það er ekki hægt að setja sama sem merki á milli bráðnunar yfirborðsíss og hækkun sjávarmáls; vatnshæðin verður alltaf e.ð minni en rúmmál vatnsins sem kemur til við bráðnunina.  Það má þó búast við einhveri hækkun til margra ára.Það sem ekki er mikið rætt um í sambandi við mikla bráðnun, en gæti haft hörmungar í för með sér, eru áhrif þyngdarflutnings á heimsálfuflekana.  Þegar trilljónir tonna flytja sig um set, getur það haft í för með sér öflugar jarðhræringar af ýmsum toga þegar flekarnir ýmist fá meiri eða minni þrýsting á tiltölulega skömmum tíma.  Hvað er til ráða?   Ein ágæt hugmynd heyrðist frá gárungi einum um að búa til risastórar sogpumpur knúnar sólarorku og dæla bara sjónum upp í eyðimerkur Afríku og Asíu, rækta þar síðan gróður sem tekur burtu mengun og drekkur í sig loftraka.  Nema að úrkoman og hlýnunin taki ráðin í sínar hendur og geri eitthvað í þá veru sjálfkrafa.  Það eru margar keðjuverkanir sem ekki er enn búið að sjá fyrir, en geta haft úrslitaáhrif á framtíðina.Það er þó alveg ljóst að jarðarbúar geta ekki haldið áfram á sömu braut lengur í sinni skaðvænlegu umgengni við hnöttinn.  Nægjusemi ætti að setja í lög.  Það gengur ekki upp að allar hræður jarðar geri og hafi stærst og mest af öllu mögulegu og ómögulegu, flestu sem engin þörf er raun á.  Það er til nóg af mat, fatnaði og úrlausnum til að sjá öllu jarðfólki fyrir húsaskjóli og getu til að sjá sjálfu sér farborða og vera hluti af samhengi vistræns samkerfis.  Mannskepnan er bara enn svo vanþróuð að hún hefur ekki náð að skilja þetta nógu vel.  Sjálfur á ég erfitt með að breyta til, maður er bara mótaður af umhverfinu.  Vonandi verður það þó ekki of seint fyrir næstu kynslóðir að breyta rétt.Slöppum af, látum okkur líða vel, förum út að labba og rabba.  Ef 10 milljón Bandríkjamanna myndu fylgja þessu ráði 10 sinnum á ári í staðinn fyrir að fara í molann í tilgangslausa verslunarferð upp á 10 km, á ökutæki sem fer 10km á einu bensínlítra, þá sparast á einu ári hundrað milljón lítrar af bensíni og þúsund milljón kílómetrar eknir og færri slys spara örugglega á ýmsan hátt.  Í bónus fá göngugarparnir betri alhliða heilsu og spara þannig enn fremur á ýmsa vegu.  Það er endalaust hægt að minnka skaðsemina og ruglið á auðveldan hátt.  Einfalt en alltof erfitt, eða hvað?